1 Crónicas 10:12 - Dios Iwene

¹² Ja̧danö, öpöjödö, jobe ömadötjö juluwadö yebaböködöma, a̧la̧ibö Saul iteba'obi, i̧tji̧mu tjteba'ijubi isakwö tji̧'yinobe. Ikenama, emajadö, e'ewö tjȩwa̧jinobe Jabesbe. Ja̧danö Jabes comunidadbe ichibajadö Jabes comunidadnö jo̧wi tamarisco towi teebe tjo̧tji̧nobe tjiwe'ijuma. Ja̧danö o̧tjajadö, tjuluwo̧ woina budekwö, jelemutjö̧ dötölataja möle tju̧kwa̧ ö̧töchö tjö̧jinobe.

1 Crónicas 10:12 ပူးပေါင်းရင်းမြစ်များ

Génesis 12:6

Ichibajadöma okobe jwiinö Canaán nijinö kwebachijadötö, Siquem comunidad tjichibenanö kabatö. Jobema towi nöowi ji̧jetö Moré mikwowi. Ja̧danö, ja̧ mölema jobema Canaán jojodöbi ju̧kwijadötö.

Génesis 35:8

Ja̧danö, jobetjö Rebeca jömöayuju, Rebecanö lekwe a̧yo te'ada̧laibuju, Debora mikwujuma wobijotö. Ja̧danö, wobajujunö o̧tjijadötö jobe Betel yö̧neawinö, nöowi la'aka. Jemi tjo̧tja̧jemima , Alon bacut, jö̧ba̧lö, midijadötö.

Génesis 50:10

'Ya̧jadöma, Jordán ojwe ö'öbö, Atad mikwena, trigo ochiju tjebö lödö kwakwawena ichibijadötö. Jena ja̧nö labinö budekwabinö ji̧jadötö, Jacobnö omukwatö. Siete möle baledibanö budekwabijadötö.

2 Samuel 3:35

Ja̧ Abnernö tjo̧tja̧ja̧ mölema kwakwawa ukwinokobe Davidma, ja̧danö Abnernö tjo̧tja̧ja̧ ikena, okobe deinö jojodöma Davidnö ukwobö atjebinobe, —Ina dewayi kwakwawa kwukwo duluwo̧, —jö̧ba̧lö. Jo̧kwaijayonö David öpöjödinobe, —Dios öba a'otjö yötawaduwakwö, ja'yubebi kwakwawa chukwökakwo̧sa, yö̧te baibenanö kabatö, ja̧danö ina dewayi chukwitjö̧ma, Dios lȩebobö jȩna, —jö̧ba̧lö.

1 Crónicas 10:11

Jobekwö filisteo jojodö Saul iteba'o sulabenö ja̧tjiawö̧, Galaad niji comunidad Jabes jojodöma a̧ja̧kwö tjöpöjödinobe, —Duluwo̧ Saulnö sulabenö obadötö, —jö̧ba̧lö.

Juan 11:19

Yöneawena jobetjö̧, Lázaro ö'wö baibajabe okobe ba̧jekwadö judío jojodöma Betanianö tjichinobe Martanö Maríanö edö, pjabatö yöbawö, tjöjawo̧ ö'wö baibajiawö̧nö.

1 Samuel 11:1

Jemi ikenama, ja'yubenö lekwajabetjö, amonita jojodö la'aka luwo̧ Nahas mikwo̧ma iteda ömöayedö ölakwabikwawa jojodökwö israel niji̧be ichö, israel niji comunidad Jabes de Galaad jojodönö ujuluwobö ichinobe. Ichibö, comunidad tjötjösawibö tjö̧jinobe, ja̧danö tjötjösawiawö̧, Jabes jojodöma Nahasnö atjebinobe, —Isabenö ökwökwö wene jwiinö dö̧jakwa̧ wene yöbawö kwujunitjö̧ma, kwömöayedö badibanö weköbi̧ ja̧bö dö̧jakwedösa, —jö̧ba̧lö.

1 Samuel 11:9

Ja̧danö, Jabestjö ichö yöbawajadönö wetjinobe, ȩwa̧jö Jabes jojodönö yötjawobö, —Itekwai ina tiyuwayi, möle ja'ö baibakwa̧ abönö, kwöjibaduwinö ichö pjadatakobe, —jö̧ba̧lö. Yötjawawö̧, Jabes jojodöma tjo̧'wo ösöwachibinobe.

1 Samuel 31:12

Ja̧danö, öpöjödö, jobe ömadötjö juluwadö yebaböködöma, a̧la̧ibö yö̧te baledibanö Betsanbe tji̧'yinobe, ja̧danö Saul iteba'obi, i̧tji̧mu tjteba'ijubi tjöekwemitjö tjimeatinobe. Ikenama, meatajadö, e'ewö tjȩwa̧jinobe Jabesbe. Ja̧danö Jabes comunidadtjö tjiteba'iju juwö lotjinobe.