Jisas Kraiska Jon hayindén 18:33 - Godna Hundi

³³ Wunde du wungi wandaka dé Pailat wambula wulayi geré. Wulaaye gembu reta dé Jisaska wandéka wulayindéka dé déka wakwexéké, “Méni Judana néma du, o yingafwe?”

Jisas Kraiska Jon hayindén 18:33 ပူးပေါင်းရင်းမြစ်များ

Matyu 27:11

Jisasré hura yindaka dé Romna néma du Pailatna makambu té. Téndéka dé Pailat déré wakwexéké, “Méni Judana néma du o yingafwe?” Wungi wakwexékéndéka dé Jisas wa, “Xéxé. Méni hafu wundé wami.”

Matyu 27:27

Pailatna xi warekwa du di déka néma geré di Jisasré hura yi. Hura yindaka di atéfék xi warekwa du di dé téndénmbu hérangwandé.

Jisas Kraisna hundi Mak dé 15:2

Hura yindaka dé Pailat Jisasré wakwexéké, “Méni Judana néma du o yingafwe?” Wungi wakwexékéndéka dé wa, “Xéxé. Méni hafu méni wundé wamé.”

Jisas Kraisna hundi Luk dé hayi 23:2

Takataka di Jisaska déré angi wa, “Ané du dé haraki sémbutka nana du takwaré wakweta dé diré wa, Romna néma du Sisarka yéwa hwendamboka. Wungi wata dé wa, ‘Wuni néma du wuni re. Wuni God wasékendén du Krais wuni.’ Wungi wandéka nani déré ménika hura ya.”

Jisas Kraiska Jon hayindén 1:49

Wungi wandéka dé Nataniel wa, “Wakwekwe du, méni Godna nyan méni. Méni nani israelna néma du méni.”

Jisas Kraiska Jon hayindén 12:13

Wungi xéka di Jisasré xénjoka di yi. Ye di téméngara hura yita di angi wa, Néma Du, naniré mé yikafre huru. God déka ximbu yaakwa duré yikafre hurutandé. Dé nani israelna néma du dé.

Jisas Kraiska Jon hayindén 12:15

Guni israelna du takwa rookénguni. Mé xé. Guna néma du andé yae. Donki nyanéna bunungulmbu re dé yae.

Jisas Kraiska Jon hayindén 18:34

Wungi wakwexékéndéka dé wa, “Méni hafu sarékéta méni wungi wa, o nak du dé méniré wa?”

Jisas Kraiska Jon hayindén 18:37

Wungi wandéka dé wakwexéké, “Méni néma du wana?” Wungi wakwexékéndéka dé wa, “Wu yawundu. Wuni néma du wuni. Wuni angi wuni we. Mwi hundi wanjoka wuni ané héfaré gaya. Mwi hundi wawute lé wuna ayiwa wuniré héra. Mwi hundi xékékwa du takwa di wuna hundi xéké.”

Jisas Kraiska Jon hayindén 18:38

Wungi wandéka dé wakwexéké, “Mwi hundi méta hundi dé?” Pailat wungi wataka dé Judana duka wambula gwandi. Gwande dé diré wa, “Wun du haraki saraki sémbut huruhambandé.

Jisas Kraiska Jon hayindén 19:12

Pailat wun hundi xékétaka dé Jisas baka takandét yitendéka yambuka dé hwaké. Hwaka dé Judaré wa, Jisasré wandét dé baka yindéte. Wandéka di wa, “Wun du angi dé wa, ‘Wuni néma du wuni.’ Wungi wata dé Romna néma duna hafwa héranjoka dé huru. Wungi huruta dé Romna néma duna mama dé re. Méni dé baka yindéte wamét, méni akwi Romna néma duna mama retaméni.”

Jisas Kraiska Jon hayindén 19:3

Sandatakataka di déré haraki hundi wata di wangi. Wangita di wa, “Judana néma du, jémba retaméni!” Wungi wata di deka tambambu déka saawiré di xiya.

Jisas Kraiska Jon hayindén 19:4

Xiyandaka Pailat gwande dé Judana duré wa, “Mé xé. Déré wuni gunika hura gwande. Guni xe xékélakitanguni. Dé haraki saraki sémbut huruhambandé.”

Jisas Kraiska Jon hayindén 19:9

Roota dé geré wambula wulayi. Wulayi wandéka Jisas wambula wulayindéka dé déka wakwexéké, “Méni yimbu méni ya?” Wungi wakwexékéndéka Jisas hundi nak buléhambandé.

1 Timoti 6:13

God atéfék jondu huratakataka dé hamwinya dika hwe, di rendate. Hanja Krais Jisasna mama déré xiyanjoka hurundaka dé Pontius Pailatna makambu téta dé déka jémbaka yikafre hundi wa. Némbuli God bér Krais rembéka ani bérka makambu téta wuni méniré ané hundi hambukmbu wa.