1 Corintios 3:21 - Dios Iwene21 Ja̧danö, jejenöobetjö̧, yöba̧lökönaduwi, Aaa bite waiso̧ ömöledöso̧sa jö̧ba̧lö, jojodaobetjö̧. Jau chömöledö, okobe jwiinö ida̧ökö kwujuna̧laduwobe ökwödö Corintio jojodöma, အခန်းကိုကြည့်ပါ။ |
1 Corintios 3:21
12 ပူးပေါင်းရင်းမြစ်များ
Chömöledö, Diosma Abrahamnö jö̧a̧linobe, Böjȩma ökwönö chiyakwöjȩ, ja̧danö kwi̧tji̧mu tupadanö jojodönöbi chiyakwöjȩ, jö̧ba̧lö. Jejenö yöawinama, okobe jwiinö Dios weina ja̧iökwema yöawinokobe chömöledö. Abrahamma, Diosma jweinö yöbawo̧, jö̧ba̧lö, Dios yöawi̧ ösödobetjö̧, Diosma jo̧banö yöawinobe, Chedemi Abrahamma suli̧ jwibo̧, jö̧ba̧lö. Ja̧danö, Abrahamma Dios yöawi̧ ösödiökwe, Diosma yöawinobe ja̧ma, Böjȩma ökwönö chiyocha, jö̧ba̧lö.
Jau chömöledö, Diosma isabenö ökwödönö pjabato̧. Jo̧bada ökwödönö jwöinobe, iteda ömöledö badibobö. Ja̧danö, jemi tupakwöbi iteda jwöinawö̧nö pjabato̧ chömöledö. Ina böjȩnö ja̧nö, döpöjödi̧ jawa baledobe, ¿jö̧tö? Ja̧danö, sulabe jawa baledobe ökwödönöma, usula demawinö, ¿jö̧tö? Jo̧kwaijayonö, döpöjödi̧ jawa baledijayonö, ja̧danö sulabe jawa ökwödönö baledijayonö, okobe jwiinö ja̧ jawa balewö lobo̧ Diosma, ökwödönö pjaati̧ jawa baibanö. Jau chömöledö, ökwödö Diosnö ösödadöma, jo̧bada jwöinawö̧sa, iteda ömöledö badibobö. Ja̧danö, iteda ösödi̧danöda jwöinobe ökwödönöma chömöledö.
Jau chömöledö, Diosbi, ökwödönö suli̧ waedö̧kö̧ chömöledö, pjabatöma otiwanö pjabato̧. Jo̧bama, a̧'dȩlökönö iteda itji̧nö iyinobe, dö̧jibobö, ¿jö̧tö? Ja̧danö, ökwödönö ile nibebö, iteda itji̧nö iyinobema, jemi tupakwö, ¿okobe jwiinö otiwa jawa iyökenaji̧ chömöledö? Iyena chömöledö, ökwödönö ile niebobetjö̧.
Chömöledö, biya̧ yötawaja̧ jawama, ökwödönö pjabatö yötawajabe. Ja̧danö, ötjönö Apolosnö wanedö yötawajabe, ökwödönö a̧ja̧kwö, ökwödöbi kwöwaisachibaduwobö Dios iwene laebi̧danö kwomukwataduwobö, ja̧danö bakwo̧nö jelo̧nötjö o̧penönö kwomukwataduwapji jö̧ba̧lö, ja̧danö ju'wedönö kwöpöjödaduwapji jö̧ba̧lö, sulabedö jö̧ba̧lö.
Jejenö omukwatö, usula demawijayonö kabatibökönö jwaikwöda yöbawö dö̧jobe chömöledö. Jau chömöledö, okobe jwiinö usula demawi̧ma, ökwödönö pjadatotö jö̧ba̧lö usula demawobe, tupakwönönö ba̧jekwadö jojodönö Dios mikwa jwiinö otiwanö iyenama, otiwanö iyo̧ja jö̧ba̧lö ba̧jekwadö Diosnö tjösödakobetjö̧, ja̧danö okobe deinö Diosnö otiwanö tjomukwatakobetjö̧.
Jau chömöledö, Dios iwene laebi̧danö, böjȩ otidenama yȩa'woda ji̧nobe, ja̧danö jemi ikenama Diosda: Yȩa'wo okwatjö dewi̧ babibi, jö̧ba̧lö weinobe, ¿jö̧tö? Ökwödöbi ja̧danö chömöledö, ökwödöbi ajayinöma yȩa'wo okwa dö̧ji̧danö dö̧jinobe, jo̧kwaijayonö dewi̧ otido̧ Diosma iteda iwenenötjö domajadenö idejatinobe chömöledö, Dios salöinö ujulu, Jesucristo öbatjö dejati̧ ujulu döwaisakobetjö̧. Ja̧danö jejenö i̧sebinobetjö̧, ja̧ weneda yöbawö dö̧jobe. Jau chömöledö, yödawi̧ma ökwödö jawama yödawokobe, Cristo jawada yödawobe, jo̧banö a̧ja̧kwö ökwödöbi ju'wedöbi kwö̧jibaduwobö. Ja̧danö chömöledö, luwedösa jö̧ba̧lö yödawokobe, kwömöayedödanöbedösa jö̧ba̧lö yödawobe, ökwödönö pjadatotö jö̧ba̧lö yödawobetjö̧. Jau chömöledö, yöbawö dö̧ji̧ma, ökwödö demo jö̧ba̧löma yöbawöködösa, ökwödönö pjadatotö jö̧ba̧lö yöbawadösa, ja̧danö jejenö omukwatö yödawobetjö̧, nöinö usula demawijayonö kadatibokobe. Jau chömöledö, salöi̧ wene otiwa jawa wenema isabenö jojodö tja̧ja̧kwobö mikwawi̧ wene, ja̧danö jejenö döwaisobetjö̧, kabatibökönö jwaikwöda yöbawö dö̧jobe.
ja̧danö do̧'wo̧ tjo̧achijayonö, do̧'wo̧ luwo̧ ösöwachibanö ja̧dösa. Jau chömöledö, böjȩ jawatjö usulasedösa, jo̧kwaijayonö ju'wedönö nöinö juna̧ladö batjibanö tjo̧'wo̧ luwo̧ jawa iyadösa, ja̧danö jwibadödanö dichejekwijayonö, isabenö mikwawi̧ jawa okobe jwiinö juna̧ladösa. Jau chömöledö, ju'wedö ökwödönö Dios ömöayedöböködö jö̧ba̧lö yötja̧lijayonö, ja̧bö dö̧ji̧ma öwaetjöda i̧sebobe Dios ömöayedö dö̧ji̧ma.
ကြော်ငြာတွေ