1 Crónicas 17:1 - Dios Iwene

¹ Jemi ikenama, Davidma ida̧ökö wene jwiinö iteda eju otiwejunö ö̧jenama, Davidma omukwatö yöa̧linobe Dios yöawi̧ yöbawo̧ Natan mikwo̧nö: —Natan, ötjöma beju otiweju, cedro towi ötebiyatjö otikwejunö otiwanö chö̧jobe, ¿jö̧tö? Jau, otiwejunö chö̧jobe, jo̧kwaijayonö otiwejunö chö̧jonö, Chuluwo̧ Isabenö Jo̧ iteapjoma otiwejunö jo̧kobe, löwötenöda, sabana'wotjö otikwejunöda jo̧be Chuluwo̧ iteapjoma. Chedemi sula, ötjö otiwejunö chö̧jonö, chuluwo̧ iteapjo sulabejunöda jo̧böma, —jö̧ba̧lö yöa̧linobe Davidma Natannö.

1 Crónicas 17:1 ပူးပေါင်းရင်းမြစ်များ

2 Samuel 12:1

Isabenö Jo̧ma David ja̧ina öpöjödinobe, ja̧danö yöawi̧ yöbawo̧nö weinobe, Natan mikwo̧nö, Davidnö yöawobö. Ja̧danö, ichibö, Natanma Davidnö yöawinobe baikwö: —Ju'wi comunidadtjö, du̧ju̧taja tjuju̧kwinobe, luwo̧danö jo̧bi, usulaso̧bi.

2 Samuel 12:25

ja̧danö Dios yöawi̧ yöbawo̧ Natannö weinobe, Davidnö yöawobö, —Isabenö Jo̧ ösödökwe kwitji̧nöma, —jö̧ba̧lö. Jo̧kwajabetjö̧ ju'wi imi Jededias jö̧ba̧lö imidinobe, Isabenö Jo̧ ösödökwe jö̧ba̧lö.

2 Samuel 6:17

Ja̧danö, Jerusalenbe ichibajadö, löwöte i̧sȩdo̧tjö otikwöte okwa tjujuninobe. Tjichejebakwa̧ abönö, Davidma tjujunakwöte otidinobe, ja̧danö jöte okwa Isabenö Jo̧ iteapjo tjujuninobe. Ikenama, isapjo junajo̧, Davidma Diosnö iyawa jwiinö ubinö iyawabi, ju'wi Dioskwö ösökwö ja̧kwawa iyawabi Isabenö Jo̧nö iyinobe. Ikenama, iyajo̧, Isabenö Jo̧ Okobe Jwiinö Juluwo̧ Diosnö aebinobe, israel jojodönö pjaatobö.

1 Reyes 1:23

Ichibiawö̧, la'aka luwo̧ David ömöayedöma Davidnö yötjawinobe, —Duluwo̧, Dios yöawi̧ yöbawo̧ Natanma ökwönö yöbawö ichajabe, —jö̧ba̧lö. Ja̧danö, Natan la'aka luwo̧ David öba a'o teachenama, öba nijakwö bȩa̧chibinobe, —Chuluwo̧ja, —jö̧ba̧lö.

1 Reyes 1:44

Jau, la'aka luwo̧ Davidma, ö'weje pjabato̧ Sadocnöbi, Dios yöawi̧ yöbawo̧ Natannöbi, Benaiasnöbi, ömöayedö la'aka luwo̧nö tjöbeba̧lö teada̧ladönöbi weajabeta, Salomonkwö tji̧'yoböma. Weiawö̧, Salomonnö wetjatö, la'aka luwo̧ ajwi kabayunö öwobö,

1 Reyes 1:8

Jo̧kwaijayonö, Abiatarbi, Joabbi Adoniasnö pjatjatinajayonö, Diostjö jojodötjö ö'weje pjabato̧ Sadocbi, Davidnö tjöbeba̧ladö la'aka tjuluwo Benaiasbi, Dios yöawi̧ yöbawo̧ Natanbi, Simibi, Reguibi, ju'wedö David ömöayedötjö inesö juluwadö ölakwabikwawadöbi, Adoniasnö pjatjatinokobe.

1 Reyes 8:17

—Jau chömöledö, chabe'do Davidma nöinö ösödinobe, israel jojodö dösödökwe Isabenö Jo̧ Diosnö otiwanö omukwatö, Dios eju baibanö otidoböma.

1 Crónicas 14:1

Ja̧danö, Tiro comunidad la'aka luwo̧ Hiram mikwo̧ma yöbawadönö weinobe Davidnö, chömöledöbi kwömöledöbi wene jwiinö dö̧jakwedösa jö̧ba̧lö. Ja̧danö ju'wibi nöinö towi ötebiya weinobe Hiramma, otiwowi cedro ötjabowi ötebiyama, ja̧danö ja̧ towi ötebiya otidadönöbi, inawiya jawa otidadönöbi weinobe, David ö̧jakweju otiweju tjotidobö.

