Zakkaariyaasa 6:15 - Wolaytta Bible

¹⁵ He wode haahosan de7iyaageeti GODAA Beeta Maqidasiyaa keexxidi maaddanau yaana. Ubbaappe Wolqqaama GODAIKKA tana inttekko kiittidoogaa intte hegan erana. GODAASSI, intte Xoossaassi, intte polo azazettikko, hegee hanana.

Zakkaariyaasa 6:15 ပူးပေါင်းရင်းမြစ်များ

Isiyaasa 3:10

Xillotuyyo, “Intteyyo lo77o gidana” gaada oda; aissi giikko, eti bantta oosuwaa aifiyaa maana.

Isiyaasa 49:12

Be7a, ta asai haahosaappe yaana: huuphessa baggaappenne arggo baggaappe yaana. Qassi Asiwaane biittaappekka yaana” yaagees.

Isiyaasa 57:19

Israa7eela biittan yeekkiyaageetu menttershshan galataa wottana. Haahuwaaninne matan de7iyaageetussi saroi gido. Taani eta pattana” yaagees.

Isiyaasa 60:10

“Allaga biittaa asai ne dirssaa gimbbana; eta kawoti neeyyo oottana. Nena taani ta hanqquwan kase shocidabaa gidikkokka, ha77i ta qaretan taani nena maaraas.

Ermmaasa 7:23

SHin taani etayyo ha azazuwaa immaas; 'Taayyo azazettite. Yaatikko, taani intte Xoossaa gidana; inttekka ta asaa gidana. Intteyyo lo77ana mala, taani inttena azaziyo oge ubban hemettite' yaagaas.

Zakkaariyaasa 2:13

GODAI ba de7iyo geeshsha sohuwan denddiis; hegaa gishshau, asho maayida ubbai a sinttan co77u go!

Zakkaariyaasa 3:7

“Ubbaappe Wolqqaama GODAI hagaadan yaagees; 'Neeni ta ogiyan hemettikkonne ta azazuwaa naagikko, neeni ta Beeta Maqidasiyaa aissana; ta dabaabankka aawatana. Qassi hagan eqqida kiitanchchatuura issippe neeni geliyo maataa taani neeyyo immana.

Zakkaariyaasa 6:12

Wottada ayyo, 'Ubbaappe Wolqqaama GODAI hagaadan yaagees; “Be7a, a sunttai Tashiyaa geetettiyo issi bitanee ba de7iyoosan diccana; diccidi i GODAA Beeta Maqidasiyaa keexxana.

Yesuusi Kiittidoogeetu Oosuwaa 2:39

Aissi giikko, Xoossai immana giido qaalai inttessa intte naatussanne Godai nu Xoossai baakko xeesiyo haahuwan de7iyaageetu ubbaassa” yaagiis.

Roome 16:26

SHin ha77i hananabaa yootiyaageeti xaafidoogaa baggaara tumatettai qoncciyan erettanaadan oottiis; qassi asa ubbai Xoossaa ammanidi azazettanaadan, merinaa Xoossaa azazuwan, ha sa7an de7iya zare ubbau qoncciis.