Zaarettido Wogaa 7:16 - Wolaytta Bible

¹⁶ GODAI intte Xoossai intteyyo aatti immiyo asa ubbaa xaissite; etayyo ainne qarettoppite. Eta xoossatuyyookka goinnoppite. Aissi giikko, hegee intteyyo pire gidana.

Zaarettido Wogaa 7:16 ပူးပေါင်းရင်းမြစ်များ

Mazamure Maxaafaa 106:34

GODAI xaissite gin, eti Kanaane asata xaissibookkona.

Mazamure Maxaafaa 106:36

Xoossaa asati eta eeqaassi goinnidosona; hegeenne, etau pire gidiis.

Kessaabaa 23:33

Eta intte biittan wottoppite; hinkkoode eti inttena ta bolli nagaraa ootissana; aissi giikko, eta xoossatussi goinniyoogee tumuppe intteyyo pire gidana” yaagiis.

Ermmaasa 21:7

Hegaappe guyyiyan, Yihudaa Kawuwaa Sedeqiyaasa, a oosanchchatanne boshaappe, bisuwaappenne koshaappe palahida, ha katamaa asaa ubbaa, Baabiloone Kawuwaa Naabukadanaxoorayyoonne eta woranau koyiya morkketuyyo taani GODAI aattada immana. I eta qara bisuwan siifana. I etau qarettenna, woikko saalidi aggenna, woikko maarenna” yaagees' yaagite” yaagiis.

Qoodaabaa 33:55

“'SHin he biittan de7iya asaa intte yedettennan aggikko, intte ashshidoogeeti intteyyo intte aifiyaayyo pincco, intte miyyiyaayyo aguntta gidana; intte de7ana biittan eti inttena waayissana.

Koiro Qoronttoosa 15:33

Cimettoppite; iita laggetettai lo77o hanotettaa moorees.

Zaarettido Wogaa 13:8

au eeno gooppa; i giyoogaakka siyoppa. Ayyo qarettada a guyye ashshoppa;

Zaarettido Wogaa 13:9

a woranau koshshees. A woranau koiro ne doomma; hegaappe guyyiyan, asai ubbai ba kushiyaa a bolli wottidi woro.

Zaarettido Wogaa 19:13

Ayyo ainne qarettoppite; intteyyo ubbabai lo77o gidana mala, geeshshaa suuttaa gussiyaagaa Israa7eela giddoppe xaissite.

Zaarettido Wogaa 19:21

Hegaa mala iitaa oottidaagau ainne qarettoppite; shemppo woridaagee haiqqo; aife gishshaa aife; achcha gishshaa achcha; kushe gishshaa kushe; gede gishshaakka gede.

Zaarettido Wogaa 25:12

iyyo ainne qarettennan i kushiyaa qanxxite.

Zaarettido Wogaa 7:2

etakka GODAI intte Xoossai intte kushiyan aatti immin, intte eta xooniyo wode, eta muleera suppu oottidi xaissite. Etaara aiba maachchanne maacettoppite. Etau ainne qarettoppite.

Zaarettido Wogaa 7:25

“Masettida eta xoossatu misileta taman xuuggite. He misiletu bollan de7iya biraa woikko worqqaa amottoppite. Hegee GODAASSI, intte Xoossaassi, tuna gidiyo gishshau, intte a piriyan ohettennaadan, a intteyyo ekkoppite.

Yaasu Maxaafaa 11:20

GODAI Muusa azazidoogaadan, Yaasu eta qareti bainnan issuwaanne ashshennan wurssi woriis. Aissi giikko, eti Israa7eelatuura olettanaadan GODAI ba huuphen eta wozanaa muumissiis.

Daannatu Maxaafaa 2:12

Gibxxe biittaappe eta kessida GODAA, bantta maizza aawatu Xoossaa aggi bayidosona; bantta yuushuwan de7iya asatu eeqatukko simmidi, etassi goinnidosona; hegan GODAA hanqqetissidosona.

Daannatu Maxaafaa 2:3

Hegaa gishshau, taani inttena, 'Eta taani intte sinttaappe yedettikke; eti intteyyo morkke gidana; eta xoossatikka intteyyo pire gidana' yaagais” yaagiis.

Daannatu Maxaafaa 3:6

Eta macca naata banttau machchidosona; bantta macca naatakka eta attuma naatussi immidosona. Yaatidi eta xoossatuyyo goinnidosona.

Daannatu Maxaafaa 8:27

Geedooni worqqaappe eeqa misiliyaa giigissidi, ba de7iyo Oofira kataman wottiis. Guyyeppe Israa7eela asai ubbai GODAA aggidi, he eeqa misiliyaayyo goinniis; Geedoonassinne a so asaassi hegee pire gidiis.