Zaarettido Wogaa 7:24 - Wolaytta Bible

²⁴ Qassi eta kawotakka i intte kushiyan aatti immana. Inttekka eta sunttaa saloppe garssa baggappe quccidi xaissana. Ooninne inttenaara eqetti danddayenna; intte eta xaissana.

Zaarettido Wogaa 7:24 ပူးပေါင်းရင်းမြစ်များ

Mazamure Maxaafaa 9:5

Neeni kawotettata qaxxayadasa; iitatakka xaissadasa. Neeni eta sunttaa meri merinaukka quccarggadasa.

Kessaabaa 17:14

Hegaappe simmin, Muusa GODAI hagaadan yaagiis; “Hagee ubbaton hassayettana mala hagaa xaafa. Yaatada Yaasa sissennan aggoppa; aissi giikko, saloppe garssan taani Amaaleeqa asata ciraara xaissana” yaagiis.

Leemiso Maxaafaa 10:7

Xilluwaa sunttai anjjuwan xeesettiiddi, de7i aggees; shin nagaranchchatu sunttai sohuwaara dogettees.

Isiyaasa 54:17

Nena qohanau oottido ai miishshinne nena qohidi kantti kiyenna. Nena mootiya inxxarssa ubbau gidiya zaaruwaa neeni immana. GODAA ashkkaratu laatai hagaa; eta taani shatinttana” yaagees. GODAI hegaa yootees.

Ermmaasa 10:11

GODAI hagaadan yaagees; “Etayyo hagaadan yaagada yoota; 'Hegeeti saluwaanne sa7aa medhdhibeenna xoossati sa7aappenne salo garssaappe xayana' yaaga” yaagees.

Sofonaasa 1:4

Qassikka GODAI hagaadan yaagees; “Taani Yihudaaninne Yerusalaamen de7iya ubbaa qaxxayanau ta kushiyaa denttana; Ba7aala giyo eeqaayyo goinniyaageetanne ayyo oottiya qeeseta he sohuwaappe mulxxu oottada xaissana.

Roome 8:37

SHin nuuni nuna siiqida aani ha yoho ubban poli xoonida.

Koiro Qoronttoosa 15:57

SHin nu Godaa Yesuus Kiristtoosa baggaara nuna xoonissiya Xoossaa galatai gakko.

Zaarettido Wogaa 11:25

Inttenaara ai asinne eqettanau danddayenna; GODAI intte Xoossai intteyyo giidoogaadan, intte biyoosan ubban asai inttena be7idi dagammanaadaaninne inttessi yayyanaadan oottana.

Zaarettido Wogaa 25:19

Hegaa gishshau, GODAI intte Xoossai inttena he biittaa laatissidi, intte yuushuwan de7iya morkketu ubbaappe inttena shemppissiyo wode, ha biittan eta hassayiya asi xayana gakkanaashin, Amaaleeqata ubbaa salo gufanttoppe xaissite; hegaa oottanaagaa mulekka dogoppite.

Zaarettido Wogaa 29:20

GODAA hanqqoinne qanaatee hegaa mala asa bolli eexxi kiyanaappe attin, GODAI a maarenna. Ha maxaafan xaafettida qanggetta ubbai a bolli yaana; saloppe garssa baggaappe a sunttaa GODAI xaissana.

Zaarettido Wogaa 9:14

Yaanikko, taani eta xaissanaagaanne eta sunttaakka saloppe garssa baggappe quccanaagaa tana diggoppa. Yaatada nena etappe minniyaanne corattiya kawotetta kessana' yaagiis.

Zaarettido Wogaa 9:3

SHin miya tamadan intteppe sinttaara biyaagee GODAA intte Xoossaa gidiyoogaa hachchi erite. I eta xaissananne intte sinttan eta kaushshana. GODAI intteyyo giidoogaadan intte eta yedettidi kessananne sohuwaarakka xaissana.

Yaasu Maxaafaa 1:5

Neeni de7ido laitta ubban ai asinne nena olidi teqqenna. Taani Muuseera gididoogaadan, nenaarakka gidana; taani nena mulekka yeggikkenne aggikke.

Yaasu Maxaafaa 10:23

Yaagin gonggoluwaa giddoppe Yerusalaame kawuwaa, Kebroona kawuwaa, Yarmmuuta kawuwaa, Laakisha kawuwaanne Egiloona kawuwaa kessidi akko ehiidosona.

Yaasu Maxaafaa 10:40

Yaasu biitta ubbaa, gezziyaa Neegeeba Bazzuwaa, garaanne bargguwaa, eta kawotuurakka oiqqiis. Oiqqidi GODAI Israa7eela Xoossai azazidoogaadan, biittaa bollan paxa shemppoora de7iya asa ubbaa issuwaanne ashshennan wurssi woriis.

Yaasu Maxaafaa 10:42

GODAI, Israa7eela Xoossai Israa7eela asaassi olettido gaasuwan, Yaasu he kawota ubbaa eta biittaarakka issi dentta olan xooniis.

Yaasu Maxaafaa 10:8

Biishin GODAI Yaasa, “Etau yayyoppa! Taani eta ne kushiyan aattada immaas. Etappe issoinne nenaara eqettanau danddayenna” yaagiis.

Yaasu Maxaafaa 11:17

He biittai Eedooma matan de7iya Halaaqa giyo deriyaappe doommidi biidi, Hermmoone Deriyaappe garssa baggaara de7iya Liibaanoosa Wombban de7iya Ba7aali-Gaada gakkanaassi de7iya sohota gakkees. Eta kawota ubbaa Yaasu omooddidi woriis.

Yaasu Maxaafaa 12:24

Tirxxa kawuwaa. Eti muleera hasttamanne isiini kawota.

Yaasu Maxaafaa 21:44

GODAI eta aawatuyyo caaqqidoogaadan, eta ubba baggaarakka shemppissiis. GODAI eta morkketa ubbaa etayyo aatti immido gishshau, eta morkketuppe issoinne etaara eqettanau danddayibeenna.

Yaasu Maxaafaa 23:3

GODAI intte Xoossai intte gishshau ha kawotettata ubbaa oottidobaa intte intte huuphiyau be7ideta. Intteyyo olettidaagee GODAA intte Xoossaattennee.

Yaasu Maxaafaa 23:9

“Aissi giikko, GODAI gitanne mino kawotettata intte sinttappe kessiis. Inttena gidikko, hachchi gakkanaassi ooninne inttenaara eqettanau danddayibeenna.

Yaasu Maxaafaa 6:2

GODAI Yaasa, “Xeella, taani Yarkko katamaa a kawuwaarakka a mino olanchchatuurakka ne kushiyan aattada immaas.