1 Crónicas 11:14 - Dios Iwene

¹⁴ Eleazarma Davidkwö ja̧nö 'diinö ölakwabikwawö ö̧jinobe, tjöba a'otjö filisteo jojodö dötjibajenanö baibanö. Ja̧danö, jo̧banötjö Isabenö Jo̧ma otiwanö pjaatinobe israel jojodönö, filisteo jojodönö tjujuluwakobetjö̧.

1 Crónicas 11:14 ပူးပေါင်းရင်းမြစ်များ

2 Samuel 23:10

jo̧kwaijayonö jo̧ba Eleazarma döbibajökönö 'diinö ja̧nö ölakwabikwawinobe. Lekwe ölakwabikwawö, ba̧jȩkwadö filisteo jojodönö kwabawö loinobe, jobadönö ujuluwenanö kabatö. Lekwe ölakwabikwawö kwölöte'o do̧a̧lajabetjö̧, ömamu bulukanö 'diamachibinobe, kwölöte'o kaatökönö. Ja̧ möle jo̧banötjö Isabenö Jo̧ma jwiinö pjaatinobe israel jojodönö, tjöpöjojodönö tjujuluwobö. Ja̧danö ju'wedö israel jojodö ajayinö döbibajadö tjȩwa̧bijenama, filisteo jojodötjö ina 'yaba̧ladöma detjinobe ida̧ökö, ja̧danö sule Eleazar kwabö loajawö̧ tjiteada tjemobö ji̧nobe.

2 Reyes 5:1

Bakwo̧ Naaman mikwo̧, siria jojodötjö ölakwabikwawadö tjuluwo̧ ö̧jinobe. Jo̧ba Naamanma, isabenö juluwo̧ ö̧jinobe, ja̧danö Isabenö Jo̧ma iyinobe, Naaman weonö, Siria jojodö tjujuluwobö. Jo̧kwajabetjö̧ Naaman uluwo̧ Siria inesö la'aka luwo̧bi, ju'wedö jojodöbi otiwanö tjomukwatökwe ö̧jinobe Naamanma. Isabenö juluwo̧ ö̧jinobe Naamanma, jo̧kwaijayonö ju'wibi, inesö labi̧ tjö'wöchi̧ lepratjö 'dö̧achinobe Naamanma.

1 Crónicas 11:13

Jo̧bama Davidkwö ö̧jinobe, Filisteo jojodö Pasdamim comunidadtjö tjölakwabikwawobö ko̧ko̧kwajadö, cebada batjosayutjö israel jojodönö metjibenama. Ja̧danö, ju'wedö israel jojodötjö ölakwabikwawa jojodö dötjibajonö,

1 Crónicas 11:15

Ju'wi möle, Davidma inawa ötöla, Adulam ötjaböla yöneawa nöawatjö ö̧jenama, jobadö treintabedötjö inesö juluwadö wamedukwabedö ötjabawö̧ma David ö̧jobekwö tji̧'yinobe, jo̧banö pjatjatobö.

Proverbios 21:31

Ja̧danö, ju'wibi yötawa: Isabenö Jo̧da ökwödönö pjabato̧ma, döpöjojodönö dujuluwobö. Isabenö ¿dakwö dujuluwobö Isabenö Jo̧ma ökwödökwö pjabatö ö̧jökötjö̧ma? Juluwöködösa. Wanedö yötawa: Guardia jojodöma tja̧jwi̧mu̧ ka̧ba̧yu̧dönö otidadö, tjöpöjojodö tjö̧jobekwö ölakwabikwawö tji̧'yakwa̧ abönö. Isabenö yötawa: Jobekwö ka̧ba̧yu̧dönö otidö, juluwadönö wa̧matö tji̧'yijayonö Isabenö Jo̧da tjujuluwobö pjabato̧ma.

1 Samuel 14:23

Jobekwö laebobe Isabenö Jo̧ israel jojodönö tjö̧jibinö pjaatina wene, ja̧danö ja̧ möle israel jojodöma filisteo jojodönö lutjinobe, Betaven comunidad tupakwö.

1 Samuel 19:5

Ja̧danö filisteo jojo Goliatnö kwabö loina omukwati chabe'do, isabenö debö i̧'yo jö̧a̧linobe, Goliatma jwiinö juluwo̧ ö̧jinobetjö̧. Jo̧kwaijayonö iteda otiwanö ö̧jakwa̧ omukwatökönö, Goliatnö kwabö loobö i̧'yinobe, ja̧danö Davidnötjö̧ Isabenö Jo̧ma okobe deinö israel jojodönö dö̧jibanö otiwanö pjaatinobe. Ja̧ möle ökwöbi edö, kwo̧'wo ösödachibanö kwedijatö chabe'do, ¿jö̧tö? Jo̧kwajabetjö̧ tajawedö babe Davidnö kwabö loawa kwösöda chabe'do? Isabenö jo̧banö suli̧ kwöwaedoböma jwiobe chabe'do, isabenö ja'yubebi ökwönö sulabenö ja̧okobetjö̧, —jö̧ba̧lö.