Zaarettido Wogaa 8:2 - Wolaytta Bible

² GODAI ne Xoossai neeyyo immido azazuwaa ne naagiyaakko naagennaakko, ne wozanaa qofaa eranaayyo, nena paaccanaunne nena ziqqi oottanau, oitamu laittaa kumettaa i nena bazzuwan kaalettido oge ubbaa hassaya.

Zaarettido Wogaa 8:2 ပူးပေါင်းရင်းမြစ်များ

Doomettaabaa 22:1

Hegaappe simmin, Xoossai Abrahaama paacciis; i a, “Abrahaamaa” yaagidi xeesiis. Xeesin i, “Yee” yaagidi koyiis.

Hanidabaa Odiya Naa77antto Maxaafaa 32:31

SHin Yihudaa biittan hanida maalaalissiya malaataabaa oichchanau Baabiloone haariyaageeti kiittido asati Hizqqiyaasakko yiido wode, GODAI a paaccanaunne a wozanan de7iyaabaa ubbaa eranau a yeddi bessiis.

Hanidabaa Odiya Naa77antto Maxaafaa 33:12

Minaasee tuggatido wode, GODAA ba Xoossaa maaduwaa woossiis; ba aawatu Xoossaa sinttan banatettaa keehippe kaushshiis.

Hanidabaa Odiya Naa77antto Maxaafaa 33:19

Qassi a woosainne Xoossai ayyo woosettidobai, i oottido nagarainne naaqoi ubbai, Minaasee bana kaushshanaappe kase oottido goinniyo xoqqa sohotinne Asheeri misiletanne ba goinniyo eeqata i essido sohoti ubbai Hananabaa Yootiyaageetu Taarikiyaa Maxaafan xaafetti uttidosona.

Nahimiyaa Maxaafaa 9:19

ne daro maarotettaa gishshau, neeni eta he biittaa bazzuwan aggabaakka. Eti biyo ogiyaa kaalettana mala, gallassi shaaraa tuussai, qassi eta ogiyaa poo7issana mala, qammi tamaa tuussai etappe haakkibeenna.

Iyyooba Maxaafaa 33:17

Yaatidi asi nagaraa oottennaadan teqqees; otoruwaakka asaappe diggees.

Mazamure Maxaafaa 103:2

Tanooshsho, GODAA galata! I neeyyo oottido kehatettaa ubbaa dogoppa.

Mazamure Maxaafaa 106:7

Nu aawati Gibxxen de7iyo wode, ne maalaalissiya oosuwaa qoppibookkona. Aggenna ne siiquwaa darotettaa eti hassayibookkona; Zo7o Abbaa lanqqiyan Ubbaappe Xoqqiya Xoossaa bolli makkalidosona.

Mazamure Maxaafaa 136:16

I ba asaa kaalettidi, bazzuwaa kanttissiis; aggenna a siiqoi merinaagaa.

Mazamure Maxaafaa 77:11

GODAU, ne oosota taani qoppana. Ee; neeni beni wode oottido maalaalissiyaabata ubbaa taani hassayana.

Mazamure Maxaafaa 81:7

Intte metuwaa wode tana xeesideta; xeesin inttena ashshaas; taani dadaa giddon geemmidosaappe intteyyo allaas. Mariiba giyo pulttuwaa matan taani inttena paaccaas.

Kessaabaa 15:25

Zuuzummin Muusee GODAAYYO waassiis; waassin GODAI a issi mitta bessiis; Muusee he mittaa haatta giddo olin, haattai mal77iis. Yan GODAI etau awaajuwaanne higgiyaa kessiis; yan GODAI eta paacciis.

Kessaabaa 16:35

Israa7eelati bantta de7iyo biittaa yaana gakkanaassi oitamu laittaa mannaa miidosona; eti Kanaane biittaa zawaa gakkana gakkanaassi mannaa miiddi de7idosona.

Kessaabaa 16:4

Yaagin GODAI Muusa, “Taani intteyyo saluwaappe oittaa bukissana; asai ubba gallassikka kiyidi, hachchi hachchissi gidiyaagaa xalaalaa maxanau koshshees. Asai ta azazuwaa kaalliyaakko kaallennaakko taani eta hegan paaccana.

Kessaabaa 20:20

Muusee asaa, “Xoossai inttena paaccanau, nagaraa intte oottenna mala, a yashshai intte wozanan de7anaadan, i yiido gishshau yayyoppite” yaagiis.

Leemiso Maxaafaa 17:3

Worqqainne birai taman paacettiyoogaadan, GODAI asaa wozanaa paaccees.

