1 Corintios 15:12 - Dios Iwene

¹² Jau chömöledö, Cristo woawatjö tjeachajina wene yödawobe, ¿jö̧tö? Jo̧kwajabetjö̧, ¿dakwö yöka̧laduwobö chömöledö, woawatjö tjeachakwawama jwia jö̧ba̧lö? Jau chömöledö, ökwödötjö ju'wedöma jejenö yöka̧laduwobe, jojodöma woawatjö tjebachajöködö jö̧ba̧lö.

1 Corintios 15:12 ပူးပေါင်းရင်းမြစ်များ

Hechos 17:32

Jejenö yöawiawö̧, Diosma tjeachajinö ja̧inobe, jö̧ba̧lö, Atenasnö ju̧kwadötjö ju'wedöma oböda obijadötö Pablonö. Jo̧kwaijayonö ju'wedöma: —Yemidanö da̧ja̧kwobö jö̧da̧la ja̧ yökawaja̧ma— jö̧ba̧lijadötö.

Hechos 23:8

Saduceo jojodöma, Jojodö wobajadöma yemidanöma tjeachakwawökö, jö̧ba̧lö, omukwatinadö. Ja̧danö, ángelesdöbi, isapjo luwabi tjö̧jökena, jö̧ba̧lö, omukwatinadö. Jo̧kwaijayonö, fariseo jojodöma jejenöma omukwatinöködö. Jobadöma, Isabenö jojodö wobajadö yemidanö tjetjachakobe, jö̧ba̧lö, omukwatinadö. Ja̧danö, Isabenö, ángelesdöbi, isapjo luwabi tjuju̧kwobe, jö̧ba̧lö, omukwatinadö fariseo jojodöma. Jo̧kwaobetjö̧, Pabloma, jojodö yemidanö wobajadö tjeachakwawa yöawiawö̧, wainö tjomukwatobetjö̧ wene juna̧lakwawijadötö fariseo jojodökwö, saduceo jojodökwö.

Hechos 26:8

Ja̧danö, ökwödönö abebö cha̧ja̧kwa: ¿Tajawedö kwomukwataduwa, Diosma, iteda isabenö ja̧akwa̧ wenema, wobinadö yemidanö tjetjachajinö ja̧akwa̧ wenema, ja̧okobe, jö̧ba̧löma?— abebö a̧ja̧kwijetö Pabloma. Jejenö Pabloma, judío jojodö jwötjeba̧li̧ma atadijetö.

1 Corintios 15:11

Jau chömöledö, ja̧ otiwa jawa wene yödawobe, ötjöbi, ju'wedö Jesús webawedöbi. Ja̧danö, ötjönötjö kwa̧ja̧kwinaduwatjö̧bi, jobadönötjö kwa̧ja̧kwinaduwatjö̧bi, bakwayiobe chömöledö ja̧ bakwöta jawa weneda yödawobetjö̧, ja̧danö ja̧ bakwöta jawa weneda kwösödaduwobetjö̧.

2 Tesalonicenses 2:17

ökwödönö kwo̧'wo̧ luwo̧duwi ösöwachibanö pjatjatobö dösöda, ja̧danö kwujuluwachibaduwanö pjatjatobö dösöda, yöka̧laduwi̧bi, kwotidaduwi̧bi ba̧kwȩlö̧jatebö otiwanö ja̧köbaduwakobetjö̧.

2 Timoteo 2:18

Jobadöma jweinö yöawakwawatjö 'da̧bachibö tji̧'yajabe, ja̧danö jobadöma sulabenö yötjawobe, wobinadö 'yabibajö tjeachakwawama ida̧ökö baledinobe jö̧ba̧lö. Jejenö sulabenö yöbawö ju'wedönö suli̧ tjöwaedobe, Dios yöawi̧ ösödakwawa katjatibobö ja̧tjobetjö̧.