1 Corintios 6:6 - Dios Iwene

⁶ Ö̧jena chömöledö, jo̧kwaijayonö jo̧ba Jesúsnö ösödo̧ öba a'otjö yöbawökönö, Diosnö öpöjödadötjö lȩekwa jojodö tjöba a'otjö ja̧nö yökawaduwobe ökwödö Jesúsnö ösödadöma, jobadö Diosnö öpöjödadöda lȩekwa yötjawo jö̧ba̧lö.

1 Corintios 6:6 ပူးပေါင်းရင်းမြစ်များ

Génesis 45:24

Jejenö Joséma webijetö öpöedönö tjȩwa̧jobö. Ja̧danö, jobadönö jö̧ba̧lijetö: —Ȩwa̧jöma ösödakwabikwawö yöba̧lakwawiabö kwȩwa̧jaduwo— jö̧ba̧lijetö.

Hechos 7:26

Ju'wi dewachö Moisésma edijetö du̧ju̧taja ömöledönö, israel jojodönöma 'do'dotjakwawobe. Katjatakwawobö jö̧ba̧lijetö Moisésma, Chömöledö, ökwödöma kwömöledöduwi ¿tajawedö 'do'doköbakwawaduwa? jö̧ba̧lö.

1 Corintios 6:1

Chömöledö, ökwödötjö bakwo̧ iteda ömöledöso̧ Jesúsnö ösödo̧kwö wene ujuna̧lakwawenama, Diosnö öpöjödadötjö lȩekwa jojodö tjöba a'otjö ja̧nöma yötjawoko. Jau chömöledö, jobadöma Dios ömöledöda tjöba a'otjö ja̧nö yötjawobö jo̧be chömöledö, Dios ömöledöda pjabatö lȩekwa yötjawobö.

1 Corintios 6:7

Jau chömöledö, Jesúsnö öpöjödadötjö lȩekwa jojodö tjöba a'otjö ja̧nö ökwödö Jesúsnö ösödadö jawa wene yökawaduwenama, kwi̧sebaduwobe, waekwadöja jö̧ba̧lö, Dios ömöledö ja̧bö tjö̧jo jö̧tja̧li̧danö ja̧bö kwö̧jaduwokobetjö̧. Jau chömöledö, kwömöledöso̧ Jesúsnö ösödo̧ ökwönö sulabenö ja̧ijayonö, jo̧kwada jö̧ba̧lö kwo̧'wo̧ 'dibachibö Jesúsnö öpöjödadötjö lȩekwa jojodönö yöbawökönö kwö̧jitjö̧ma, babe ja̧köbi̧tjö o̧penönö otiwo jö̧a̧lena. Ja̧danö, ökwönötjö önaukwijayonö, jo̧kwada jö̧ba̧lö kwo̧'wo̧ 'dibachibö Jesúsnö öpöjödadötjö lȩekwa jojodönö yöbawökönö kwö̧jitjö̧ma, babe ja̧köbaduwi̧tjö o̧penönö otiwo jö̧a̧lena.

2 Corintios 6:14

Chömöledö, ökwödö Cristonö ösödadöma, Cristonö öpöjödadökwö bakobe bakibaduwoko, baikwö yötawa: Sulabe jwii̧ma, suli̧kwö ¿bakobe pjabacha̧lö jenaji̧? Ja̧danö, dewinö dejati̧ma, yȩi̧kwö ¿bakobe pjabacha̧lö jenaji̧?

2 Corintios 6:15

Ja̧danö Cristoma, Awetja omukwati̧danö ¿bakobe omukwatenaji̧? Dios yöawi̧ ösödakwawama, Dios yöawi̧ öpöjödakwawakwö ¿bakobe pjabacha̧lö jenaji̧?

1 Timoteo 5:8

Ja̧danö, ju'wibi yötawa. Jesúsnö ösödadötjö bakwo̧ iteda ömöledönö ite'ada̧lökötjö̧ma, iteda yöne ömöledönö ite'ada̧lökötjö̧ma, jo̧bama Cristonö ösödö dö̧ji̧ öpöjödo̧, ja̧danö Cristonö öpöjödo̧nötjö o̧penönö sulabo̧ jo̧bama.