1 Crónicas 10:6 - Dios Iwene

⁶ Jobekwö laebobe Saul ö'wö baibina wene. Bakwöta möle Saulbi, itji̧mu wamedukwabi bakobe ö'wö batjibinobe, Saul la'aka luwo̧ ö̧ji̧ bakobe 'dö̧bibajinö.

1 Crónicas 10:6 ပူးပေါင်းရင်းမြစ်များ

1 Crónicas 10:5

Ja̧danö, jejenö ja̧iökwe, —Chuluwo̧ Saulma ö'wö baibajabe, —jö̧ba̧lö, Saul ömöayo̧bi itea kwölöte'onö tibatakwawö loinobe, uluwo̧ tibatakwawö loaja̧danö.

1 Crónicas 10:7

Ju'wedö israel jojodö wabekonö ju̧kwadöma israel jojodötjö ölakwabikwawa jojodö filisteo jojodö tjöba a'otjö dötjibajobe tjedinobe, ja̧danö Saulbi, itji̧mubi ö'wö batjibaja̧ wene tjöwaisachibinobe. Jobekwö waisachibajadö, jobadöbi tjitebo comunidadbiyatjö labebö dötjibajinobe, ja̧danö filisteo jojodöma ichibö, ajayi tjö̧jinemi comunidadnö tjö̧jinobe.

1 Samuel 12:25

Isabenö jo̧banö ösödö kwö̧jaduwitjö̧ma, otiwakobe chömöledö, jo̧kwaijayonö Diosnö omukwatökönö, sulabenö ja̧bö kwö̧jaduwitjö̧ma, ökwödönö lȩebakobe, wanedö yötawa, ökwödönöbi kwuluwo̧duwinöbi jwodatö loakobe, —jö̧ba̧lö yöawinobe Samuelma.

1 Samuel 31:6

Jejenö bakwöta möle, Saulbi, i̧tji̧mu wamedukwabi, ömöayo̧ itea ölakwabikwawa jawa kwebato̧bi, ju'wedö jo̧bakwö ölakwabikwawadöbi okobe deinö i̧yada möle debö tji̧'yinobe.

1 Samuel 4:18

Elima jwiinö pöe ö̧jinobe, ja̧danö jwiinö o̧tewo̧ ö̧jinobe. Ja̧danö jejenö Dios iteapjo do̧tjatajabeta jö̧ba̧lö a̧ja̧kwenama, Elima o̧'wo tjo̧achö iteakatjö ökömakwö meinobe, ja̧danö mebö ulumea 'deawinobe, ja̧danö ö'wö baibinobe. Jwiinö pöe ö̧jobetjö̧, ja̧danö jwiinö ömöko̧obetjö̧, 'debawö ö'wö baibinobe. Ö'wö baibakwa̧ abönö, jo̧ba Elima cuarenta o̧biya baledibanö israel jojodönö jwebeba̧lö jina.