1 Crónicas 16:4 - Dios Iwene

⁴ Ja̧danö, Isabenö Jo̧ iteapjo Jerusalen comunidadnö junajo̧, Davidma Levisaso jojodötjö ju'wedönö 'da̧batö ujuninobe, Isabenö Jo̧ iteapjo öba a'o jawa tjotidobö, tjo̧'wo ösöwachibanö Isabenö Jo̧nö ösödö yötja̧loböbi, —Otiwanö pjabato̧ja, Otiwo̧ja Duluwo̧, —jö̧ba̧lö Isabenö Jo̧nö tjösödoböbi. Jobekwö 'da̧batö ujuninawö̧ma bidö:

1 Crónicas 16:4 ပူးပေါင်းရင်းမြစ်များ

Génesis 17:7

Abraham, ökwönö yöbawö chujuni̧danö isabenö badekwachakobe. Ja̧danö, bakwelöjatebö ja̧kobe, ökwötjö tupadanö jojodönöbi yöbawö chujunobetjö̧. Abraham, ötjöma ökwö Kwuluwo̧ Diossa. Ja̧danö, ökwötjö tupadanö jojodöbi Tjuluwo̧ Dioschakwo̧sa.

Génesis 32:28

Ikenama öwawachajo̧ma jö̧ba̧lijetö: —Babema kwimi balewö lota. Jacob kwimikwökakobe, babema Israel, jö̧ba̧lö, mikwo̧ja, Diosnöbi, jojodönöbi ölakwabikwawö kwujuluwajabetjö̧. Ja̧danö, ökwöma Diosnöbi, jojodönöbi ölabikwawö kwujuluwajabetjö̧ Israel, jö̧ba̧lö mikwo̧ja babema— jö̧ba̧lijetö.

Génesis 33:20

Ikenama jena otidijetö Jacobma Diosnö ösödö juwö iyawemi. Jemi juwö iyawemima midijetö, El-Eloje-Israel, jö̧ba̧lö.

1 Reyes 8:15

Baikwö yöa̧linobe Salomonma: —Isabenö mikwawo̧ Isabenö Jo̧ israel jojodö dösödökwe Diosma, jo̧banö ösödö, –Otiwo̧ja, –jö̧ba̧lö dösödobö, isabenö chabe'do Davidminenö yöbawö ujuninadanö badekwachinö ja̧inobetjö̧.

1 Crónicas 15:16

Ju'wibi Davidma Levisaso jojodötjö luwedönö weinobe, tjömöledö levisaso jojodötjö lo̧awa jawa otidadönö 'da̧batö tjujunobö. Jobekwö 'da̧batö tjujunobö weinobe, Dios iteapjo tjichejebonö, lo̧awa jawa arpabi, lirabi, cimbalosbi pjebö, labinö tjo̧'wo ösöwachibanö lo̧tjakobetjö̧.

1 Crónicas 16:3

Ja̧danö ju'wibi, okobe deinö jobe ju̧kwadö Israel jojodönö ömadönöbi, ya̧dönöbi bakwo̧nökwena kwakwawa iyabinobe, pansapja̧ bakwapja̧bi, itebiyabi, ubatjö dalö isa'o baibanö tjotidinabi iyinobe, tjukwobö.

1 Crónicas 16:5

Asaf mikwo̧ ju'wedö ja̧ jawa otidadö tjuluwo̧ ö̧jinobe, ja̧danö Asafma cimbalos jawa pjeawa jojo ö̧jinobe. Ikena luwo̧ma Zacarias mikwo̧, ja̧danö jo̧ba ikenabedöma, Jeiel mikwo̧bi, Semiramot mikwo̧bi, Jehiel mikwo̧bi, Matatias mikwo̧bi, Eliab mikwo̧bi, Benaia mikwo̧bi, Obed edom mikwo̧bi, jelo̧ Jeiel mikwo̧bi. Jobadöma arpa jawabi, lira jawabi pjeawa jojodö tjö̧jinobe.

1 Crónicas 16:8

Isabenö Jo̧nö dösödaduwo, —Duluwo̧ Isabenö Jo̧, otiwanö pjabato̧ja, —jö̧ba̧lö. Tjitebokwena jojodönö yödawaduwo, Isabenö Jo̧ otiwanö pjaataja̧ jawama.

1 Crónicas 24:3

Ja̧danö, Eleazar itji̧ tupadanö jojo Sadoc mikwo̧bi, Itamar itji̧ tupadanö jojo Ahimelec mikwo̧bi pjatjatonö, okobe deinö Aaron itji̧mu tupadanö jojodönö tjömöledösasokwena jojodö batjibanö 'da̧batö ujuninobe Davidma, bakwasokwena tjotido jö̧tja̧lidanö otiwanö tjotidakobetjö̧.

1 Crónicas 25:1

Ju'wibi Davidbi, ömöayedötjö la'aka luwedöbi lo̧awa luwedönö 'da̧batö tjujuninobe, Dios yöawi̧ yötjawonö, lo̧awa jawa lira jawabi, arpa jawabi, cimbalo jawabi pjetjobö. Jobekwö 'da̧batö tjujuninawö̧ma bidö: Asaf itji̧mu ömadötjö ju'wedönöbi, Heman itji̧mu ömadötjö ju'wedönöbi, Jedutun itji̧mu ömadötjö ju'wedönöbi. Baikwö laebobe jobadönö weawa wȩyukwa'yema:

1 Crónicas 6:31

La'aka luwo̧ Davidma Isabenö Jo̧ wei̧ wȩyukwa öbiya döbölataja a̧ja̧pjo ichejebö ujuninobe Jerusalen comunidadbe. Ja̧danö, jobe ujunaja̧ ikenama, lo̧awa jawa luwedönö omudawö ujuninobe, Isabenö Jo̧ eju lo̧awa jawa öbibö lo̧tjebobö.