Zaarettido Wogaa 8:4 - Wolaytta Bible

⁴ Ha oitamu laittatu giddon neeni maayido maayoi wuribeenna; ne tohoikka kixxibeenna.

Zaarettido Wogaa 8:4 ပူးပေါင်းရင်းမြစ်များ

Nahimiyaa Maxaafaa 9:21

Oitamu laittaa ubbaa eti bazzuwan hemettiyo wode, etau koshshiyaabaappe issibaanne xaissabaakka. Eta maayoi wuribeenna; eta gedeekka kixxibeenna.

Kessaabaa 16:35

Israa7eelati bantta de7iyo biittaa yaana gakkanaassi oitamu laittaa mannaa miidosona; eti Kanaane biittaa zawaa gakkana gakkanaassi mannaa miiddi de7idosona.

Qoodaabaa 14:33

Intte ammanettibeenna gishshau, intte wurssetta ahai ha bazzuwan wullana gakkanaassi, intte naati waayettiiddi, ha bazzuwan oitamu laittaa henttanchcha gididi yuuyana.

Zaarettido Wogaa 2:7

“GODAI intte Xoossai intte oottidobaa ubbaa anjjiis; intte ha gooba bazzuwan hemettiyo wode, inttena naagiis. Ha oitamu laitta ubban GODAI intte Xoossai inttenaara de7iis. Aibanne intteyyo pacissibeenna.

Zaarettido Wogaa 29:5

GODAI oitamu laittaa kumettaa inttena biittaa bazzuwan kaalettiyo wode, intte maayoi intte bollaappe wuribeenna, intte caammaikka intte tohuwaappe wuribeenna.