1 Corintios 16:20 - Dios Iwene

²⁰ Ja̧danö, okobe deinö dömöledö Jesúsnö ösödadöma dokwa jö̧ba̧lö detjawobedanö yötja̧la. Kwömöledö Jesúsnö ösödadönö du̧batö kwösökwaduwo chömöledö, dömöledö Jesúsnö ösödadönö du̧batö dösödi̧danö.

1 Corintios 16:20 ပူးပေါင်းရင်းမြစ်များ

Mateo 5:47

Ja̧danö chömöledö, sule kwömöledöduwinöda debawö dokwa akebaduwitjö̧ma, ¿ju'wedö ja̧tji̧tjö bajalekwönönö ja̧köbaduwenaji̧? Diosnö öpöjödadöbi jejenö ja̧badö chömöledö. Ökwödönö weti̧ma sule kwömöledönöda kwösödaduwo jö̧ba̧löma wetökö chömöledö. Kwöpöjojodönöbi kwösödaduwobö wetaduwakwö.

Romanos 16:16

Okobe deinö kwömöledöduwi Jesúsnö ösödadönö dokwa jö̧ba̧lö du̧kataduwo, dömöledö Jesúsnö ösödadönö du̧dati̧danö. Ja̧danö, okobe deinö bemi jojodö Cristonö ösödadö tjoko̧ko̧kwena ju̧kwadöma ökwödö Roma jojodönö dokwa atjebobe.

Romanos 16:21

Ju'wedöbi ökwödönö dokwa atjebobe. Timoteoma ötjökwö otidobe, ja̧danö jo̧ba Timoteoma ökwödö Roma jojodönö dokwa aebobe, ja̧danö chömöledö judío jojodö Luciobi, Jasónbi, Sosípaterbi ökwödö Roma jojodönö dokwa atjebobe.

Romanos 16:23

Gayobi dokwa aebobe, jo̧ba ejunö ötjö Pablo chö̧ja babema, ja̧danö beju Gayo ejunö bemi jojodö Jesúsnö ösödadö ko̧ko̧kwö tjö̧bobe. Erastobi dokwa aebobe, jo̧bama bemi comunidad jawa balada te'ada̧lo̧. Ja̧danö döjawo̧ Cuartobi dokwa aebobe ökwödönöma.

Filipenses 4:22

Jau chömöledö, okobe deinö bemi jojodö Jesúsnö ösödadöma detjawobedanö ökwödönö dokwa jö̧ba̧lö atjebobe, ja̧danö inesö la'aka luwo̧ César mikwo̧ eju te'ada̧ladötjö Jesúsnö ösödadöbi isabenö ökwödönö dokwa jö̧ba̧lö atjebobe.

1 Tesalonicenses 5:26

Okobe deinö kwömöledöduwi Jesúsnö ösödadönö du̧batö kwösödaduwo, dömöledö Jesúsnö ösödadönö du̧dati̧danö.

Hebreos 13:24

Chömöledö, debawö atebobe, Dokwa, jö̧ba̧lö, okobe deinö jobe ökwödönö Dios iwene yöawakwawa jojodönöbi, okobe deinö Jesúsnö ösödadönöbi. Ja̧danö Italiatjö ichinadöbi, Dokwa, jö̧ba̧lö, debawö atjebobe ökwödönöma.

1 Pedro 5:14

Kwömöledöduwinö du̧batö kwösödaduwo chömöledö, Jesúsnö ösödadö ösödabikwawö du̧batö dösödi̧danö. Okobe deinö ökwödö Cristonö dötewadö kwo̧'wo̧ luwo̧ ösöwachibanö kwö̧jaduwobö chösöda. Biya̧data.