1 Crónicas 14:3 - Dios Iwene

³ Ja̧danö, la'aka luwo̧ David Jerusalen comunidadnö ö̧jenama, ju'wedö ilekwamunöbi eminobe, ja̧danö ajayitjö bajalekwönönö ba̧jȩkwadö i̧tji̧mu ömadönöbi ya̧dönöbi 'yaebinobe Jerusalentjö.

1 Crónicas 14:3 ပူးပေါင်းရင်းမြစ်များ

2 Samuel 5:13

Hebrontjö labebö, Jerusalen comunidadnö ö̧jobö i̧'yinobe Davidma, ja̧danö Jerusalennö ja̧nö Davidma ju'wedö ilekwamunöbi eminobe, ja̧danö ajayitjö bajalekwönönö ba̧jȩkwadö i̧tji̧mu ömadönöbi ya̧dönöbi 'yaebinobe Jerusalentjö.

1 Reyes 11:3

Isabenö ba̧jȩkwadönö eminobe Salomonma, ju'wedö la'aka luwedö tji̧tji̧mu ya̧dötjö, setecientasbedönö eminobe, ilekwamu batjibanö, ja̧danö ju'wedöbi ömöayedödanöbedö ilekwamunö, trescientasbedönö eminobe. Ja̧danö, Dios ajayinö yöa̧linadanö baledinobe, jobadö Salomon ilekwamuma, jwaikwöda Diosnö ösödö ö̧ji̧ kaatibobö ötjibinobe.

1 Crónicas 14:2

Jo̧kwajabetjö̧, okobe jwiinö ja̧ baledi̧ edö, Davidma öwaisachibinobe, —Isabenö Jo̧ Diosma isabenö israel jojodötjö inesö la'aka luwo̧ batibanö pjaatajabe, —jö̧ba̧lö, ja̧danö, —Iteda ömöledö israel jojodönö ösödobetjö̧, nöinö chujuluwachibanö pjaatajabe, otiwanö israel jojodönö yöbawö chö̧jakobetjö̧ —jö̧ba̧lö öwaisachibinobe.

1 Crónicas 14:4

Jerusalentjö David i̧tji̧mu ömadö tjeminawö̧ tjimibiyama, baikwö laebobe: Samua mikwo̧bi, Sobab mikwo̧bi, Natan mikwo̧bi, Salomon mikwo̧bi,

1 Crónicas 28:5

Ja̧danö, Isabenö Jo̧ma ötjönö iyinobe, chi̧tji̧mu ba̧jȩkwadönö 'yatebobö chömöledö, ja̧danö okobe deinö chi̧tji̧mutjö, bakwo̧nöda, Salomonnöda omudawö ujuninobe Isabenö Jo̧ma, chö̧jajemi Salomonda Isabenö Jo̧ ömöledö Israel jojodötjö inesö la'aka luwo̧ ö̧jakobetjö̧.

Mateo 19:8

Atjebökwe, Jesús atadinobe: —Ökwödö Israel jojodöma Dios yöawi̧ kwöpöjödaduwiökwe, ja̧ weawa iyinobe, jo̧kwaijayonö Dios jojodönö otidinenama, jejenö ji̧nokobe.

Deuteronomio 17:17

—Ja̧danö ba̧jȩkwadö ilekwamunö emoko kwuluwo̧duwi ö̧jakwo̧ma, jwaikwöda Diosnö ösödo jö̧a̧li̧tjö 'da̧bachibö i̧'yobö ötjibapji jö̧ba̧lö. Ja̧danö nöinö orobi, platabi iteda ujuna̧lobö emoko, inesö la'aka luwo̧ kwuluwo̧duwi ö̧jakwo̧ma.