1 Crónicas 16:5 - Dios Iwene

⁵ Asaf mikwo̧ ju'wedö ja̧ jawa otidadö tjuluwo̧ ö̧jinobe, ja̧danö Asafma cimbalos jawa pjeawa jojo ö̧jinobe. Ikena luwo̧ma Zacarias mikwo̧, ja̧danö jo̧ba ikenabedöma, Jeiel mikwo̧bi, Semiramot mikwo̧bi, Jehiel mikwo̧bi, Matatias mikwo̧bi, Eliab mikwo̧bi, Benaia mikwo̧bi, Obed edom mikwo̧bi, jelo̧ Jeiel mikwo̧bi. Jobadöma arpa jawabi, lira jawabi pjeawa jojodö tjö̧jinobe.

1 Crónicas 16:5 ပူးပေါင်းရင်းမြစ်များ

2 Samuel 6:5

Ja̧danö, kwetjachonö, Davidbi, okobe deinö ju'wedö israel jojodöbi tjo̧'wo ösöwachibanö Isabenö Jo̧ öba a'otjö kwetjachinobe, lo̧böbi, lo̧awa jawa arpabi, lirabi, panderetasbi, sistrosbi, cimbalosbi ökwöinö.

1 Crónicas 16:37

Ja̧danö, Davidma weinobe, Levisaso jojo Asafnöbi, ju'wedö ömöledönöbi ba̧kwelöjatebö Isabenö Jo̧ iteapjo öba a'o lo̧bö tjö̧jobö, otidineju sabana'wotjö otikwejunö, mölekwena tjotido jö̧tja̧lidanö tjotidakobetjö̧.

1 Crónicas 16:4

Ja̧danö, Isabenö Jo̧ iteapjo Jerusalen comunidadnö junajo̧, Davidma Levisaso jojodötjö ju'wedönö 'da̧batö ujuninobe, Isabenö Jo̧ iteapjo öba a'o jawa tjotidobö, tjo̧'wo ösöwachibanö Isabenö Jo̧nö ösödö yötja̧loböbi, —Otiwanö pjabato̧ja, Otiwo̧ja Duluwo̧, —jö̧ba̧lö Isabenö Jo̧nö tjösödoböbi. Jobekwö 'da̧batö ujuninawö̧ma bidö:

1 Crónicas 16:6

Ja̧danö Diostjö jojodötjö ö'weje pjabatadö Benaia mikwo̧bi, Jahaziel mikwo̧bi, Dios iteapjo wei̧ wȩyukwaba döbölataja a̧ja̧pjo öba a'o ja̧nö, ba̧kwelöjatebö trompeta pjubö tjö̧jinobe.

1 Crónicas 6:24

Ja̧danö Asir itji̧ma Tahat mikwo̧. Ja̧danö Tahat itji̧ma Uriel mikwo̧. Ja̧danö Uriel itji̧ma Uzias mikwo̧. Ja̧danö Uzias itji̧ma Saul mikwo̧.

1 Crónicas 6:39

Ja̧danö Hemannö yö̧ne pjabato̧, öwaisobekwöchobe ja̧nö lo̧binama, jelo̧ Levisaso jojo Asaf mikwo̧. Jo̧ba Asaf a'dödö tjimibiya wȩyukwa'ye baikwö laebobe: Asaf abe'doma Berequias mikwo̧. Ja̧danö Berequias abe'doma Simea mikwo̧.