Zaarettido Wogaa 9:26 - Wolaytta Bible

²⁶ Taani GODAA Xoossaa hagaadan yaagada woossaas; 'Abeet Ubbaa Haariya GODAU, neeni ne gita wolqqan wozidonne ne mino kushiyan Gibxxeppe kessido, neeyyo laata gidiya ne asaa xaissopparkkii!

Zaarettido Wogaa 9:26 ပူးပေါင်းရင်းမြစ်များ

Sameela Maxaafaa Naa77anttuwaa 7:23

Neeni ne asa oottanau wozido ne asaa Israa7eela milatiya hara kawotetti sa7aa bollan baawa. Neeni etayyo oottido gitanne maalaalissiya oosotu gaasuwan ne sunttai biittan sa7an erettiis. Neeni ne asaa sinttaappe hara kawotettatanne eta xoossata laaggadasa.

Kawotu Maxaafaa Koiruwaa 8:51

Aissi giikko, eti he birataa seerissiya cooce mala biittaappe, Gibxxeppe neeni kessido ne asatanne ne buzota.

Kawotu Maxaafaa Koiruwaa 8:53

Aissi giikko, abeet Ubbaa Haariya GODAU, neeni kase nu aawata Gibxxeppe kessiyo wode ne ashkkaraa Muuse baggaara odidoogaadan, eta neeni sa7an de7iya kawotettatu ubbaa giddoppe ne buzo oottanau dummayadasa” yaagidi woossiis.

Nahimiyaa Maxaafaa 1:10

“Hageeti neeni ne gita wolqqaaninne ne mino qesiyan woza ekkido ne ashkkaratanne ne asata.

Mazamure Maxaafaa 106:23

Hegaa gishshau, Xoossai eta xaissana giis; shin xaissenna mala, a hanqquwaa zaaranau, Xoossai doorido Muusee gidduwan eqqiis.

Mazamure Maxaafaa 107:2

GODAI ashshidoogeeti hegaadan giidi haasayona. Eti i eta morkketu kushiyaappe wozidoogeetanne i biittatuppe, awai mokkiyoosaappenne wulliyoosaappe, huuphessanne tohossa baggappe qoridi shiishshidoogeeta.

Mazamure Maxaafaa 28:9

GODAU, ne asaa ashsha; neessi gidiyaageeta anjja. Eta heemmiyaagee nena gida; neeni eta merinaukka heemma.

Mazamure Maxaafaa 57:1

Tana maara; abeet Xoossau, tana maara; taani neekko baqatais. Taani bashshai aadhdhana gakkanaassi, ne qefiyaa giddo baqatada attais.

Mazamure Maxaafaa 77:15

Ne asaa, Yaaqoobanne Yooseefa zerettata ne qesiyan ashshadasa.

Mazamure Maxaafaa 78:35

Eti Xoossai etau wogga zaallaa gididoogaanne Ubbaappe Xoqqiya Xoossai eta wozidaagaa gididoogaa hassayidosona.

Mazamure Maxaafaa 99:6

Muuseenne Aarooni a qeseta; Sameelikka a sunttan woossidaageetuppe issuwaa. Eti GODAASSI waassidosona; waassin i etau alliis.

Kessaabaa 15:13

“Neeni wozido asaa aggenna ne siiquwan kaalettana. Neeni ne wolqqan eta neeni de7iyo geeshsha sohuwaa gelissadasa.

Kessaabaa 33:13

Neeni tana nashshidabaa gidikko, taani nena erana malanne sinttanaukka nenan nashettada daana mala, ne ogiyaa tana tamaarissa. Ha asai ne asaa gidiyoogaa hassaya” yaagiis.

Kessaabaa 34:9

goinnidi, “Abeet Godau, neeni tanan ufaittidabaa gidikko, nunaara issippe hindda. Hagee asai morgge zozzidabaa gidikkokka, nu iitatettaanne nu nagaraa atto yaagada, nuna ne asa ootta” yaagiis.

Isiyaasa 44:23

Inttenoo salotoo, GODAI hagaa oottido gishshau, ufaissan yexxite. Inttenoo biittaa ciimmatoo, ililite. Inttenoo deretoo, woraunne a giddon de7iya mitta ubbau, mazamuriyaa kinchchite. Aissi giikko, GODAI Yaaqooba woziis; qassi Israa7eela giddonkka i bonchchettana.

Isiyaasa 63:19

Neeni beniisappe haarabeenna asaadaaninne ne sunttankka xeesettibeenna asaadan nuuni hanida.