1 Crónicas 15:1

Jerusalen comunidad, David itebo comunidad ötjabobe comunidadnö ja̧nö, iteda ejubiya otidinobe Davidma. Ja̧danö, ju'wibi Dios iteapjo wei̧ wȩyukwaba döbölataja a̧ja̧pjo ujunakwemi otidinobe, ja̧danö jobe o̧do sabana'wotjö otikweju otiweju otidinobe, jobe Dios iteapjo ujunakobetjö.

1 Crónicas 16:1

Ja̧danö, Jerusalen comunidadbe ichibajadö, Dios iteapjo tetjatinobe, ja̧danö David otidina sabana'wotjo otikweju okwa tjujuninobe. Jemi ikenama Dios öba a'otjö, jwiinö ubinö iyawa kwabö juwö tjiyinobe Diosnö, ja̧danö ju'wi Dioskwö ösökwö ja̧kwawa iyawabi kwabö juwö iyö tjukwinobe.

1 Crónicas 17:2

Yöa̧lökwe, Natanma atadinobe, —Isabenö Jo̧ma ökwökwö ja̧nö pjabato̧ chuluwo̧ David, jo̧kwajabetjö chedemi otiwanö kwomukwati̧danö Dios iteapjo eju kwotido, —jö̧ba̧lö atadinobe.

1 Crónicas 17:5

Jau David, chömöledö israel jojodönö egipto nijitjö ötibinemi baikwöma, la'akatjöda otiweju 'diejunö chö̧jijökötö, ba̧kwelöjatebö sabana'wotjö otikwejunöda ja̧nö pjolachö jelobetenia kwetachijatö israel jojodökwö.

1 Crónicas 22:6

Jemi ikenama, Davidma iteda itji̧ Salomonnö jwöinobe, ö̧jobekwö ichobö. Ja̧danö, ichajo̧nö weinobe, Isabenö Jo̧ Israel jojodö tjösödökwe Dios eju otidakwa̧ jawa, baikwö:

1 Crónicas 22:7

—Chitji̧ Salomon, chösödökwe Isabenö Jo̧ Diosnö ösödö, ötjöda eju chotidobö chomukwatijatö, chösödökwenö otiwanö tjomukwatobö jö̧ta̧lobetjö̧.

1 Crónicas 28:2

Ja̧danö, öba a'o tjichibiökwe, tjöba a'o a̧la̧ibö öjamatinobe Davidma, ja̧danö jobadönö yöawinobe baikwö: —Chömöledö chömöayedö israel jojodö, baikwö yötawaduwakwö: Ötjöma Isabenö Jo̧ eju, wei̧ wȩyukwaba döbölataja a̧ja̧pjo ja̧kweju chotidobö chösödijatö, jejuma ba̧kwelöjatebö duluwo̧ Dios ömasapiya wanawemidanö ja̧kobetjö̧. Ja̧danö, jobekwö omukwatö jeju chotidakwa̧ abönö jawa chotidijatö.

1 Crónicas 29:29

Ja̧danö, okobe jwiinö David ja̧bö ö̧jina wenema, jele'yebiyanö laebobe, ajayi ja̧bö ö̧jinatjö ö'wö baibenanö baibanö. Ja̧ David ö̧jina tji̧wȩyudinama, Dios yöawi̧ yöbawina Samuel i̧wȩyudina'yenöbi, Dios yöawi̧ yöbawo̧ Natan i̧wȩyudina'yenöbi, Dios yöawi̧ yöbawina Gad i̧wȩyudina'yenöbi laebobe.

Éxodo 26:1

Ina, Isabenö Jo̧ma Moisésnö webijetö: —Moisés, jojodönö weköbo o̧do wamenö muchekwa o'wiju tjiti̧lo, kwö'da̧deduwinö chö̧jakweju, wainöseju, jelobe jelobebi kwe'ewaduwakweju wamenö tjumuchebakwa̧ o'wijuma. Baikwö tjiti̧lo weköbodönö: Ajayinöma domulataja jawa o'wiju tjiti̧lo. Bakwa'wokwena wayobekwö doce metros y medio ja̧danö, ja̧kwölakwö dos metros tjiti̧lo. Ja̧danö, ja̧ o'wijuma jwiinö otiwi̧ jawa, lino mikwi̧ dölawa opjiyatjö tjiti̧lo. Ju'wi opjiyakwö luledö tjiti̧lo, ö̧'dö̧wayutjö, ö̧'dö̧yuwayutjö, duwayutjö. Ja̧danö, tjiti̧laja̧ o'wijunö bakwa̧'wokwena bakwo̧ 'dö̧awa waiso̧ma queribines mikwadö tjo̧'wo̧ jawa 'dö̧o.

Daniel 4:4

Tupakwö yöawinobe Nabucodonosorma: Chömöledö, ötjö Nabucodonosorma cheju otiwejunö cho̧'wo̧ ösöwanö chö̧jijatö, wene jwiinö chö̧jijatö.

Hechos 7:46

Davidminenöma Diosma otiwanö edijetö. Jo̧bama Diosnö abebijetö Dios eju otidobö, Jacob ösödökwe Dios ejuma.