1 Crónicas 10:8 - Dios Iwene

⁸ Ja̧danö, tjölakwabikwawaja̧ ikena möle, filisteo jojodöma ichö, kwabö lotjinawö̧ tjitea emö kwetjachinobe, ja̧danö Saul iteba'obi, itji̧mu tjiteba'ijubi tjöbadekwajinobe jobe Guilboa mösa'onö.

1 Crónicas 10:8 ပူးပေါင်းရင်းမြစ်များ

2 Reyes 3:23

Tjökwösobudanö ichejekwiawö̧, —Jobuma döpöjojodö tjökwösobu. Ichajadö, la'aka luwedöma tjö̧dameakwajena, ja̧danö bakwo̧nökwena tjömöayedöma, ju'wedö tjömöayedönö mebibö tjölakwabikwawajena, okobe deinö debi batjibanö. Ökwödö Moab jojodöma juluwanö tjölakwabikwawajobe di̧'yaduwo, tjiteaja̧ demakobetjö̧, —jö̧ba̧lö yötja̧linobe Moabitas jojodöma, ja̧danö yöba̧lajadö, emö tji̧'yinobe.

1 Crónicas 10:7

Ju'wedö israel jojodö wabekonö ju̧kwadöma israel jojodötjö ölakwabikwawa jojodö filisteo jojodö tjöba a'otjö dötjibajobe tjedinobe, ja̧danö Saulbi, itji̧mubi ö'wö batjibaja̧ wene tjöwaisachibinobe. Jobekwö waisachibajadö, jobadöbi tjitebo comunidadbiyatjö labebö dötjibajinobe, ja̧danö filisteo jojodöma ichibö, ajayi tjö̧jinemi comunidadnö tjö̧jinobe.

1 Crónicas 10:9

Badekwajadö, Saul itea ölakwabikwawa jawa tjeminobe, ja̧danö uu bulatö tjeminobe. Ikenama, tjitebo ba̧kwemeachibanö yöbawadö kwebachö tjujuluwaja̧ wene yötjawobö wetjinobe, o̧'wo jawa tjösödawö̧nö ösödakwawejunö ju̧kwadönöbi, ju'wedö tjitebo ba̧kwemeachibanö jojodönöbi.

1 Samuel 31:8

Ja̧danö, Saul ö'wö baibaja̧ ikena möle, filisteo jojodöma ichö, kwabö lotjinawö̧ tjitea emö kwetjachinobe, ja̧danö Saul iteba'obi, itji̧mu tjiteba'ijubi tjöbadekwajinobe jobe Guilboasa'onö.

1 Samuel 5:2

Ichibajadö, filisteo jojodö tjösödökwe o̧'wo jawa Dagon jö̧ba̧lö ötjabökwenö ösödakwawejunö tetjatinobe, ja̧danö Dios iteapjo Dagon ipjeanö tjujuninobe, dösödökwe Dagonma isabenö Diosnö ujuluwajabe jö̧ba̧lö.