1 Corintios 11:23 - Dios Iwene

²³ Chömöledö, Duluwo̧ ötjönö yöawina jawa belö ökwödönö yötawijatö, baikwö yötawa: Jesús ömöayo̧ jo̧banö iyö loina yö̧tema, Duluwo̧ Jesúsma panpja̧ emibö,

1 Corintios 11:23 ပူးပေါင်းရင်းမြစ်များ

Mateo 26:17

Pan ye'yeachökö kwakwawa pjiesta abönö möle baibenama, Jesús öba̧ja̧di̧ waisachadö ichö jo̧banö abebö tja̧ja̧kwinobe: —Duluwo̧, ¿detjö dotidakwa̧da, Dios mönö öbaledina omukwatö pjiesta dukwakwa̧ jawama?— jö̧ba̧lö.

Mateo 26:2

—Kwöwaisaduwa chömöledö. Dios damötjö Israel jojodö tjö̧jibinö mönö öbaledina jawa pjiestama, dötölataja möle baledibajena jamatakobe, ja̧danö ju'wibi yötawaduwakwö, ötjö jojo baibanö jeminökwenö iyö lotjakobe, ja̧danö ötjönö towisa'onö bȩbö tjönakobe— jö̧ba̧lö.

Mateo 26:34

Yöa̧lökwe, Jesúsma Pedronö yöawinobe: —Isabenö yötawakwö Pedro, makö akala jwöakwa̧ abönö, wa̧pötakwanö yökawakwo̧ja, Jesúsnö wajwitökwe jö̧ba̧lö— yöawinobe.

Mateo 28:20

Ja̧danö, jobadö 'yabayedö chöba̧ja̧di̧ waisachadönö ba̧ja̧daduwi, okobe jwiinö ökwödönö wetinama, jobadöbi ja̧bö tjö̧jakobetjö̧. Ja̧danö chömöledö, isabenö ökwödökwö chö̧jakwo̧sa, böjȩ 'dö̧ibenanö kabatö— jö̧ba̧lö weinobe Jesúsma.

Lucas 22:17

Ikenama, yöbawajo̧, tjowa'do̧ ubasobu o̧'dobu okwa'do̧ emibö, Jesúsma Diosnö aebinobe, otiwanö kwiyajabe jö̧ba̧lö, ja̧danö abebajo̧, iteda öba̧ja̧di̧ waisachadönö iyö weinobe: —Chömöledö, yötawaduwakwö, babe dowi̧danöma la'akatjöda yemidanö ubasobu chowökakobe, yadakwö Dios la'aka luwo̧ ö̧jena ja̧nö yemidanö dowenanö kabatö, jo̧kwajabetjö̧ ja̧ omukwatö okobe deinö bakwo̧nökwena owaduwi— jö̧ba̧lö.

Hechos 20:7

Jobetjöma, domingo möle, ajayi möle mikwi̧ möle, yi̧bena, ökwödöma ju'wedö Jesúsnö ösödadökwö ko̧ko̧kwö döba̧jijatö. Ko̧ko̧kwö ba̧jöma Jesús woina omukwatö ubasobu owö, pan kwanö döba̧jijatö. Kwanö kadatena Pabloma yöawijatö jojodönö, lekwe, yö̧te ja'ö baibanö. Ju'wi dewachö yȩayi ȩwa̧jo jö̧a̧laja̧ma Pabloma lekwe yöawijatö ja̧ yö̧tema.

1 Corintios 10:16

Baikwö wanedö yötawa: Ökwödö Cristonö ösödadöma jo̧ba midawö woina omukwatö, dowobe, ¿jö̧tö? Jau chömöledö, otiwanö iyinobe Diosma jö̧ba̧lö, Cristo midawö woina omukwatö dowobe. Jejenö owö, okobe deinö owadöma bakobe Cristo ökwösobu dowobedanö ichejekwa, ¿jö̧tö? Ja̧danö, Cristo midawö woina omukwatö, pan 'delawö dukwenama, bakobe Cristo iteba'o dukwobedanö ichejekwa, ¿jö̧tö?

1 Corintios 15:3

Jau chömöledö, inesö mikwawi̧ wene ötjö cha̧ja̧kwina wenema ökwödönö yötawijatö. Ja̧ yötawina wenema biya̧ chömöledö: Damötjö Dios iwene wȩyudinadö imidawakwo̧nö tjiwȩyudinadanö, Cristoma midawö woinobe, ökwödö dusuli̧ imidawo jö̧ba̧lö.

Gálatas 1:1

Ötjöma Pablo mikwo̧sa, Jesús webawo̧sa. Ja̧ Jesús webawo̧ chö̧ji̧ma, jojodö wetjinokobe, ja̧danö Diosma jojodönö weinokobe, Jesús webawo̧ batibanö tjujuno jö̧ba̧löma. Jau chömöledö, Jesucristobi, Jesúsnö tjeachajinö ja̧bina Dabe'do Diosbi ötjönö 'da̧batö tjujuninobe, Jesús webawo̧ batibanö chö̧jo jö̧ba̧lö.

Deuteronomio 4:5

—Isabenö ökwödönö yötawi̧ a̧ja̧kwö kwö̧jaduwobö jo̧be chömöledö, baikwö yötawa: Okobe jwiinö chuluwo̧ Isabenö Jo̧ Dios ötjönö weinama, jweinö balewö lobökönö ökwödönö webö yötawobe, baikwö ja̧bö kwö̧jaduwo, jö̧ba̧lö, kwiteboduwinö kwö̧jaduwenama, Dios wei̧danö otiwanö a̧ja̧kwö kwö̧jaduwakobetjö̧.

Colosenses 3:24

Jau chömöledö, jejenö kwotidaduwo, kwöwaisaduwobetjö̧, Duluwo̧ Cristo wei̧ ja̧bö ja̧dösa, jö̧ba̧lö, ja̧danö Duluwo̧ Cristoma balekwa mikwa mölejȩbetjö demakwa̧ iyakwo̧, jö̧ba̧lö kwöwaisaduwobetjö̧.

1 Tesalonicenses 4:2

Kwöwaisaduwa chömöledö, Duluwo̧ Jesús iminö ökwödönö döba̧ja̧dinama.