1 Crónicas 16:1 - Dios Iwene

¹ Ja̧danö, Jerusalen comunidadbe ichibajadö, Dios iteapjo tetjatinobe, ja̧danö David otidina sabana'wotjo otikweju okwa tjujuninobe. Jemi ikenama Dios öba a'otjö, jwiinö ubinö iyawa kwabö juwö tjiyinobe Diosnö, ja̧danö ju'wi Dioskwö ösökwö ja̧kwawa iyawabi kwabö juwö iyö tjukwinobe.

1 Crónicas 16:1 ပူးပေါင်းရင်းမြစ်များ

1 Reyes 3:15

Jemi ikenama, jejenö i̧'wi̧dinö edajo̧, wiluinobe Salomonma, ja̧danö wilubajo̧, öwaisachibinobe, —Aaa, chi̧'wi̧dinö Diosma ötjönö yöawajabeta, —jö̧ba̧lö. Ikenama Jerusalenbe ȩwa̧jinobe Salomonma, ja̧danö Isabenö Jo̧ wei̧ wȩyukwa öbiya döbölataja a̧ja̧pjo öba a'o ja̧nö, jwiinö ubinö iyawabi, Dioskwö ösökwö ja̧kwawa jawa iyawabi Diosnö iyinobe, jadanö ba'ali ujuninobe, okobe deinö ömöayedö tjukwobö.

1 Reyes 8:62

Jemi ikenama, la'aka luwo̧ Salomonbi, ju'wedö israel jojodö jobe ko̧ko̧kwadöbi, jobe Isabenö Jo̧ öba a'o, kwabö juwö Diosnö tjiyinobe.

1 Crónicas 15:1

Jerusalen comunidad, David itebo comunidad ötjabobe comunidadnö ja̧nö, iteda ejubiya otidinobe Davidma. Ja̧danö, ju'wibi Dios iteapjo wei̧ wȩyukwaba döbölataja a̧ja̧pjo ujunakwemi otidinobe, ja̧danö jobe o̧do sabana'wotjö otikweju otiweju otidinobe, jobe Dios iteapjo ujunakobetjö.

1 Crónicas 15:12

Ja̧danö, ichibajadönö yöa̧linobe: —Ökwödödaja, Levisaso jojodötjö sasokwena luwedöma. Ja̧danö, ökwödö Levisaso jojodöma, Dios iteapjo kwekataduwakwedöja. Jo̧kwajabetjö̧, jobekwö wene jwiinö kwebatö, baikwö otidö chuninemi ichejebö kwujunaduwakobetjö̧, Dios öba a'o kwusuladuwi̧ dichawö loköbaduwobö jo̧be.

1 Crónicas 15:3

Jemi ikenama, Davidma okobe deinö israel jojodönö jwöinobe, Jerusalen comunidadbe tjichobö, Isabenö Jo̧ iteapjoma, ida̧ökö otidö ujuninemi ichejebö tjujunakobetjö̧.

1 Crónicas 16:2

Jemi ikenama, iyawa jawa kabatajadö, Davidma jojodö tjöba a'o ja̧nö, Isabenö Jo̧nö aebinobe, Israel jojodönö pjaatobö.

1 Crónicas 6:16

Levi mikwo̧ itji̧muma bidö: Gerson mikwo̧bi, Coat mikwo̧bi, Merari mikwo̧bi.