1 Crónicas 16:12 - Dios Iwene

¹² Do̧'wo jwibibökönö, inesö otiwa jawa otidina domukwatibaduwo. Iteda ujulu i̧sȩbö, döpöjojodönö lȩebina jawa domukwatibaduwo.

1 Crónicas 16:12 ပူးပေါင်းရင်းမြစ်များ

1 Crónicas 16:13

Jobekwö omukwatö Isabenö Jo̧nö dösödaduwo ökwödö Israel jojodö, Jacob itji̧mu tupadanö jojodö, iteda ömöledö badibanö Dios omudawö ujuninawö̧ma.

1 Crónicas 16:14

Jo̧ba Isabenö Jo̧ma, ökwödö israel jojodö dösödökwe Dios, ja̧danö bö̧jȩ ba̧kwemeachibanö webö jo̧ma, jo̧bada.

Éxodo 13:14

Ju'winö kwi̧tji̧mu̧duwitjö bakwo̧ abebö a̧ja̧kwena ¿tajawedö kwimidobeda? jö̧ba̧lö baikwö kwatadonö: Isabenö Jo̧ma iteda ujulunö Egiptotjö ladebobö pjaatinobe, labinö dotidobö wetjanelö duju̧kwibanö.

Éxodo 13:3

Ja̧danö, Moisésma yöba̧lijetö Israel jojodönöma: —Babe möle, Egiptotjö lakebaduwi̧ mölema ba̧kwȩlö̧jatebö kwomukwataduwo, Isabenö Jo̧ma Egipto jojodö usula emawö kwotidaduwobö wetji̧tjö kwö̧jibaduwinö pjaatobetjö̧. Iteda ujulu i̧sebö Isabenö Jo̧ma Egiptotjö lakebaduwobö pjaatobetjö̧ ba̧kwȩlö̧jatebö̧ kwomukwataduwo. Jo̧kwaobetjö̧ bakwȩlö̧jatebö bite ja̧wo̧ badekwachena ba'ali kukwaduwo 'ye'yeachö̧kö̧ pankwö.

Romanos 11:33

Diosma isabenö otiwanö lȩlö̧jinö edo̧ chömöledö, otiwa jawa mikwa jwiinö iyö. Isabenö okobe jwiinö waiso̧ Diosma, ja̧danö okobe jwiinö ja̧i̧ma, waisanö ja̧bo̧. Bakwo̧bi deobe okobe jwiinö Dios omukwati̧ waiso̧ma, jweinö labebö lobö yöawo jö̧ba̧lö. Ja̧danö, bakwo̧bi deobe Dios ja̧i̧ waiso̧ma chömöledö.

Apocalipsis 16:7

Ikenama juwö iyawelötjö tjiwene ökwöi̧ cha̧ja̧kwijatö, baikwö: —Duluwo̧ Dios, ökwödaja jwiinö juluwo̧ma. Lȩkebi̧ma otiwanö, jweinö omukwatö lȩbebo̧ja— ja̧ tjiwene cha̧ja̧kwijatö.

Apocalipsis 19:2

Dios lȩebi̧ma otiwanö, jweinö omukwatö lȩbebo̧. Ja̧danö, Babilonia, jelo̧ jelo̧nö ju̧junö wanekwachemi tjo̧wi̧ lȩebajabe. Jobema, jelo̧ jelo̧nö ju̧ju sulabenö ja̧ji̧danö baibinemi, böjȩnö ju̧kwadönö jobujunö tjö̧jotö jö̧ba̧lö öbibö. Ja̧danö, Diosma iteda ömöayedönö, tjökwösobu ebawinö kwabawö lobinadönö balekwa mikwa iyö lȩebajabe.