1 Crónicas 11:22 - Dios Iwene

²² Ja̧danö, inesö juluwadötjö jelo̧, Cabsel comunidad jojo Joyada itji̧ Benaias mikwo̧. Jo̧babi, nöinö ujulu i̧sȩbinobe. Jo̧bama Moab niji jojodötjö inesö juluwadö, didibadanö juluwadö du̧ju̧tajanö ujuluwinobe. Ju'wibi, ju'wi möle tiyuwena, ojwiyo o̧bidanö nieve jawa mölejebetjö tjoduwenama, laju nöaju okwa a̧jibö, jobe jo̧ didibanö kwabö loinobe.

1 Crónicas 11:22 ပူးပေါင်းရင်းမြစ်များ

2 Samuel 1:23

Isabenö otiwadö ba̧jȩkwadö tjösödawö̧ tjö̧jinobe Saulbi Jonatanbi, otiwanö bakobe tjö̧jinobe ina 'ya̧tja̧layima, ja̧danö debö tji̧'yenabi, bakobe ja̧nö debö tji̧'yinobe. Isabenö juluwadö tjö̧jinobe, muko köa̧litjö bajalekwönönö juluwadö tjö̧jinobe, ja̧danö didiba ujulutjö bajalekwönönö tjujuluwinobe.

2 Samuel 20:23

La'aka luwo̧ David ömöayedötjö luwedöma bidö: Joabma okobe deinö israel jojodötjö ölakwabikwawa jojodö tjuluwo̧ ö̧jinobe. Ja̧danö, Joyada itji̧ Benaias mikwo̧ma, la'aka luwo̧nö tjöbeba̧lö teada̧ladö tjuluwo̧ ö̧jinobe.

2 Samuel 8:18

Joyada itji̧ Benaias mikwo̧ma, la'aka luwo̧nö tjöbeba̧lö teada̧ladö tjuluwo̧ ö̧jinobe. Ja̧danö David itji̧mubi, luwedö tjö̧jinobe.

1 Reyes 1:38

Jemi ikenama, David weaja̧danö, ö'weje pjabato̧ Sadocbi, Dios yöawi̧ yöbawo̧ Natanbi, Benaiasbi, ömöayedö la'aka luwo̧nö tjöbeba̧lö teada̧ladöbi Salomonnö tjöwaninobe, inesö la'aka luwo̧ David ajwi kabayu oma'anö, jadanö jo̧banö öbibö tji̧'yinobe Guijon ojwese'dobe.

1 Reyes 1:8

Jo̧kwaijayonö, Abiatarbi, Joabbi Adoniasnö pjatjatinajayonö, Diostjö jojodötjö ö'weje pjabato̧ Sadocbi, Davidnö tjöbeba̧ladö la'aka tjuluwo Benaiasbi, Dios yöawi̧ yöbawo̧ Natanbi, Simibi, Reguibi, ju'wedö David ömöayedötjö inesö juluwadö ölakwabikwawadöbi, Adoniasnö pjatjatinokobe.

1 Reyes 2:30

Weökwe, Benaiasma Isabenö Jo̧ ejube ichibinobe, jadanö ichibajo̧, Joabnö weinobe, —La'aka luwo̧ma weajabe, jobetjö lakebobö, —jö̧ba̧lö. Jo̧kwaijayonö, weökwe, —Latebökö, belöda ö'wö batibakwo̧sa, —jö̧ba̧lö atadinobe. Atadiökwe, Benaiasma yöbawo̧nö weinobe, Joab yöa̧laja̧ la'aka luwo̧ Salomonnö yöawobö.

1 Crónicas 11:21

Jo̧bama Treintabedö ötjabawötjö bajalekwönönö jojodö tja̧ja̧kwökwe, ja̧danö jo̧bama tjuluwo̧ ö̧jinobe. Jo̧kwaijayonö inesö juluwadö wamedukwabedö ötjabawö̧tjö ji̧nö̧kö̧ Abisaima.

1 Crónicas 12:28

Ja̧danö ölakwabikwawa jawa juluwo̧ Sadoc mikwo̧bi, yöne ömöledö veintidosbedö tjömöledösasotjö luwedöbi.

1 Crónicas 12:8

Ja̧danö, Gadsaso jojodötjöbi ju'wedöma ajayi tjuluwo̧nö kabatibö, David ömöayedö batjibanö jo̧banö pjatjatinobe. Jobadöma ölakwabikwawa jawa waisadö juluwadö tjö̧jinobe, ja̧danö David ina jojodö deobe 'diinö tjöekwobe ö̧jayi, ö̧jobekwö tji̧'yinobe, ömöayedö batjibanö. Jobadöma tjöekwapinöbi, otokwötenöbi ölakwabikwawa waisadö tjö̧jinobe, ja̧danö didibadödanö labidö tjö̧jinobe, ja̧danö mösa'o ju̧kwadö yamadanö, juluwanö ö'öbakwawadö tjö̧jinobe.

Josué 15:21

Juda nijitjö a̧li̧kwö bajalenö niji̧, Edom niji ö'öbö comunidadteniama, bi̧ya, Cabsel comunidadbi, Edar comunidadbi, Jagur comunidadbi,