Ermmaasa 14:21

Nuna ne sunttaa gishshau karoppa; ne bonchcho araatai de7iyo Yerusalaame kaushshoppa. Neeni nunaara maacettido maachchaa hassaya; ne maachchaa kanttoppa.

Ermmaasa 15:1

Hegaappe guyyiyan, GODAI taayyo hagaadan yaagiis; “Harai atto Muuseenne Sameeli ta sinttan eqqiyaakkonne, ta wozanai ha asatukko simmenna. Eta ta sinttappe digga; eti boona.

Ermmaasa Zilaassaa 2:20

Abeet GODAU, be7a! Neeni o bolli kase hagaadan oottidaakko, ane qoppa. Aayeti bantta kiyuwan ishalissidi dichchido bantta naata moona gai? Qassi qeesetinne hananabaa yootiyaageeti Godaa Beeta Maqidasiyaa giddon haiqqona gai?

Mikiyaasa 6:4

Taani inttena Gibxxe biittaappe kessaas; qassi inttena ailletettaappe wozaas. Inttena kaalettana mala Muusa, Aaroonanne Miiriyaamo inttessi kiittaas.

Zaarettido Wogaa 13:5

Inttena Gibxxeppe kessidi, ailletettaappe inttena wozida GODAA intte Xoossaa bolli intte makkalanaadan tamaarissiya hananabaa yootiyaagaa, woikko aimuwaa birshshiyaagaa worite; hegaa mala asi inttena GODAA intte Xoossaa azazuwaappe wora baanaadan oottiyo gishshau, hegaa malaa woridi, iitaa intte giddoppe diggite.

Zaarettido Wogaa 15:15

Inttekka Gibxxe biittan kase aille gididoogaanne GODAI intte Xoossai inttena yaappe wozidoogaa dogoppite. Taani inttena hachchi azaziyoogee hegaassa.

Zaarettido Wogaa 21:8

Abeet GODAU, neeni wozido ne asaa, Israa7eela maara; ha geeshshaa suuttaa ne asaa bolli naaqo oottada qoodoppa' yaagona. He suuttaa gishshau, etau atto geetettana.

Zaarettido Wogaa 32:9

Aissi giikko, shaahuwan GODAA gakkidaagee Israa7eela; Yaaqoobikka a gakkida laataa.

Zaarettido Wogaa 7:8

SHin GODAI inttena siiqido gishshaunne intte maizza aawatuyyo caaqqido caaquwaa naagido gishshau, i inttena ailletettaa biittaappe, Gibxxe kawuwaa kushiyaappe, ba wolqqaama kushiyan kessiisinne woziis.

Zaarettido Wogaa 9:12

“Hegaappe guyyiyan, GODAI tana hagaadan yaagiis; 'Hagaappe eesuwan wodhdha; aissi giikko, neeni Gibxxeppe kessido ne asai tuniichchiis; taani eta azazido azazuwaappe eesuwan wora simmidi, seerissidi medhdhido eeqaa banttayyo goinnanau giigissidosona' yaagiis.

Zaarettido Wogaa 9:27

Ne ashkkarata, Abrahaama Yisaaqanne Yaaqooba qoppa; ha asaa morgge zozzatettaa, eta iitatettaanne eta nagaraa qoodoppa.

Zaarettido Wogaa 9:29

Gido shin, ha asai neeni ne gita wolqqaaninne ne micettida qesiyan Gibxxeppe kessido ne laata gidiya ne asaattenne' yaagaas.

Tiitu 2:14

Iita ooso ubbaappe i nuna wozanaunne lo77obaa oottanau amottiya ba geeshsha asa kessanau, nu gishshau, ba huuphiyaa immiis.

Ibraawe 9:12

Kiristtoosi Ubbaappe Aadhdhiya Geeshsha Sohuwaa geliyo wode, deeshsha suuttanne galo suutta oiqqidi gelibeenna; shin ba suuttaa oiqqidi, nuuyyo merinaa atotettaa demmidi, naa77anttennan issitoo geliis.

Ajjuutaa 5:9

Eti, “Xaatta woraqataa ekkanaunne maatafaa peerada dooyanau neeyyo bessees. Aissi giikko, neeni shuhettadasa. Neeni qommo ubbaappe, dumma dumma biitta qaala ubbaappe, yara ubbaappenne zare ubbaappe ne suuttan Xoossaayyo asaa wozadasa.

Sameela Maxaafaa Koiruwaa 7:9

Sameeli issi xammiya dorssa maraa ekkidi, ashuwaa wurssi xuuggiyo yarshshodan GODAAYYO yarshshiis; yarshshidi Israa7eelatu gishshaa GODAAYYO waassiis; waassin GODAI ayyo siyiis.