Zakkaariyaasa 6:7 - Wolaytta Bible

⁷ He parati kiyido wode, biitta ubbaa yuuyidi xomoosanau paachchuroosona. Kiitanchchai eta, “Biite, biidi biitta ubbaa yuuyidi xomoosite” yaagiis. Yaagin eti biitta ubbaa yuuyidi xomoosidosona.

Zakkaariyaasa 6:7 ပူးပေါင်းရင်းမြစ်များ

Doomettaabaa 13:17

Dendda; denddada biittaa gomppan pudenne dugenne hininne haanne hemettada be7a; aissi giikko, taani ha biittaa neeyyo immana” yaagiis.

Hanidabaa Odiya Naa77antto Maxaafaa 16:9

Aissi giikko, ba kumetta wozanaappe GODAN ammanettiya asa minttettanau GODAA aifee sa7aa bollan ubbasaa xeellees. Neeni ha yohuwan eeyyadasa; hegaa gishshau, hachchippe doommin, neeppe oli shaahettenna” yaagiis.

Daaneela 7:19

“Hegaappe guyyiyan, taani hara do7atu ubbaappe dummatidi yashshiya oiddantto do7aassi de7iya tumu birshshettaa eranau koyaas. He do7aassi birata achchainne nahaase birata xugunttai de7ees; i banan gaittidabaa ubbaa mentterettidi meesinne miishin attidaagaa bari gediyan yererettees.

Daaneela 7:24

Qassi tammu kaceti ha kawotettatuppe denddana tammu kawota. Hegaappe guyyiyan, kase tammu kawotuppe dummatiya hara kawoi denddana. I etappe heezzu kawota xoonidi haarana.

Zakkaariyaasa 1:10

“Yaatin, barsseneetiyaa garssan eqqida bitanee, 'Hageeti sa7aa ubbaa yuuyi yuuyidi xomoosana mala, GODAI kiittidoogeeta' yaagiis.

Qoodaabaa 21:4

Israa7eela asai Hoora Deriyaappe denddidi, Eedooma biittaa yuushuwaa baanau Zo7o Abbaa efiya ogiyaara biidosona; shin ogiyaa bollan asau danddayai wuriis.