1 Corintios 14:27 - Dios Iwene

²⁷ Ja̧danö, ju'wedö tjiwenenö yöba̧lo̧ma yöa̧lobö jö̧a̧litjö̧ma, ju'wedö tjiwenenö yöba̧ladö sule du̧ju̧tajaö̧kö̧, wa̧medukwaö̧kö̧ bakwo̧nökwena yötja̧lo chömöledö, ja̧danö yötja̧laja̧ma ju'wedö tjiwenenö yötja̧li̧ labebö lobo̧ma labebö lobö yöawena.

1 Corintios 14:27 ပူးပေါင်းရင်းမြစ်များ

1 Corintios 12:10

Dios O̧'wo̧ Luwo̧ma bakwo̧nö ujulu iyena, jojodö edajitjökö jawa i̧sebo jö̧ba̧lö. Ja̧danö, jelo̧nö iyena Dios yöawi̧ yöawo jö̧ba̧lö. Ja̧danö, jelo̧nö iyena ju'wedö yötjawi̧ a̧ja̧kwö Dios yöawi̧da yötjawojobö, jelo̧ yöawi̧da yötjawojobö öwaiso jö̧ba̧lö. Ja̧danö, jelo̧nö iyena, ju'wedö tjiwene wajwii̧ iwenenö waisachökönö yöawo jö̧ba̧lö. Ja̧danö, jelo̧nö iyena, wajwii̧ tjiwene yötja̧li̧ a̧ja̧kwö, jweinö labebö lobö yöawo jö̧ba̧lö.

1 Corintios 14:13

Jo̧kwajabetjö̧, baikwö yötawa: Ju'wedö tjiwenenö yöba̧lo̧ma, Diosnö aebobö jo̧be, ju'wedö tjiwenenö yöa̧li̧ma a̧ja̧kwöködönö labebö loobö pjaato jö̧ba̧lö.

1 Corintios 14:2

Baikwö labebö lobö yötawa: Dios yöawi̧ yöbawo̧ma, jojodönö da̧pedö yöbawo̧, ja̧danö tjujuluwachibanö yöbawo̧, ja̧danö tjo̧'wo̧ tjo̧achapji jö̧ba̧lö yöbawo̧. Jo̧kwaijayonö, ju'wedö wajwitji̧ tjiwenenö yöba̧lo̧ma, jojodönö yöba̧lö̧kö̧, Diosnöda yöba̧lo̧ chömöledö. Dios O̧'wo̧ Luwo̧ ujulunö, jojodö wajwitji̧ jawa yöawobe, jo̧kwaijayonö jojodö tja̧ja̧kwokobe, wajwitji̧ tjiwenenö yöa̧lobetjö̧.

1 Corintios 14:26

Jau chömöledö, yötawaja̧danö jo̧be, jo̧kwajabetjö̧ baikwö wetaduwakwö ja̧bö kwö̧jaduwo jö̧ba̧lö: Ko̧ko̧kwö Diosnö kwösödaduwenama, bakwo̧ lo̧awa lo̧o jö̧ba̧lö ujuna̧lena. Ja̧danö, jelo̧ ba̧ja̧dakwawa öba̧ja̧do jö̧ba̧lö ujuna̧lena. Ja̧danö, jelo̧ Dios jo̧banö i̧sebina jawa yöawo jö̧ba̧lö ujuna̧lena. Ja̧danö, jelo̧ ju'wedö tjiwenenö yöawakwawa jawa yöawo jö̧ba̧lö ujuna̧lena. Ja̧danö, jelo̧ ju'wedö tjiwenenö yötja̧li̧ labebö lobö yöawo jö̧ba̧lö ujuna̧lena. Jau chömöledö, okobe jwiinö ko̧ko̧kwö ja̧köbaduwi̧ma, Jesúsnö ösödadö tjöda̧peacho jö̧a̧li̧ jawada ja̧köbaduwo.

1 Corintios 14:28

Jo̧kwaijayonö labebö lobö yöbawo̧ deitjö̧ma, yötja̧loko ju'wedö tjiwenenö yöba̧ladöma, 'wi̧inö tjö̧bo chömöledö. Ja̧danö, yötja̧lo jö̧tja̧li̧ jawa, idökwöda Dioskwöda yötja̧lena.

1 Corintios 14:5

Jau chömöledö, okobe deinö ju'wedö tjiwenenö yöka̧laduwobö chösöda, jo̧kwaijayonö ja̧tjö o̧penönö chösödi̧ma biya̧, jojodö tjiwenenö Dios yöawi̧ yökawaduwobö chömöledö. Jau chömöledö, ju'wedö tjiwenenö yöbawo̧ma, laebi̧ jawa labebö loawa jwiinö yöawitjö̧ma, yöawi̧ma jojodönö mikwawokobe, tja̧ja̧kwokobetjö̧. Jo̧kwajabetjö̧ ju'wedö tjiwenenö yöbawo̧nötjö bajalekwönönö mikwawobe jojodö tjiwenenö Dios yöawi̧ yöbawo̧ma, okobe deinö Jesúsnö ösödadönö pjaatobetjö̧.