1 Corintios 14:29 - Dios Iwene

²⁹ Ja̧danö, Dios yöawi̧ yöbawadöma bakwo̧nökwena yötjawo, du̧ju̧tajaena, wa̧medukwaena bakwo̧nökwena yötjawena. Ja̧danö yöbawo̧ yöawonö, ju'wedöma tja̧ja̧kwo, jweinö yöawojobö jö̧ba̧lö.

1 Corintios 14:29 ပူးပေါင်းရင်းမြစ်များ

Hechos 13:1

Ja̧danö, Antioquíanö ju̧kwadöma, Jesúsnö ösödadötjö bakwamu jojodöma Dios iwene yöbawöbi, Jesúsnö ösödadönö ba̧ja̧dadöbi ju̧kwiabijadötö. Jobadöma bidö: Bakwo̧ma Bernabé. Jelo̧ma Simón. Jo̧bama ju'wi imi, Negro, mikwo̧. Jelo̧ma Cirenetjö ichina Lucio mikwo̧. Jelo̧ma Menahem mikwo̧, tjemu baiyo̧ma la'aka luwo̧ Herodeskwö ja̧nö bötjachina. Jelo̧ma Saulo.

1 Corintios 12:10

Dios O̧'wo̧ Luwo̧ma bakwo̧nö ujulu iyena, jojodö edajitjökö jawa i̧sebo jö̧ba̧lö. Ja̧danö, jelo̧nö iyena Dios yöawi̧ yöawo jö̧ba̧lö. Ja̧danö, jelo̧nö iyena ju'wedö yötjawi̧ a̧ja̧kwö Dios yöawi̧da yötjawojobö, jelo̧ yöawi̧da yötjawojobö öwaiso jö̧ba̧lö. Ja̧danö, jelo̧nö iyena, ju'wedö tjiwene wajwii̧ iwenenö waisachökönö yöawo jö̧ba̧lö. Ja̧danö, jelo̧nö iyena, wajwii̧ tjiwene yötja̧li̧ a̧ja̧kwö, jweinö labebö lobö yöawo jö̧ba̧lö.

1 Corintios 13:2

Ja̧danö, otiwanö Dios yöawi̧ yötawobö chöwaisena, ja̧danö okobe jwiinö chöwaisena, jojodö wajwitji̧ jawabi chöwaisena. Ja̧danö, jwaikwöda Diosnö chösödena, okobe jwiinö juluwo̧ jö̧ba̧lö. Jau chömöledö, mö'ösa'iju pjolachibinö weto jö̧ba̧lö Diosnö chösödena, Diosma mö'ösa'iju pjolachibinö ja̧obö juluwo̧ jö̧ba̧lö. Jo̧kwaijayonö, ju'wedönö ösödakwabikwawökönö chö̧jitjö̧ma, mikwawö̧kö̧sa chömöledö.

1 Corintios 14:28

Jo̧kwaijayonö labebö lobö yöbawo̧ deitjö̧ma, yötja̧loko ju'wedö tjiwenenö yöba̧ladöma, 'wi̧inö tjö̧bo chömöledö. Ja̧danö, yötja̧lo jö̧tja̧li̧ jawa, idökwöda Dioskwöda yötja̧lena.

1 Corintios 14:30

Ja̧danö bakwo̧ yöawonö, Dios jelo̧ jobe bo̧nö ju'wi jaye yöawo jö̧ba̧lö i̧sebitjö̧ma, abönö yöbawo̧ma 'wi̧inö baibobö jo̧be, Dios i̧sebajökwe yöawo jö̧ba̧lö.

1 Corintios 14:32

Dios O̧'wo̧ Luwo̧ma aliyadakwawö ja̧doböma webö̧kö̧ chömöledö, isabenö ökwödö do̧'wo̧ luwo̧nö yöawobe jo̧kwaijayonö teada̧lökönö aliyadakwawinö yökawaduwoböma webö̧kö̧. Isabenö, aliyadakwawö ja̧köbaduwapji jö̧ba̧lö kwite'ada̧lobö juluwadöja chömöledö, jo̧kwajabetjö̧, yötawaja̧danö bakwo̧nökwena yökawaduwoböma otiwa, aliyadakwawö yökawaduwapji jö̧ba̧lö.

1 Corintios 14:37

Ja̧danö, baikwö yötawaduwakwö chömöledö, ökwödötjö bakwo̧ Aaa, Dios yöawi̧ yöbawo̧sa̧ jö̧ba̧lö omukwatitjö̧ma, ja̧danö Aaa, ju'wi ja̧bö chö̧jo jö̧ba̧lö Dios iyinökwesa jö̧ba̧lö omukwatitjö̧ma, chiwȩyudaja̧ a̧ja̧kwö ösödo jö̧a̧lobe chömöledö, isabenö Duluwo̧ wei̧ jö̧ba̧lö.

1 Corintios 14:39

Jau chömöledö, Dios yöawi̧ yökawaduwoböma jwiinö kwösödaduwo, ja̧danö ju'wedö tjiwenenö yöa̧lakwawa öpöjödökönaduwi, yöba̧lökönaduwi jö̧ba̧lö.