Isiyaasa 2:17

Asa otoroi ziqqi gaana; a ayyoikka xayana. He gallassi GODAA xalaalai xoqqu xoqqu gaana;

Ermmaasa 2:6

Eti, 'Nuna Gibxxeppe kessidaagee, qa77enne aafo gidida bazzuwaara, koshainne sakkana xumai de7iyo biittaara, ai asinne aadhdhenna woikko de7enna sohuwaara kaalettida GODAI awan de7ii?' yaagibookkona.

Hizqqeela 20:19

Taani GODAA intte Xoossaa. Ta wogaadan hemettite; ta higgiyaakka naagite.

Amoxa 2:10

Taani inttena Gibxxe biittaappe kessada, bazzon oitamu laittaa kaalettaas; qassi Amooretu biittaakka intteyyo laata oottada immaas.

Qoodaabaa 14:33

Intte ammanettibeenna gishshau, intte wurssetta ahai ha bazzuwan wullana gakkanaassi, intte naati waayettiiddi, ha bazzuwan oitamu laittaa henttanchcha gididi yuuyana.

Luqaasa 18:14

“Taani inttessi odiyoogee aibee giikko, hagee Parisaawiyaappe xillidi, ba soo biis. Aissi giikko, bana xoqqu oottiya urai kauyyana; shin bana kaushshiya urai xoqqu gaana” yaagiis.

Yohaannisa 2:25

Asabaa ooninne ayyo markkattana mala koyibeenna; aissi giikko, asa wozanan aibi de7iyaakko, i ba huuphen erees.

Zaarettido Wogaa 1:3

Gibxxeppe eti kiyido oitamantta laittan, tammanne isiinintta aginan, aginaayyo koiro gallassan, Muusee GODAI etabaa a azazidobaa ubbaa Israa7eelatuyyo yootiis.

Zaarettido Wogaa 13:3

intte a mulekka siyoppite. Intte a kumetta wozanaappenne kumetta shemppuwaappe GODAA intte Xoossaa dosiyaakkonne giidi, inttena i paaccanau hegaa oottees.

Zaarettido Wogaa 2:7

“GODAI intte Xoossai intte oottidobaa ubbaa anjjiis; intte ha gooba bazzuwan hemettiyo wode, inttena naagiis. Ha oitamu laitta ubban GODAI intte Xoossai inttenaara de7iis. Aibanne intteyyo pacissibeenna.

Zaarettido Wogaa 29:5

GODAI oitamu laittaa kumettaa inttena biittaa bazzuwan kaalettiyo wode, intte maayoi intte bollaappe wuribeenna, intte caammaikka intte tohuwaappe wuribeenna.

Zaarettido Wogaa 32:7

“Kase wodiyaa qoppite; daro yeletatu laittaakka akeekite. Intte aawata oichchite; eti inttena bessana. Intte cimatakka oichchite; eti intteyyo yootana.

Zaarettido Wogaa 7:18

SHin etayyo yayyoppite. GODAI, intte Xoossai, Gibxxe kawuwaa bollinne Gibxxe biittaa ubbaa bolli oottidoogaa hassayite.

Zaarettido Wogaa 8:16

Ne maizza aawati erenna mannaa i nena mizidoogee nena ziqqi oottanaassanne nena paaccanaassa; i hegaa oottidoogee wurssettan neeyyo ubbabai lo77o gidanaassa.

Yaaqooba 4:10

Godaa sinttan intte huuphiyaa toochchite; qassi i inttena xoqqu xoqqu oottana.

Yaaqooba 4:6

SHin Xoossai aaro kehatettaa aattidi immees. Hegaa gishshau, Xoossaa maxaafai, “Xoossai otorettiyaageeta ixxees; shin banttana kaushshiyaageetuyyo aaro kehatettaa immees” yaagees.

Koiro PHeexiroosa 1:7

Hegee harai atto, taman yeggin xayiya worqqappekka intte ammanoi daro al77onne bali bainnaagaa gidiyoogaa bessanaassa; yaatidi Yesuus Kiristtoosi beettiyo wode, galataa, bonchchuwaanne sabaa intte ekkana.

Ajjuutaa 2:23

Taani i naatakka worana; qassi woosa keetta ubbaikka taani asa qofanne amo eriyaagaa gidiyoogaa erana; taani intteyyo intte oosuwaa malaa immana.

Daannatu Maxaafaa 2:22

Ha Israa7eela asai kase bantta maizza aawatudan ta ogiyaa kaalliyaakko, woikko kaallennaakko paaccanau, taani he attida dere asatun go7ettana” yaagiis.

Daannatu Maxaafaa 3:4

GODAI Muuse baggaara kase Israa7eela maizza asaa aawatussi immido azazuwaa eti azazettiyaakko azazettennaakko paacissanau eta ashshiis.