1 Corintios 9:22 - Dios Iwene

²² Ja̧danö, tjo̧'wo̧ luwo̧nö me'dawadökwö chö̧jenama, cho̧'wo̧ luwo̧nö me'dawo̧danö ja̧tobe, jobadönö tjö̧jibanö pjabatö. Jau chömöledö, okobe deinö jojodökwö chö̧jenama, jobadödanö ja̧tobe, jobadönö tjö̧jibanö pjabatö. Okobe jwiinö ja̧to jö̧ta̧li̧ ja̧tobö chisakwobe chömöledö, jobadötjö ju'wedö tjö̧jibo jö̧ba̧lö.

1 Corintios 9:22 ပူးပေါင်းရင်းမြစ်များ

Romanos 11:14

Ja̧danö, ötjöma ötjöda chömöledönö pjatato jö̧ba̧lö jwaikwöda ökwödö Israel jojodöböködönö yötawa, ötjöda chömöledö Israel jojodöma ökwödönö edö ö'wiabinö tjedo jö̧ba̧lö. Ja̧danö, jobadö ökwödönö ö'wiabinö tjeditjö̧ma, jobadöbi Diosnö ösödö tjö̧jibena.

Romanos 14:1

Chömöledö, ju'wedö Jesúsnö ösödadöma, Jesúsnö tjösödijayonö, ina me'dawadö tjo̧'wo̧ luwo̧nöma ichejekwa chömöledö. Jejenö tjo̧'wo̧ luwo̧nö me'dawadönö kwöpöjödaduwoko chömöledö, ina kwösödaduwo jobadönö kwömöledöduwinö. Ja̧danö, jobadökwö jwöjwököbakwawaduwa chömöledö, tjomukwati̧ jawama.

Romanos 14:2

Baikwö labebö lobö yötawa chömöledö: Ökwödötjö ju'wedö tjomukwatena, Okobe jwiinö kwakwawama otiwa, suli̧ waedökö kwakwawama, wame jawa, jö̧ba̧lö tjomukwatena. Jejenö omukwatö, okobe jwiinö kwadö jobadöma. Jo̧kwaijayonö, ju'wedö ina tjo̧'wo̧ luwo̧nö me'dawadöma, wainö omukwatadö tjuju̧kwena, baikwö omukwatadö: Itebiya chukwitjö̧ma, suli̧ waedena, Dios öpöjödena jö̧ba̧lö tjomukwatena. Ja̧danö, jejenö omukwatö, sule batjo jawada kwadö jobadöma.

Romanos 15:1

Chömöledö, do̧'wo̧ luwo̧nö ida̧ökö juluwadö dö̧jitjö̧ma, juluwöködönö pjadatobö jo̧be. Jau chömöledö, ökwödö dösödi̧da ja̧doböma domukwatoko,

Romanos 15:2

dö̧ja̧wo̧dönö pjadatobö domukwato, tjo̧'wo̧ luwo̧nö tjujuluwachibanö pjadatobö.

1 Corintios 10:33

Jau chömöledö, ötjö ja̧bö chö̧ji̧danö ja̧bö kwö̧jaduwo. Ötjöma okobe jwiinö ja̧bö chö̧ji̧ma, okobe deinö jojodö tjösödo jö̧ba̧lö, ja̧bö chö̧jobe chömöledö. Ja̧danö, ötjöda otiwanö chö̧jakwa̧ chomukwatökö chömöledö, ju'wedö otiwanö tjö̧jakwa̧ chomukwatobe, jobadöbi tjö̧jibo jö̧ba̧lö.

1 Corintios 7:16

Jau, Jesúsnö ösöduju jilekwe Diosnö öpöjödo̧nö ju̧junö baikwö yötawa: Kwilekwekwö kwö̧jitjö̧ma Diosma ökwönötjö kwilekwenö ö̧jibinö pjaatena chömöledösuju. Ja̧danö, Jesúsnö ösödo̧ ilekwo Jesúsnö öpöjödujunö jo̧nö baikwö yötawa: Kwilekwokwö kwö̧jitjö̧ma Diosma ökwönötjö kwilekwonö jö̧jibinö pjaatena chömöledöso̧.

1 Corintios 8:13

Jejenöobetjö̧, baikwö yötawaduwakwö chömöledö: Jejenö chu̧kwa kwakwawama chöjawo̧nö töbö meobö ja̧ena jö̧ba̧lö chomukwatitjö̧ma, ja'yubebi itebiya chukwökena wotenanö baibanö, chöjawo̧nö meobö ja̧tapji jö̧ba̧lö.

1 Corintios 9:19

Jau chömöledö, ötjöma ju'wedö tjömöayo̧bö̧kö̧sa ötjöma, ötjönö wetjo jö̧ba̧lö. Jo̧kwaijayonö, tjö̧möayo̧bö̧kö̧ chö̧jijayonö, okobe deinö tjömöayo̧danö batibanö ja̧tajabe chömöledö, ba̧jekwadönö tjö̧jibobö pjabatö.

1 Corintios 9:23

Jau chömöledö, okobe jwiinö ja̧bö chö̧ji̧ yötawaja̧ma, okobe deinö otiwa jawa wene tja̧ja̧kwo jö̧ba̧lö ja̧bö chö̧jobe. Ja̧danö jobadö otiwa jawa wene a̧ja̧kwö ösödadö otiwa jawa tjemakwa̧ma, ötjöbi jobadökwö ja̧ jawa chemo jö̧ba̧lö, ja̧bö chö̧jobe chömöledö.

2 Corintios 11:29

Jau chömöledö, ökwödötjö bakwo̧ ime'dawitjö̧ma, ötjöbi chime'dawobedanö ichejekwa. Ja̧danö, ökwödötjö bakwo̧nö jelo̧ suli̧ waedö sulabenö ja̧obö öibitjö̧ma, ötjöbi jo̧ba suli̧ waedajo̧nö chölabobe chömöledö.

Gálatas 6:1

Chömöledö, wanedö yötawa: Ökwödötjö bakwo̧ sulabenö ja̧bö meitjö̧ma, ökwödö Dios O̧'wo̧ Luwo̧ yöawi̧ a̧ja̧kwadöma jo̧banö dösölö̧jinö pjabatö kwa̧lapedaduwonö. Ja̧danö, jejenö kwa̧lapedaduwenama, omukwatönö kwö̧jaduwo, jo̧ba sulabenö ja̧i̧danö ökwödöbi ja̧köbaduwobö kwösödaduwapji jö̧ba̧lö.