Zakkaariyaasa 11:7 - Wolaytta Bible

⁷ Hegaa gishshau, taani shukettanau de7iya dorssata, ubba qassi wudiyaa giddon tuggatidaageeta heemmiyaagaa gidaas. Qassi naa77u gatimata ekkada etappe issuwaa Kehatettaa gaada sunttaas; naa77anttuwaakka Issippetettaa gaada sunttaas. Yaatada dorssaa wudiyaa heemmaas.

Zakkaariyaasa 11:7 ပူးပေါင်းရင်းမြစ်များ

Mazamure Maxaafaa 23:4

Neeni ta GODAI tanaara de7iyo gishshau, taani haiquwaa milatiya xumaa giddoora biikkokka, iitabau yayyikke. Ne gatimainne ne guufee tana minttettoosona.

Mazamure Maxaafaa 27:4

Taani GODAA issibaa oichchaas; taani hegaa koyaas; hegeenne, taani ta de7o laitta ubban GODAA keettan de7anaagaa; de7aidda, taani GODAA lo77otettaa be7anaagaanne a Beeta Maqidasiyan a koyanaagaa.

Mazamure Maxaafaa 90:17

Godaa nu Xoossaa kehatettai nu bollan gido; nu kushiyaa oosuwaa nuussi injjeya. Ee, nu kushiyaa oosuwaa injjeya.

Isiyaasa 11:4

SHin hiyyeesatuyyo i xilluwan pirddana; sa7an de7iya metootanchchatu yohuwaakka i suuretettan kuuyana. I ba inxxarssaa gatiman sa7aa shocana; ba doonaa shemppuwan iitata worana.

Isiyaasa 40:11

I ba wudiyaa henttanchchaadan mizees; ba dorssa maratakka ba qesiyan shiishshidi, ba kiyuwan idimmana. Xanttiyaageetakka loddaara kaalettana.

Isiyaasa 61:1

Ubbaa Haariya GODAA Ayyaanai ta bollan de7ees; aissi giikko, qohettidaageetussi lo77o mishiraachchuwaa yootana mala, GODAI tana tiyiis. I tana wozanai meqqidoogeetussi koolettiyoogaanne omoodettidaageetussi omooduwaappe kiyiyoogaa awaajjana malanne qashettidaageetussi birshshettiyoogaa awaajjana mala kiittiis.

Ermmaasa 39:10

SHin kawuwaa naagiyaageetu halaqai Naabuzaraadaani aibinne etau bainna hiyyeesatuppe amaridaageeta Yihudan aggidi, etayyo woiniyaa turaa sohotanne goyiyo gadeta immiis.

Wogaabaa 27:32

Miizzaa gidin, dorssaa gidin, woi deeshshaa gidinkka, tammaappe issoi GODAASSA; meheta qoodi qoodidi aattiyo wode tammantti GODAASSI geeshsha.

Mikiyaasa 7:14

Neeni ne asaa, aradda biittai yuushuwan de7iyo bazzuwan barkka de7iya ne buzo dorssaa wudiyaa ne gatiman heemma. Eti kaseegaadankka Baasaaneeninne Gala7aaden heemettona.

Sofonaasa 3:12

Taani intte giddoppe bantta huuphiyaa kaushshiyaageetanne ziqqi oottiya asata ashshana; etikka GODAA sunttan ammanettana.

Zakkaariyaasa 11:14

Hegaappe guyyiyan, taani Yihudaappenne Israa7eelappe gidduwan de7iya ishatettai xayidoogaa bessanau Issippetettaa giyo ta naa77antto gatimaa menttaas.

Zakkaariyaasa 11:4

GODAI ta Xoossai tana hagaadan yaagiis; “He shukettanau de7iya dorssatu wudiyaa heemma.

Maatiyoosa 11:5

qooqeti xeelloosona; wobbeti hemettoosona; inchchirichchai oiqqidoogeeti paxoosona; tulleti siyoosona; haiqqidaageeti denddoosona; hiyyeesati wonggeliyaa mishiraachchuwaa siyoosona.

Marqqoosa 12:37

Daawiti ba huuphen Kiristtoosa, ‘Godaa’ giidi xeesikko, yaatin, Kiristtoosi waanidi, Daawita na7a gidii?” yaagiis. Daro asai Yesuusi giyoogaa ufaissan siyiis.

Yohaannisa 10:16

Ha wudiyan bainna hara dorssatikka tau de7oosona. Taani etakka ehaanau bessees. Qassi eti ta qaalaa siyana; issi wudee de7ana; heemmiyaageekka issuwaa gidana.

Yaaqooba 2:5

Ta siiqo ishatoo, siyite; Xoossai ha sa7an de7iya hiyyeesa asai ammanuwan duretanaunne bana siiqiyaageetuyyo immana giido saluwaa kawotettaa laattanau dooribeenneeyye?

Sameela Maxaafaa Koiruwaa 17:40

Daawiti ba hentta gatimaa oiqqidi, shaafaappe muila shuchcha ichchashata maxi ekkidi, ba qarcciitan yeggiis; ba yambbarshshaa oiqqidi, Gooliyaadakko matiis.

Sameela Maxaafaa Koiruwaa 17:43

Karidi Daawita, “Neeni gatimaa oiqqada ta bolli yaanau, tana kana gaadiiyye?” yaagiis; yaagidi ba xoossatu sunttan Daawita qanggiis.