Jisas Kraisna hundi Luk dé hayi 2:38 - Godna Hundi

³⁸ Simeon hundi Josep bér Mariaré wataka téndaka lé yae wun nyanré xéta lé Godka diména naata lé God Jerusalemré wambula hératendéka nukwaka haxékwa du takwaka lé wa déka.

Jisas Kraisna hundi Luk dé hayi 2:38 ပူးပေါင်းရင်းမြစ်များ

Jisas Kraisna hundi Luk dé hayi 1:68

Nani Israelna du takwa, nana Néma Du Godna ximbu harékétame. Naniré yikafre hurunjoka dé gaya. Gaye dé Satanéna tambambu naniré hératandé.

Jisas Kraisna hundi Luk dé hayi 2:25

Wun nukwa du nak déka xi Simeon dé Jerusalemémbu re. Dé yikafre sémbut male huruta dé Godka wakwexékékwa du dé re. God Israelna du takwaré yikafre hurutendéka nukwaka dé haxé. Godna Hamwinya déka mawulimbu dé wulaaye té.

Jisas Kraisna hundi Luk dé hayi 2:36

Gwalefa takwa hési léka xi Ana, lé wumbu re. Lé Fanuelna takwanya lé. Aserna hémémbu lé re. Lé Godna profet hési lé. Hanja lé du wali lé re. Reléka héki hwari angé tamba yétiyéti angé tamba hufuk yindéka dé léka du hiya.

Jisas Kraisna hundi Luk dé hayi 24:21

Tale nana mawulimbu angi nani wa, ‘Wun du nani Israelna du takwa naniré hérae naniré yikafre hurutandé.’ Wungi wambeka di déré xiya. Wun jooka hundi buléta ané jooka akwi ani bulé. Nanga di Jisasré xiyandaka nukwa yéték yindéka némbuli nukwa hufuk dé ya.

2 Korin 9:15

God nanika némafwi yikafre joo hwendéka wun joo atéfék jonduré dé sarékéngwandé. Hwendénka sarékéta, nani déka diména naata déka ximbu harékétame.

Efesus 1:3

Nani nana Néma Du Jisas Kraisna yafa Godna ximbu harékétame. Nani Jisas Krais wali natafa mawuli héraata rembeka God nana mawuli yikafre huruta dé atéfék yikafre anwarmbu rekwa jondu nanika dé hwe.