1 Corintios 7:13 - Dios Iwene

¹³ Ja̧danö bakwuju Jesúsnö ösöduju jilekwe Jesúsnö öpöjödo̧ma ina jobujukwö ö̧jobö ösöditjö̧ma, jo̧banö kajatiboko.

1 Corintios 7:13 ပူးပေါင်းရင်းမြစ်များ

Marcos 10:12

Ja̧danö, bakwujubi, jilekwenö kabatibö jelo̧nö jilekwedanö emujuma sulabenö emuju, jilekwebö̧kö̧kwö ja̧ji̧danö— jö̧ba̧lö yöbawijetö Jesúsma öba̧ja̧di̧ waisachadönöma.

1 Corintios 7:12

Ja̧danö, Jesúsnö ösödadö tji̧lȩkwa̧mu Jesúsnö öpöjödadönö ba̧jadönö yötawa. Jobadönö Duluwo̧ma yöawinokobe, ja̧danö ötjöma weawa yötawa: Bakwo̧ Jesúsnö ösödo̧ ilekwo Jesúsnö öpöjödujuma ina jo̧bakwö jö̧jobö jösöditjö̧ma jobujunö kaatiboko.

1 Corintios 7:14

Jo̧kwaijayonö, bakwo̧ Jesúsnö öpöjödo̧ma ilekwo Jesúsnö ösödujukwö ja̧kwawa öpöjöditjö̧ma, ja̧danö bakwuju Jesúsnö öpöjödujuma jilekwe Jesúsnö ösödo̧kwö ja̧kwawa jöpöjöditjö̧ma, jo̧kwada, ölakwabikwawö tjö̧japji jö̧ba̧lö 'da̧bachibö tji̧'yena. Jau chömöledö, ölakwabikwawa jwiinö dö̧jobö jwöinobe Diosma. Ja̧danö, Jesúsnö öpöjödadö tji̧lȩkwa̧mu Jesúsnö ösödadökwö tjö̧jobö tjöpöjöditjö̧ma, 'da̧bachibö tji̧'yena. Jo̧kwaijayonö tji̧lȩkwa̧mukwö tjö̧jobö tjösöditjö̧ma, otiwa, jobadönö katjatiboko Jesúsnö ösödadöma. Ja̧danö, bakwuju Jesúsnö ösöduju jilekwema Dios ömöledöso̧danö ichejekwo̧, ja̧danö bakwo̧ Jesúsnö ösödo̧ ilekwoma, Dios ömöledösujudanö ichejekwuju. Jau chömöledö, jejenö jo̧be, jobadö tji̧tji̧mu Diosnö öpöjödadö tji̧tji̧mudanö tjichejekwapji jö̧ba̧lö. Ja̧danö, Dios ömöledödanö tjichejekwobetjö̧, tji̧tji̧munöbi edö ösödo̧ Diosma, chömöledödanöbedö jö̧ba̧lö.