1 Corintios 15:32 - Dios Iwene

³² Ja̧danö, isabenö woawatjö tjeachakwawa jwiitjö̧ma, ¿taji mikwawobeda ja̧ woto jö̧ta̧li̧ma chömöledö? Ja̧danö, bena Éfesonö ja̧nö jojodö labidö tebonö ju̧kwadödanö ichejekwadökwö ölakwabikwawö chö̧jijatö chömöledö. Ja̧ma ¿böjȩnö chö̧ji̧ pjaato jö̧a̧lenaji̧, otiwanö chö̧jo jö̧ba̧löma? Isabenö woawatjö tjeachakwawa jwiitjö̧ma, ölakwabikwawöma chö̧joko jö̧ta̧lajena chömöledö. Jau chömöledö, ju'wedöma baikwö yötja̧lobe, itekwayi möle wodena, jo̧kwajabetjö̧ babe mölȩma dösödi̧ jawada ja̧do owöbi, kwanöbi jö̧ba̧lö. Ja̧danö, isabenö woawatjö tjeachakwawa jwiinatjö̧ma, jobadö tjomukwati̧danö domukwato jö̧da̧lena.

1 Corintios 15:32 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 35:3

—Ju'wibi baikwö Diosnö yöka̧lajabe, –Sulabenö ja̧bökönö chö̧ji̧ mikwawi̧ma, di̧yada? Mikwawökena, –jö̧ba̧lö, jadanö ju'wibi, –Sulabenö ja̧bökönö chö̧jitjö̧ma, Dios iyi̧tjö taji chemakwa̧da? Chemökena, sulabenö ja̧bö chö̧jatjö̧bö –jö̧ba̧lö yöka̧lajabe ichejekwa.

Isaías 22:13

Jo̧kwaijayonö, jobekwö omukwatökönö, kwo'woduwi ösöwanö ba'ali junadöja. Jau, Dios wei̧ a̧ja̧kwökönö, baikwö yöba̧ladöja: –Pakayadönöbi, obejadönöbi kwabajadö, itebia kwanö, ubasobu o̧'dobu owö, ba'ali dujunaduwo. Jau, itekwai möle debö di̧'yakwedösa, jo̧kwajabetjö̧ babe möle kwanöbi, owöbi ba'ali dujunaduwo, –jö̧ba̧lö, Dios wei̧ a̧ja̧kwökönö sulabenö yöba̧ladöja, —jö̧ba̧lö laebobe Dios Jerusalen jojodönö yöawi̧ma.

Isaías 56:12

Jau, jobadöma baikwö yöba̧lakwawadö, —Ubasobu o̧'do̧bu demaduwo, ja̧danö ju'wi nio ojwiyo do̧wa̧laduwo, owa̧lö̧ domeawachibenanö baibanö. Ja̧danö jemi ikenama, itekwai babe do̧wa̧li̧tjö bajalekwönönö dowena, do̧'wo ösöwachibanö, —jö̧ba̧lö sulabenö omukwatö yöba̧ladö, israel jojodötjö luwedöma.

Lucas 12:19

Ja̧danö, jejenö isabenö nöinö chujuna̧lobetjö̧, yöta̧lakobe ötjödada, Aaa, babe nöinö chujuna̧lobetjö̧ otiwa. Lekwe o̧biya otiwanö chö̧jobö chujuna̧la babema, jo̧kwajabetjö̧ tupakwö otidökönö kwanöbi, owöbi, cho̧'wo̧ ösöwanö chö̧jo, jö̧ba̧lö omukwatinobe jo̧ba nöinö juna̧lo̧ma.

Lucas 9:25

Jau chömöledö, isabenö o̧penönö mikwawobe isabenö ja̧kwawa isakwö chökömanö kwichaduwobö. Baikwö yötawa: Bakwo̧ okobe jwiinö böjȩ jawa juna̧lo̧ woitjö̧ma, okobe jwiinö böjȩ jawa ujuna̧li̧ma ba̧kwȩlö̧jatebö ja̧kwawa ujuna̧lobö ¿pjaatenaji̧? Pjaatokobe, ¿jö̧tö? Jo̧kwajabetjö̧ isabenö mikwawobe chökömanö kwichaduwobö chömöledö, böjȩtjö debö kwi̧'yaduwijayonö isabenö ja̧kwawa kwujuna̧laduwakobetjö̧.

Hechos 18:19

'Ya̧jadöma Éfeso comunidad tjolanö lamatijadötö. Lamatajadö, Pabloma, Prisilanö, Aquilanö junibö jo̧dawa'ye judío jojodö yötjaweju jo̧bekwö 'yi̧jetö. Jejunö tebachö Pablokwö judío jojodökwö yöba̧lakwawijadötö. Pabloma judío jojodö yötja̧li̧ a̧ja̧kwö atadijetö.

Hechos 18:21

Ikenama jö̧balijetö: —Tjo̧wi̧ chȩwa̧ja. Dios weitjö̧ma yemidanö chichocha— jö̧ba̧lijetö. Ikenama Éfesotjö ȩwa̧jijetö isowinö.

Hechos 19:1

Apolos Corintonö ö̧jibonö Pabloma yemidanö Éfesobe 'yi̧jetö, u'dakwöchobe mananö. 'Ya̧jo̧ma Éfesonö ichibö Dios iwene waisachadö edijetö.

