1 Corintios 3:17 - Dios Iwene

¹⁷ Chömöledö, ökwödöma Dios eju, Dios 'da̧batö ujuninejubedöja. Ja̧danö, ökwödönö suli̧ waedadönö söbebö loakwo̧ Diosma, jo̧ba ejubedönö suli̧ tjöwaedobetjö̧.

1 Corintios 3:17 ပူးပေါင်းရင်းမြစ်များ

Génesis 28:17

Jejenö omukwatö yebabijetö omajadenö ¡ayö! bemima jwiinö yeabikwawemi, jö̧ba̧lö. Dios ejunöda chö̧ja, mölejȩbe teachakwawemida, jö̧ba̧lö.

1 Crónicas 29:3

Ja̧danö, jwiinö chösödökwe Dios eju otidobö chösödobetjö̧, ida̧ökö chujunaja̧ jawakwö, ju'wibi okobe jwiinö ötjöda chitea oro jawabi, plata jawabi 'da̧batö chiyobe, chösödökwe Dios eju otikwa jawa baibanö.

Éxodo 3:5

Ikenama Isabenö Jo̧ma jö̧ba̧lijetö: —Moisés baikwö yö̧nema ichibökönuwi. Ötjöma Dioschobetjö̧ bemi niji kwö̧jatemima wainöemi, ötjö chö̧jemima. Jo̧kwaobetjö̧ sapatu yo̧bekwi, ötjönö jweinö omukwatö— jö̧ba̧lijetö.

Isaías 64:11

Ökwö kweju ditebonö dujuna̧leju, inesö otiweju, da'dödö ökwönö tjösödinelöma, juwö lotjineju baibajabe, ja̧danö okobe jwiinö ju'wi dujuna̧li̧ otiwemiteniabi, suli̧ tjöwaedajabe.

1 Corintios 3:16

Jau chömöledö, ökwödöma kwöwaisaduwa, ökwödöma Dios ejubedöja jö̧ba̧lö. Ja̧danö, Dios O̧'wo̧ Luwo̧ kwo̧'wo̧ luwo̧duwinö ö̧jobe jö̧ba̧lö waisadöja.

1 Corintios 3:18

Chömöledö, isa̧ökö jawa omukwatökönaduwi. Ökwödötjö bakwo̧, Aaa, waiso̧sa, böjȩ waisakwawa jawa waiso̧sa jö̧ba̧lö omukwatitjö̧ma, wajwibo̧danö baibobö jo̧be. Jejenö wajwibo̧danö baibobö jo̧be, isabenö waisakwawa jawada waiso̧ baibo jö̧ba̧lö.