1 Corintios 14:1 - Dios Iwene

¹ Jau chömöledö, jwaikwöda kwisakwaduwo, ju'wedönö ösödabikwawö kwö̧jaduwo jö̧ba̧lö. Baikwö yötawa, Dios iteda i̧tji̧mu ja̧bö tjö̧jo jö̧ba̧lö Dios iyi̧ma chömöledö. Okobe jwiinö Dios iteda i̧tji̧mu ja̧bö tjö̧jo jö̧ba̧lö iyi̧ma kwösödaduwo chömöledö, jo̧kwaijayonö ja̧ jawatjö bajalekwönönö kwösödaduwo jö̧ka̧laduwi̧ma, Dios yöawi̧ yöawakwawa chömöledö.

1 Corintios 14:1 ပူးပေါင်းရင်းမြစ်များ

Proverbios 21:21

Ja̧danö, ju'wibi yötawa, wanedö: Bakwo̧ma Dios wei̧ a̧ja̧kwobö isakwobe, ja̧danö jojodönö lȩ lö̧jinö edö pjaatobö isakwobe. Isabenö, jo̧ba omukwati̧danö omukwatö jo̧ma lekwe öja̧kwo̧, otiwanö. Ja̧danö, Dios wei̧ a̧ja̧kwobö ö̧jakwo̧. Ja̧danö, jojodöma jo̧banö otiwanö edinö tjöwaisachibakwedö, otiwanö omukwatö jo̧, jö̧ba̧lö.

Isaías 51:1

Okobe deinö ökwödö Isabenö Jo̧ Diosnö isakwadö, jo̧ba wei̧ a̧ja̧kwö kwö̧jaduwobö omukwatadöma, baikwö yöta̧li̧ kwa̧ja̧kwaduwo: Wanedö yötawa, ökwödötjö ajayinö jinawa, Dios 'dȩbö otidinawa kwomukwataduwo, ja̧danö ja̧wa ajayinö ji̧nemi, löwö eminelö kwomukwataduwo.

Romanos 12:6

Ja̧danö, bakwo̧ iteba'obedö dö̧jobema, bakwo̧nökwena Dios ökwödönö wainökwena iyinadanö ja̧bö dö̧jo chömöledö. Baikwö yötawa chömöledö: Dios bakwo̧nö Dios iwene yöawo jö̧ba̧lö iyinatjö̧ma, Aaa, biya̧ma Dios yöawi̧, yötawobö webo̧ Diosma, jö̧ba̧lö öwaisi̧danö yöawobö jo̧be.

Romanos 14:19

Jo̧kwajabetjö̧ baikwö yötawaduwakwö chömöledö, kabatökönö wene jwii̧ jawa disakwaduwo, ja̧danö ju'wibi disakwaduwo chömöledö, dö̧ja̧wo̧dönö tjujuluwachibanö pjadato jö̧ba̧lö disakwaduwo.

Romanos 9:30

Chömöledö, ja̧ laebi̧ omukwatö, ¿dakwö döwaiso jö̧da̧lobeda? Baikwö yötawa chömöledö: Judío jojodöböködöma, la'akatjöda tjisakwinokobe sulabe jwibadö batjiboböma, ¿jö̧tö? Jo̧kwaijayonö, jejenö tjisakwököjayonö, Dios yöawi̧ tjösödiökwe, Diosma jobadönö jö̧a̧linobe, Bidöma sulabe jwibadö, jö̧ba̧lö.

1 Corintios 12:1

Ja̧danö, ju'wibi yötawaduwakwö chömöledö. Dios iteda ömöledönö ja̧bö tjö̧jo jö̧ba̧lö Dios iyi̧ jawa yötawa, ja̧ jawa kwöwaisaduwobö chösödobetjö̧.

1 Corintios 12:31

Ja̧danö, baikwö yötawaduwakwö chömöledö, isabenö kwisakwaduwo Dios O̧'wo̧ Luwo̧ iyi̧, inesö mikwawi̧ jawama, ja̧ ja̧bö kwö̧jaduwo jö̧ba̧lö. Jo̧kwaijayonö ja̧tjö o̧penönö inesö mikwawi̧ jawama, baikwö yötawaduwakwö chömöledö:

1 Corintios 13:13

Ja̧danö, wa̧pötakwa jawa 'dö̧ibökö jawa jo̧be chömöledö, biya̧: Dios yöawi̧ ösödakwawabi, Dios jö̧a̧li̧danö otiwanö baibakobe jö̧ba̧lö te'ada̧lakwawa, ju'wedönö ösödabikwawö ja̧kwawabi. Ja̧danö, baikwö yötawaduwakwö chömöledö: Ja̧ wa̧pötakwa jawatjö, bajalekwönönö mikwawi̧ma, ju'wedönö ösödabikwawö ja̧kwawada chömöledö.

