1 Corintios 3:15 - Dios Iwene

¹⁵ Ja̧danö, bakwo̧ otidina jawa ubitjö̧ma, otidina jawa jwiakobe. Jau chömöledö, otido̧ma Dios lȩebi̧tjö ö̧jibijayonö, otidina jawa jwiakobe. Ja̧danö, o̧do ubejutjö döbibajo̧ ichejekwo̧danö ö̧jibena jo̧ba otidina jawa ubiökwema.

1 Corintios 3:15 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 23:10

—Jo̧kwaijayonö Diosnö chedököjayonö, okobe jwiinö kwetachi̧tenia edö waiso̧ Diosma. Jo̧kwajabetjö̧, otiwanö ja̧bö chö̧jojobö, sulabenö ja̧bö chö̧jojobö jö̧ba̧lö ötjönö badedö editjö̧ma, bakwai̧ oro öwawi̧danö öwawena, isabenö Dios wei̧ a̧ja̧kwö jo̧sa̧, jö̧ba̧lö.

Hechos 27:21

Ja̧danö lekwe möle ökwödöma a̧wi̧chinö ju̧kwijadötö. Ikenama Pablo jamatö yöawijatö: —Ötjö ajayi yötawi̧, Cretanö lamatö dite'ada̧laduwo, yötawi̧ kwa̧ja̧kwinaduwatjö̧ma otiwena. Jejenö kwa̧ja̧kwinaduwokobetjö̧ biya̧ suli̧ baleda. Teabi, nöinö mikwawi̧ jawa, tjo̧wi̧, ojwe okwa lotjajabe, ötjö yötawi̧ kwa̧ja̧kwaduwinokobetjö̧.

Hechos 27:44

Wajwiköbaduwitjö̧ma ösöte, 'dabö loajöte do̧bataduwi kwisuwaduwo jobekwö— jö̧a̧lijatö. Jejenö jö̧a̧litjö̧, jo̧ba jö̧a̧li̧danö ja̧bö okobe deinö dichibijatö ö'wejesa'onö.

1 Pedro 4:18

Dios iwene laebi̧danö jo̧be chömöledö, baikwö laebobe Dios iwenema: Sulabe jwibadöma Dios lȩebi̧tjö tjö̧jibijayonö usula emawö ju̧kwadö. Ja̧danö, jobadö ji̧badöma usula tjemawitjö̧ma, Diosnö öpöjödadönöma ¿dakwö baledakwa̧jö Diosnö öpöjödö sulabenö ja̧badönöma? ¡Jobadö usula tjemawitjö̧ bajalekwönönö nöinö usula tjemawakwedö! jö̧ba̧lö laebobe.

2 Juan 1:8

Jo̧kwaobetjö̧ chö̧ja̧wo̧dö, tjöbeba̧lö̧jönö kwite'ada̧laduwo ökwödö yödawina kakatibaduwapji jö̧ba̧lö, jobadö yötjawi̧ ösödö. Jejenö jelobekwö omukwatö kwi̧'yaduwitjö̧ma Dios ju'winö iyakwa̧, jo̧banö kwo̧'wo̧duwi wana̧lö kwö̧jaduwina mikwa iyakwa̧tjö okobe jwiinö kwemaduwökena. Jo̧kwaobetjö̧ chö̧ja̧wo̧dö, tjöbeba̧lö̧jönö kwite'ada̧laduwo, ju'winö okobe jwiinö Dios otiwi̧ iyakwa̧tjö okobe jwiinö kwemaduwobö.

Judas 1:23

Ja̧danö ju'wedönöbi pjakataduwo. Wanedö yötawa: Ökwöla nöola ö'öbö tjö̧ji̧tjö tjö̧jibanö do̧kataduwodönö. Ja̧danö, ju'wedö inesö sulabenö ja̧bö ju̧kwadönöbi lȩlö̧jinö edö pjakataduwo chömöledö, ja̧danö jejenö pjakataduwenama, te'ada̧lönö yebabinö kwö̧jaduwo, sulabenö ja̧tji̧danö ökwödöbi sulabenö ja̧köbaduwapji jö̧ba̧lö. Jau chömöledö, jobadönö lȩlö̧jinö edö kwösödaduwijayonö, ja̧tji̧ma kwösödaduwoko yelösöda, isabenö Dios öpöjödi̧ jawa jö̧ba̧lö.

Apocalipsis 3:18

Chömöledö, jejenö usulasedödanö kwö̧jaduwobetjö̧ ökwödönö pjabatö yötawaduwakwö, wanedö yöbawö. Ötjötjö orotjö kwemaduwo juna̧ladödanö bakibaduwakobetjö̧. Ja̧ oro, ökwölatjö laebaja̧ bakwai̧ oro, jwiinö mikwawi̧ oroma. Ja̧danö, ja̧ oro, ötjötjö kwemaduwi̧ oroma, Dios isabenö mikwawi̧ iyi̧ jawa wanekwachobe. Ja̧danö, kamisi̧ dewi̧ o̧di̧juma ötjötjö emibö 'dukawaduwo, otiwanö taba jwiinö kwekachaduwakobetjö̧. Ja̧danö, jowobu'be ötjötjö emö, kwöbajalebiyaduwi kwa̧bekwaduwo yemidanö otiwanö kwedaduwakobetjö̧.