1 Corintios 14:18 - Dios Iwene

¹⁸ Chömöledö, ökwödönötjö o̧penönö nöinö ju'wedö tjiwenenö yöba̧lo̧sa ötjöma, ja̧danö jejenö yöta̧lobö Dios iyinobetjö̧, jo̧banö otiwanö kwiyinobe jö̧ba̧lö atebanö.

1 Corintios 14:18 ပူးပေါင်းရင်းမြစ်များ

1 Corintios 14:17

Jau chömöledö, ökwöma otiwanö Diosnö akebena, otiwanö kwiyajabe jö̧ba̧lö akebena, jo̧kwaijayonö jelo̧ a̧ja̧kwokonö akebobetjö̧, jo̧banö kwöda̧pedokobe ichejekwa chömöledö.

1 Corintios 14:19

Jo̧kwaijayonö, Jesúsnö ösödadökwö ko̧ko̧kwö ba̧nöma, ju'wedö tjiwenenö yöta̧lökö chömöledö. Jau chömöledö, diez mil jenanö jawa wajwitji̧ tjiwenenö yöta̧lijayonö, a̧ja̧kwadönö pjatatökena, tja̧ja̧kwokobetjö̧, ¿jö̧tö? Jo̧kwaijayonö bakwamu jawada tja̧ja̧kwi̧ tjiwenenö pjaati̧ jawa yötawitjö̧ma, jobadönö da̧pedö pjatatena, ¿jö̧tö? Jo̧kwajabetjö̧, ja̧tjö o̧penönö chösödi̧ma ja̧da chömöledö, tja̧ja̧kwi̧ tjiweneda yötawobö.

1 Corintios 14:2

Baikwö labebö lobö yötawa: Dios yöawi̧ yöbawo̧ma, jojodönö da̧pedö yöbawo̧, ja̧danö tjujuluwachibanö yöbawo̧, ja̧danö tjo̧'wo̧ tjo̧achapji jö̧ba̧lö yöbawo̧. Jo̧kwaijayonö, ju'wedö wajwitji̧ tjiwenenö yöba̧lo̧ma, jojodönö yöba̧lö̧kö̧, Diosnöda yöba̧lo̧ chömöledö. Dios O̧'wo̧ Luwo̧ ujulunö, jojodö wajwitji̧ jawa yöawobe, jo̧kwaijayonö jojodö tja̧ja̧kwokobe, wajwitji̧ tjiwenenö yöa̧lobetjö̧.

1 Corintios 14:4

Ju'wedö tjiwenenö yöba̧lo̧ma, iteda o̧'wo̧ luwo̧nö da̧pedö yöba̧lo̧ ichejekwa, jo̧kwaijayonö tjöwaisi̧ tjiwenenö Dios yöawi̧ yöbawo̧ma okobe deinö Jesúsnö ösödadönö pjabato̧ chömöledö.

1 Corintios 14:5

Jau chömöledö, okobe deinö ju'wedö tjiwenenö yöka̧laduwobö chösöda, jo̧kwaijayonö ja̧tjö o̧penönö chösödi̧ma biya̧, jojodö tjiwenenö Dios yöawi̧ yökawaduwobö chömöledö. Jau chömöledö, ju'wedö tjiwenenö yöbawo̧ma, laebi̧ jawa labebö loawa jwiinö yöawitjö̧ma, yöawi̧ma jojodönö mikwawokobe, tja̧ja̧kwokobetjö̧. Jo̧kwajabetjö̧ ju'wedö tjiwenenö yöbawo̧nötjö bajalekwönönö mikwawobe jojodö tjiwenenö Dios yöawi̧ yöbawo̧ma, okobe deinö Jesúsnö ösödadönö pjaatobetjö̧.

1 Corintios 4:7

Jau chömöledö, ökwödöma ju'wedönötjö o̧penönö otiwadöböködöja chömöledö, ju'wedönö kwöpöjödaduwo jö̧ba̧lö. Okobe jwiinö kwujuna̧laduwi̧ma, Diostjöda ichobe, ökwödötjödamaökö, ¿jö̧tö? Ja̧danö, Diosda ökwödönö iyinobetjö̧, ¿tajawedö Aaa, ju'wedönötjö o̧penönö juna̧ladösa jö̧ba̧lö kwomukwataduwobö chömöledö? Jejenö kwomukwataduwoböma jwia chömöledö, Dios iyinada kwujuna̧laduwobetjö̧.