1 Corintios 13:2

Ja̧danö, otiwanö Dios yöawi̧ yötawobö chöwaisena, ja̧danö okobe jwiinö chöwaisena, jojodö wajwitji̧ jawabi chöwaisena. Ja̧danö, jwaikwöda Diosnö chösödena, okobe jwiinö juluwo̧ jö̧ba̧lö. Jau chömöledö, mö'ösa'iju pjolachibinö weto jö̧ba̧lö Diosnö chösödena, Diosma mö'ösa'iju pjolachibinö ja̧obö juluwo̧ jö̧ba̧lö. Jo̧kwaijayonö, ju'wedönö ösödakwabikwawökönö chö̧jitjö̧ma, mikwawö̧kö̧sa chömöledö.

1 Corintios 14:22

Ja̧danö, jejenöobetjö̧, ju'wedö tjiwenenö yöa̧lakwawama, Jesúsnö öpöjödadönö i̧sekwa baibanö jo̧be, Jesúsnö ösödadönö i̧sekwa baibanömaökö. Jo̧kwaijayonö Dios yöawi̧ yöawakwawama, Jesúsnö ösödadönö i̧sekwa baibanö jo̧be, Jesúsnö öpöjödadönömaökö.

1 Corintios 14:37

Ja̧danö, baikwö yötawaduwakwö chömöledö, ökwödötjö bakwo̧ Aaa, Dios yöawi̧ yöbawo̧sa̧ jö̧ba̧lö omukwatitjö̧ma, ja̧danö Aaa, ju'wi ja̧bö chö̧jo jö̧ba̧lö Dios iyinökwesa jö̧ba̧lö omukwatitjö̧ma, chiwȩyudaja̧ a̧ja̧kwö ösödo jö̧a̧lobe chömöledö, isabenö Duluwo̧ wei̧ jö̧ba̧lö.

1 Corintios 14:39

Jau chömöledö, Dios yöawi̧ yökawaduwoböma jwiinö kwösödaduwo, ja̧danö ju'wedö tjiwenenö yöa̧lakwawa öpöjödökönaduwi, yöba̧lökönaduwi jö̧ba̧lö.

1 Corintios 16:14

Okobe jwiinö ja̧bö kwö̧jaduwi̧ma, ju'wedönö ösödabikwawö ja̧bö kwö̧jaduwo chömöledö.

Efesios 1:3

Chömöledö, Duluwo̧ Jesús Abe'do, iteda Uluwo̧ Diosnö dösödaduwo, Diosma jwiinö otiwo̧, jö̧ba̧lö. Ökwödöma Cristokwö bakobe dötewinö dö̧jobetjö̧ Diosma do̧'wo̧ luwo̧ jawa iyinobe ökwödönöma, okobe jwiinö mölejȩbe ju̧kwi̧ jawa, otiwa jawama.

1 Tesalonicenses 5:20

Dios yöawi̧ yöawakwawama öpöjödökönaduwi.

1 Timoteo 4:14

Ja̧danö, Dios ökwönö ja̧bö kwö̧jo jö̧ba̧lö ökwönö iyinama, iyinadanö ja̧bö kwö̧jo. Damötjö Jesúsnö ösödadönö te'ada̧lakwawa luwedö kwuunö tjömamu 'bibeba̧lö ja̧tjenama, Dios yöawi̧ yöbawadöma ökwö ja̧bö kwö̧jakwa̧ wene yötjawinobe. Ja̧danö, jejenö yötjawenama, Diosma ökwönö iyinobe, jo̧banö ösödö ja̧bö kwö̧jakwa̧ma. Ja̧ ökwönö iyina, biya̧ ja̧bö ötjönö kwösödo jö̧ba̧lö iyinama, ja'yubebi junibökönö ja̧bö kwö̧jo Diosnö ösödö.

