1 Crónicas 15:12 - Dios Iwene

¹² Ja̧danö, ichibajadönö yöa̧linobe: —Ökwödödaja, Levisaso jojodötjö sasokwena luwedöma. Ja̧danö, ökwödö Levisaso jojodöma, Dios iteapjo kwekataduwakwedöja. Jo̧kwajabetjö̧, jobekwö wene jwiinö kwebatö, baikwö otidö chuninemi ichejebö kwujunaduwakobetjö̧, Dios öba a'o kwusuladuwi̧ dichawö loköbaduwobö jo̧be.

1 Crónicas 15:12 ပူးပေါင်းရင်းမြစ်များ

1 Crónicas 15:1

Jerusalen comunidad, David itebo comunidad ötjabobe comunidadnö ja̧nö, iteda ejubiya otidinobe Davidma. Ja̧danö, ju'wibi Dios iteapjo wei̧ wȩyukwaba döbölataja a̧ja̧pjo ujunakwemi otidinobe, ja̧danö jobe o̧do sabana'wotjö otikweju otiweju otidinobe, jobe Dios iteapjo ujunakobetjö.

1 Crónicas 15:14

Weawö̧, Diostjö jojodötjö ö'weje pjabatadöbi, ju'wedö Levisaso jojodöbi Dios öba a'otjö tjusula dichawö loawa jawa ja̧tjinobe, Isabenö Jo̧ Israel jojodö tjuluwo̧ Dios iteapjo otiwanö wene jwiinö Jerusalen comunidadbe tje'ewakobetjö̧.

1 Crónicas 15:3

Jemi ikenama, Davidma okobe deinö israel jojodönö jwöinobe, Jerusalen comunidadbe tjichobö, Isabenö Jo̧ iteapjoma, ida̧ökö otidö ujuninemi ichejebö tjujunakobetjö̧.

1 Crónicas 16:1

Ja̧danö, Jerusalen comunidadbe ichibajadö, Dios iteapjo tetjatinobe, ja̧danö David otidina sabana'wotjo otikweju okwa tjujuninobe. Jemi ikenama Dios öba a'otjö, jwiinö ubinö iyawa kwabö juwö tjiyinobe Diosnö, ja̧danö ju'wi Dioskwö ösökwö ja̧kwawa iyawabi kwabö juwö iyö tjukwinobe.

1 Crónicas 24:31

Ja̧danö, Aaron itji̧mu tupadanö jojodö tjotidawakwena 'da̧batö tjujuninadanö, ju'wedö Levisaso jojodöbi tjotidawakwena 'da̧batö tjujuninobe. Jobadöbi la'aka luwo̧ David öba a'otjöbi, ö'weje pjabatadö Sadocbi, Ahimelecbi tjöba a'otjöbi, ju'wedö ö'weje pjabatadötjö luwedö tjöba a'otjöbi, ju'wedö Levisaso jojodötjö luwedö tjöba a'otjöbi inawiya jabö tjedinobe, tjotidakwa̧kwena Dios i̧sȩbakobetjö̧. Wainökwena edökönö, bakweminö abönö pöe itji̧mu tupadanö jojodöbi, öjawo̧ itji̧mu tupadanö jojodöbi jobe ju'wedö tjöba a'otjö inawiya jabö tjedinobe.

1 Crónicas 9:34

Okobe deinö jobadöma Jerusalen comunidadnö tjö̧jinobe, Levisaso jojodö tjimibiya wȩyukwa'yenö laebobe, jobadöma tjömöledösaso luwedö tjö̧jinobe, jö̧ba̧lö.

Isaías 52:11

Jo̧kwajabetjö̧ labebö kwȩwa̧jaduwo chömöledö, ökwödönö öbibö tjeminelö labebö kwȩwa̧jaduwo. Jobe ja̧nö, yȩekwi̧ jawa maköbaduwoko chömöledö, jobe yȩekwelö labebö kwȩwa̧jaduwo. Ökwödö Dios eju jawa deja'di̧ju jawa tje'ewakwedöma, Dios öba a'otjö yȩekwi̧ jawatjö kwidichawaduwo, Dios eju jawa otiwanö Jerusalenbe e'ewö kwȩwa̧jaduwakobetjö̧.

Juan 17:17

Chabe'do, jobadönö tjo̧'wo̧ luwo̧nö kwöba̧ja̧dodönö ökwö isabenö kwiwenema, ja̧ kwiwene tjöwaisachibanö. Jejenö jobadönö kwöba̧ja̧do ökwö kwiwene waisö wainö tjuju̧kwobö, suli̧ jawakwö pjabacha̧lökönö— aebinobe—.