1 Crónicas 13:8 - Dios Iwene

⁸ Ja̧danö, Dios iteapjo emö tjȩwa̧jonö, Davidbi, okobe deinö ju'wedö israel jojodöbi tjo̧'wo ösöwachibanö Dios öba a'otjö kwetjachinobe, lo̧böbi, lo̧awa jawa arpabi, lirabi, panderetasbi, cimbalosbi, trompetasbi ökwöinö.

1 Crónicas 13:8 ပူးပေါင်းရင်းမြစ်များ

2 Reyes 3:15

Jo̧kwajabetjö̧ baikwö wetakwö, lo̧awa jawa waiso̧nö ichejebaduwi, lo̧awa jawa pjeonö, Isabenö Jo̧ yöawi̧ cha̧ja̧kwakobetjö̧, —jö̧ba̧lö. Jemi ikenama, lo̧awa jawa waiso̧ arpa pjeonö, Isabenö Jo̧ ujulu ichibinobe Eliseokwö,

1 Crónicas 15:28

Ja̧danö okobe deinö israel jojodö Isabenö Jo̧ iteapjo wei̧ wȩyukwaba döbölataja a̧ja̧pjo kwetjatonö, tjo̧'wo ösöwachibanö jwötjeba̧li̧ ökwöinobe, ja̧danö trompeta jawabi, ju'wi pjuawa jawabi, cimbalos jawabi, arpa jawabi, lira jawabi, labinö lo̧awa jawa ökwöinö tjo̧'wo ösöwachibanö tjichejebinobe Jerusalen comunidadbe.

1 Crónicas 16:42

Ja̧danö, jobekwö ujunajawö̧, Hemanbi, Jedutunbi Diosnö lo̧bö ösödakwawa jawa cimbalo jawabi pjebö, ja̧danö trompeta jawabi pjubö tjö̧jinobe. Ja̧danö, ju'wibi Jedutun itji̧munö 'da̧batö ujuninobe, Dios eju apjude teada̧lakwawa jojodö batjibanö.

1 Crónicas 16:5

Asaf mikwo̧ ju'wedö ja̧ jawa otidadö tjuluwo̧ ö̧jinobe, ja̧danö Asafma cimbalos jawa pjeawa jojo ö̧jinobe. Ikena luwo̧ma Zacarias mikwo̧, ja̧danö jo̧ba ikenabedöma, Jeiel mikwo̧bi, Semiramot mikwo̧bi, Jehiel mikwo̧bi, Matatias mikwo̧bi, Eliab mikwo̧bi, Benaia mikwo̧bi, Obed edom mikwo̧bi, jelo̧ Jeiel mikwo̧bi. Jobadöma arpa jawabi, lira jawabi pjeawa jojodö tjö̧jinobe.

1 Crónicas 23:5

Ja̧danö ju'wedö cuatro milbedöma, apjudebiya tea̧da̧lakwawa jojodö tjö̧jakwedö. Ja̧danö ju'wedö cuatro milbedöma, lo̧awa jawa tjotidakwedö. Belö ötjöma pjebö lo̧awa jawa chotidijatö, ja̧danö ja̧ lo̧awa jawa pjebö, Isabenö Jo̧nö ösödö lo̧tjakwedö, —jö̧ba̧lö yöawinobe Davidma.

1 Samuel 10:5

Ikenama, jobetjö labebajo̧, Guibea comunidad mösa'o Dios iteasa'o jö̧ba̧lö ötjaba'obe kwichibakwo̧ja, filisteo ölakwabikwawa jojodö tjöjena pjeasa'obe. Jobe comunidadbe kwichibenama, möemi Diosnö iyawemitjö yutubajadö Dios yöawi̧ yöbawadönö kwöbadekwajakobe, lo̧awa jawa arpabi, panderobi, flautabi, lirabi kwebatö, Dios yöawi̧ yöbawö kwebachadönö.