1 Corintios 13:6 - Dios Iwene

⁶ Ja̧danö, jojodönö ösödabikwawö ja̧kwawama, sulabenö jawa baledobö ösödökönö, otiwa jawa isabenö wene jawada ösödö ji̧.

1 Corintios 13:6 ပူးပေါင်းရင်းမြစ်များ

Éxodo 18:9

Ja̧ Moisés yöawi̧, Israel jojodönö pjaatina yöawi̧ a̧ja̧kwö jwiinö ösödö yöba̧lijetö Jetroma: —

Proverbios 14:9

Ja̧danö, ju'wibi yötawa: Sulabenö omukwatadöma idödada sulabenö omukwatö tjö̧ji̧ma oböda obadö, jo̧kwada ju̧kwadösa, jö̧ba̧lö. Ja̧danö, ju'wibi yötawa: Diosma jweinö omukwatö ju̧kwadönö ösödo̧, otiwanö omukwatadö, jö̧ba̧lö.

Mateo 18:13

Ja̧danö, le'dewajo̧nö obejanö öbadekwajenama, jwiinö o̧'wo̧ ösöwachibena, ¿jö̧tö? Jau chömöledö, ju'wedö le'dewajöködö noventa nuevebedönö o̧'wo̧ ösöwi̧tjö bajalekwönönö le'dewajo̧nö badekwajö o̧'wo̧ ösöwachibanö ö̧jena, ¿jö̧tö?

Lucas 22:5

Jejenö yöawawö̧ tjösödinobe, ja̧danö jo̧bakwö yöba̧lakwawajadö, Judasnö yöbawö tjujuninobe, Jesúsnö iyö loköbitjö̧ma isabenö balada dimidakobe jö̧ba̧lö.

Romanos 1:32

Chömöledö, bidöma Dios jö̧a̧linama waisadö, Jejenö ja̧badöma wobalenöda tjimidawakwedö, jö̧ba̧lö. Ja̧ wene tjöwaisijayonö, jwaikwöda sulabenö ja̧bö ja̧kwawada ösödadö. Jemi tupakwöbi, ju'wedöbi sulabenö ja̧tjobö ösödadö.

Romanos 12:9

Ju'wedönö isabenö kwösödaduwo, wamedama kwösödaduwoko, okwanö kwösödaduwo. Jau chömöledö, sulabe jawa Dios öpöjödi̧ jawama kwöpöjödaduwo. Ja̧danö wanedö yötawa: Otiwa jawa 'diinö do̧ka̧laduwo, ja̧da kwösödaduwo.

Filipenses 1:18

Jo̧kwaijayonö, sulabenö omukwatö yötjawijayonö cho̧'wo̧ ösöwanö chö̧jobe, jojodö Cristo midawö woina wene tja̧ja̧kwobe jö̧ba̧lö. Jau chömöledö, sulabenö omukwatö yötjawitjö̧bi, otiwanö omukwatö yötjawitjö̧bi, Cristonö yötjawobetjö̧ cho̧'wo̧ ösöwanö chö̧jobe. Jau chömöledö babebi, tupakwöbi cho̧'wo̧ ösöwanö chö̧jobe chömöledö.

Filipenses 1:4

Jau chömöledö, ajayinö Jesúsnö kwösödinaduwelö baikwöma, ba̧kwȩlö̧jatebö otiwa jawa wene yötawobö otiwanö pjakatinaduwobe. Jo̧kwajabetjö̧, ba̧kwȩlö̧jatebö Diosnö atebenama, cho̧'wo̧ ösöwanö atebobe ökwödönö.

Filipenses 3:18

Jo̧kwaijayonö, ökwödö ja̧bö dö̧ji̧danö ja̧böködönöma, jobadö ja̧tji̧danöma ja̧bökönaduwi chömöledö. Ökwödönö yöbawiachinadanö, yemidanö budekwö yötawaduwakwö chömöledö, ju'wedöma Cristo towisa'onö midawö woina wene öpöjojodö tjuju̧kwobe,

2 Tesalonicenses 2:12

Jo̧kwajabetjö̧, okobe deinö isabenö wene öpöjödö sulabenö ja̧awa ösödadönöma lȩebakwo̧ Diosma.

2 Juan 1:4

Ja̧danö chö̧ja̧wo̧dö, ökwödötjö ju'wedö kwö̧jaduwi̧ma cha̧ja̧kwijatö, Jobadöma Dios isabenö ji̧ yöawi̧ ösödö tjö̧jobe, jö̧ba̧lö. Jejenö cha̧ja̧kwena yelösöda cho̧'wo̧ ösöwanö chö̧jijatö chö̧ja̧wo̧dö.