1 Crónicas 11:16 - Dios Iwene

¹⁶ Ja̧ möle Davidma 'diinö tjöekwemi Adulam ötölanö ö̧jinobe, ja̧danö filisteo jojodöma Belen comunidadtjö ölakwabikwawadö tju̧ju̧kwemi tjujuna̧linobe.

1 Crónicas 11:16 ပူးပေါင်းရင်းမြစ်များ

2 Samuel 5:17

Ja̧danö, filisteo jojodöma tja̧ja̧kwinobe, —Israel jojodöma Davidnö tjujunajabe, okobe deinö israel jojodötjö inesö la'aka luwo̧ baibanö, —jö̧ba̧lö. Jejenö a̧ja̧kwö, okobe deinö filisteo jojodöma ko̧ko̧kwö, ölakwabikwawa jojodönö wetjinobe, Davidnö tjujuluwobö. Ja̧danö, Davidma tjichakwa̧ wene a̧ja̧kwinobe, ja̧danö a̧ja̧kwö, 'diinö tjöekwobe i̧'yinobe.

1 Crónicas 11:17

Ja̧danö, ju'wi möle Davidma itebo Belen omukwatö yöa̧linobe, —Belen ojwese'do ojwiyowe, isabenö je'do comunidad apjude ö'öböse'dotjö chowobö jö̧ta̧la, bakwo̧ je'dotjö ojwiyo wabö iyitjö̧ma, chösödena, —jö̧ba̧lö yöa̧linobe.

1 Samuel 10:5

Ikenama, jobetjö labebajo̧, Guibea comunidad mösa'o Dios iteasa'o jö̧ba̧lö ötjaba'obe kwichibakwo̧ja, filisteo ölakwabikwawa jojodö tjöjena pjeasa'obe. Jobe comunidadbe kwichibenama, möemi Diosnö iyawemitjö yutubajadö Dios yöawi̧ yöbawadönö kwöbadekwajakobe, lo̧awa jawa arpabi, panderobi, flautabi, lirabi kwebatö, Dios yöawi̧ yöbawö kwebachadönö.

1 Samuel 13:23

Ja̧danö, jobe Micmas pjeanö, mösa'iju 'da̧alakaemi ja'yuwemi ji̧nobe, ja̧danö filisteo jojodö ölakwabikwawa jojodöma jobe 'ya̧nö 'da̧alakaemi tjöbeba̧lö tjö̧jinobe, israel jojojodötjö ölakwabikwawa jojodö jobe tjöbaledapji jö̧ba̧lö.

1 Samuel 13:4

Okobe deinö israel jojodöma baledaja̧ wene tja̧ja̧kwinobe, —Saulma filisteo ölakwabikwawa jojodö tjö̧jemi ju̧kwadönö ujuluwajabe, ja̧danö jejenö ujuluwiawö̧, filisteo jojodöma jwiinö ökwödö israel jojodönö tjöpöjödobe, —jö̧ba̧lö. Ja̧danö, Saulma jojodönö weinobe, ko̧ko̧kwö, Saul ö̧jobe Gilgalbe tji̧'yobö, filisteo jojodökwö tjölakwabikwawobö.

1 Samuel 22:1

Jejenö balediökwe, Davidma Gattjö döbibajö, inawa ötöla Adulam mikwölabe janö i̧'yinobe. Ja̧danö, David yö̧ne ömöledöbi, ju'wedö ömöledöbi jobe inawa ötölanö ö̧ji̧ wene a̧ja̧kwö, jo̧bakwö ja̧nö tji̧'yinobe.

1 Samuel 22:4

Jejenö jobadönö Moab la'aka luwo̧kwö junibö, inawa ötölabe tjeachainobe. Ja̧danö David abe'dobi, ojo'dobi jobe Moab nijinö tjö̧jinobe, Davidma ötölatjö laebenanö kabatö.

1 Samuel 22:5

Ja̧ David ötölatjö laebina wene, baikwö laeba, Dios yöawi̧ yöbawo̧ Gad mikwo̧ma Davidnö yöawinobe, —Belö labebö, kwömöledö Judasaso tjitebobe kwi̧'yo, —jö̧ba̧lö. Ja̧danö yöawökwe, Davidma ömöayedönö öbibö tebobe Haret ötjabobe i̧'yinobe, Juda nijibe.

1 Samuel 23:25

Ja̧danö, Saulma ömöayedönö öbibö jobe Davidnö isakwö i̧'yinobe, jo̧kwaijayonö ichibakwa̧ abönö, juwedö Davidnö yötjawinobe. Jo̧kwajabetjö̧, Davidma inawa jojodö deobe Maon nijinö ba̧wa bo̧bekwö i̧'yinobe, ja̧danö jobe jojodö deobe Maontjö ö̧jinobe. Jejenö i̧'yiökwe, Saul a̧ja̧kwinobe, ja̧danö Davidnö lubö i̧'yinobe, jojodö deobe Maon nijitjö.