1 Timoteo 5:10

ja̧danö, wobekwinadötjö tjite'ada̧lakwawö̧ma sule jojodö, Bidöma otiwanö ja̧bö ji̧nadö, jö̧ba̧lö tjöwaisawö̧nöda. Ja̧ otiwanö ja̧bö tjuju̧kwina jawama baikwö yötawa: Otiwanö tji̧tji̧munö bötjatö, jelobetjö ichajadönö tjejunö tebatö, ju'wedö Jesúsnö ösödadö tjömöayujudanöbujusa jö̧ba̧lö pjabatö, usula emawadönö pjabatö, ja̧danö jwaikwöda okobe jwiinö otiwanö ja̧awa ja̧bö. Jejenö ja̧bö ji̧nadö ya̧dö tji̧lȩkwa̧munö wobekwinadönöda kwujuno, Jesúsnö ösödadö tjite'ada̧lawö̧, jö̧ba̧lö

1 Timoteo 6:11

Jau Timoteo, ökwöma Dios ömöledöso̧ja, jo̧kwajabetjö̧, biya̧ yötawaja̧ sulabenö ja̧awatjö döbibaji, sulabenö ja̧bökönö. Dios ömöledöso̧köbobetjö̧, ju'wida isakwö kwö̧jobö jo̧be, ja̧ma biya̧: Dios ösödi̧danö ja̧awa kwisakwo, ja̧danö Diosnö ösödö jo̧ba ösödi̧danö ja̧bö kwö̧jobö kwisakwo. Ja̧danö, kabatökönö Cristonö kwo̧'wo̧ wana̧lö kwö̧jobö kwisakwo, ja̧danö jwaikwöda kwömöledö Cristonö ösödadönö kwösödobö kwisakwo. Ja̧danö, wene baibenabi kwo̧'wo̧ 'dibachibö me'dawachibökönö Cristonö kwo̧'wo̧ kwöwana̧lobö kwisakwo, ja̧danö otiwanö dösölö̧jinö jojodönö ja̧köbobö kwisakwo Timoteo.

2 Timoteo 2:22

Jejenö jo̧be Timoteo, jo̧kwajabetjö̧ baikwö wetakwö: Möayedö sulabenö tjösödi̧tjö 'da̧bachibö döbibaji, ja̧danö ju'wida isakwi, otiwi̧ jawada. Jau ju'wida isakwö kwö̧jobö jo̧be, sulabe jwiinö kwö̧jobö, ja̧danö Dios yöawi̧ kwösödobö, ja̧danö jojodönö kwösödobö, ja̧danö wene jwiinö kwö̧jobö. Tjomajadenö bakwainö otiwadöma jejenö tjö̧jobö isakwadö Timoteo, ja̧danö ökwöbi jejenö kwö̧jobö kwisakwo.

Hebreos 12:14

Chömöledö, ökwödöma kwö̧ja̧wo̧dökwö ösödabikwawö, wene jwiinö kwuju̧kwaduwobö kwisakwaduwo. Ja̧danö, Dios i̧tji̧mu bakibinaduwobetjö̧ sulabenö ja̧bökönö kwö̧jaduwobö kwisakwaduwo. Chömöledö, sulabenö ja̧bökönö ju̧kwadöma Duluwo̧kwö dötewinö ju̧kwadö. Isabenö chömöledö, sulabenö ja̧bö ju̧kwadöma Duluwo̧kwö dötewinö ju̧kwöködö.

2 Pedro 1:7

Ja̧danö jemi tupakwö kwömöledöduwinö ösödabikwawö kwö̧jaduwobö kwisakwaduwo, Ja̧danö jemi tupakwö okobe deinö jojodönö isabenö kwösödaduwobö kwisakwaduwo chömöledö.

3 Juan 1:11

Gayo, chöjawo̧ chösödökwe, yötawakwö. Suli̧ jawa ja̧badö tjö̧ji̧danö kwö̧joko. Otiwi̧ jawa ja̧badö tjö̧ji̧danöda kwö̧jo. Otiwi̧ jawa ja̧bö ja̧döma tji̧sekwobe, Ökwödöma Dios i̧tji̧mu babibinadösa, jö̧ba̧lö. Jo̧kwaijayonö suli̧ jawa ja̧bö ja̧döma wainö tji̧sekwobe, Ökwödöma Diosnö wajwibadösa, jö̧ba̧lö. Gayo, otiwi̧ ja̧wa ja̧bö kwö̧jo, dö̧ja̧wo̧dönö pjabatö.

1 Samuel 10:5

Ikenama, jobetjö labebajo̧, Guibea comunidad mösa'o Dios iteasa'o jö̧ba̧lö ötjaba'obe kwichibakwo̧ja, filisteo ölakwabikwawa jojodö tjöjena pjeasa'obe. Jobe comunidadbe kwichibenama, möemi Diosnö iyawemitjö yutubajadö Dios yöawi̧ yöbawadönö kwöbadekwajakobe, lo̧awa jawa arpabi, panderobi, flautabi, lirabi kwebatö, Dios yöawi̧ yöbawö kwebachadönö.