Romanos 3:5

Chömöledö, Diosma sulabe jwibo̧, ¿jö̧tö? Ja̧danö, sulabe jwibo̧obetjö̧, sulabenö ja̧badönö lȩebobö jo̧be, ¿jö̧tö? Jejenö ji̧jayonö, jejenö omukwatöködö ju'wedö böjȩ jojodöma. Jobadöma wainö omukwatadö, Dios lȩeboböma jwia, jö̧ba̧lö omukwatadö. Ja'yubeda jobadö tjomukwati̧ma yötawa chömöledö. Baikwö tjomukwatobe: Böjȩ jojodöma okobe deinö bakwainö otiwa jawada ja̧bö tjö̧jitjö̧ma, jojodö tjomukwatökena Diosnöma, Jo̧bada inesö otiwanö ja̧bö jo̧, jö̧ba̧lö. Jo̧kwaijayonö, sulabenö ja̧bö tjö̧jobema, ju'wedö Diosnö tjomukwatobö jo̧be, Aaa, Diosda otiwanö ja̧bö jo̧ma, jö̧ba̧lö. Jejenö omukwatö, jemi tupakwöbi tjomukwatobe, Jojodö sulabenö ja̧bö tjö̧ji̧ma otiwobe, jö̧ba̧lö tjomukwatobe. Jojodö sulabenö ja̧bö tjö̧ji̧ma ju'wedö Diosnö tjösödobö ja̧obetjö̧, Diosnö pjabatadö sulabenö ja̧badöma, jö̧ba̧lö tjomukwatobe. Ja̧danö, jemi tupakwö ju'wibi tjomukwatobe. Diosma sulabenö ja̧badönö lȩeboböma jwia, jö̧ba̧lö tjomukwatobe. Sulabenö ja̧badöma Diosnö pjabatadö, jo̧kwajabetjö̧ jo̧banö pjabatadönö lȩeboböma jwibo̧ Diosma, jö̧ba̧lö omukwatadö. Jejenö omukwatadöma, ¿jweinö tjomukwatobeji̧ chömöledö? Jweinö omukwatöködö, ö'öbönöda omukwatadö chömöledö.

Romanos 6:19

Jau chömöledö, biya̧ yötawi̧ma, waiya böjȩ jojodönöma. Jo̧kwajabetjö̧, wanedöda yötawa, otiwanö kwöwaisachibaduwobö: Ajayima, suli̧ ömöayedödanö kwuju̧kwinaduwobe. Ja̧danö, jwaikwöda sulabenö ja̧bö kwuju̧kwinaduwobe, taba lö̧ji̧ jawabi, Dios weökö jawabi ja̧bö. Babema, suli̧ ömöayedödanöma bö̧ködöja. Babema, Diosda ömöayedöja. Jau chömöledö, ajayinö suli̧ wei̧tjö jwaikwöda ja̧bö kwö̧jinaduwobe ¿jö̧tö? Ja̧danö, babema suli̧tjö 'da̧bachibö, balekwa jwaikwöda Dios wei̧da ja̧bö kwö̧jaduwo, otiwa jawada ja̧bö.

1 Corintios 16:8

Pentecostes ötjabi̧ pjiesta baibenanö kabatö, ina benada Éfesonö chö̧jocha chömöledö.

Gálatas 3:15

Chömöledö, wanedö yötawa jojodö tjö̧ji̧ jawama: Jojodö du̧ju̧tajama, bakobe omukwatö ja̧tjakwa̧ yöbawö junö tjiwȩyudena, baikwö ja̧dakwedösa, jö̧ba̧lö, ¿jö̧tö? Ja̧danö, jejenö wȩyudajadö, ja̧danö tjimibiya wȩyukwajadöma, jemi tupakwö tjiwȩyudinadanö ja̧bökönö söbebö lotjoböma jwiobe, ja̧danö tjiwȩyudina balewö lotjoböma jwiobe, ¿jö̧tö?

2 Pedro 2:12

Jau chömöledö, jobadö sulabenö yöbawadöma tebonö ju̧kwadö omukwatöködödanö tjichejekwobe. Jau chömöledö, tebonö ju̧kwadöma, omukwatöködö, idöda la'akatjöda a̧dekwanö tjöwaisi̧ jawada ja̧badö, ¿jö̧tö? Ja̧danö, jobadö tebonö ju̧kwadöma, ju'wi jaye ja̧tjoböma bötjachibinöködö, sule 'daliwanö tjö̧lajibobö bötjachibinadö, ja̧danö jelo̧ kwabö loobö bötjachibinadö, ¿jö̧tö? Jobadö sulabenö yöbawadöbi ja̧danö chömöledö, okobe jwiinö wajwitji̧ jawama, omukwatökönö sulabenö yöba̧ladö. Ja̧danö tebonö ju̧kwadönö söbebö lotji̧danö, Diosma jobadönö söbebö loakobe.

Judas 1:10

Jejenö waisanö yöa̧linobe Miguelma chömöledö, jo̧kwaijayonö jejenö waisanöma yöba̧löködö ökwödönö sulabenö yöbawadöma. Jobadöma okobe jwiinö wajwitji̧ jawa sulabenö yöba̧ladö. Wanedö yötawa: Tebonö ju̧kwadö omukwatökönö a̧dekwanö tjöwaisi̧ jawada ja̧tji̧danö, jobadö sulabenö yöbawadöma idöda tjösödi̧ jawada omukwatökönö ja̧badö, ja̧danö jejenö ja̧bö, jobadönö söbebö loawa baibobö ja̧badö.