Zaarettido Wogaa 6:7 - Wolaytta Bible

⁷ Eta neeni ne naata tamaarissa; neeni ne son uttiyo wode, ogiyan hemettiyo wode, zin77iyo wodenne denddiyo wode etabaa haasaya.

Zaarettido Wogaa 6:7 ပူးပေါင်းရင်းမြစ်များ

Doomettaabaa 18:19

Aissi giikko, xillotettaanne pirddaa oottidi, GODAA ogiyaa naaganaadan ba naatanne baappe guyyiyan, ba so asaa i zorana mala, taani a dooraas; hegeenne GODAI Abrahaamayyo immana giidoogaa ubbaa polanaassa” yaagiis.

Iyyooba Maxaafaa 8:10

Eti nena tamaarissona, neeyyo yootonanne bantta akeekidobaappe haasayona.

Mazamure Maxaafaa 119:13

Ne doonaappe kiyida pirddaa taani ta inxxarssan yootais.

Mazamure Maxaafaa 119:46

Taani kawotu sinttan eqqada, neeni yootidobaa yootaidda yeellatikke.

Mazamure Maxaafaa 129:8

He ogiyaara aadhdhiyaageeti, “GODAI wolqqaa immo” gin, cakkiyaageeti, “GODAI anjjo” giyoobai de7enna.

Mazamure Maxaafaa 37:30

Xilluwaa doonai aadhdhida eraa yootees; a inxxarssaikka xillobaa haasayees.

Mazamure Maxaafaa 71:17

Abeet Xoossau, neeni ta yelagatettaappe doommada tana tamaarissadasa. Ha77i gakkanaassi taani ne garamissiya oosuwaabaa yootais.

Leemiso Maxaafaa 10:21

Xillo uraa haasayai daro asaa go77ees; shin eeyyati bantta wozanaa pacan haiqqoosona.

Leemiso Maxaafaa 15:2

Aadhdhida eranchchaa inxxarssai eraa puulayees; shin eeyyatu doonai eeyyatettaa xuuqqees.

Leemiso Maxaafaa 15:7

Aadhdhida eranchchatu doonai eraa zerees; shin eeyyatu wozanai hegaa mala gidenna.

Leemiso Maxaafaa 6:22

Neeni hemettiyo wode, eti nena kaalettana; neeni zin77iyo wode, eti nena naagana; neeni beegottiyo wodekka, eti nena zorana.

Isiyaasa 38:19

Taani hachchi nena galatiyoogaadan, paxa de7iyaageetu xalaalati nena galatoosona; neeni ammanttiyoogaa aawai ba naatussi yootees.

Milkkiyaasa 3:16

He wode GODAASSI yayyiyaageeti issoi issuwaara haasayidosona; GODAIKKA ezggidi siyiis. GODAASSI yayyidaageetinne a sunttaakka bonchchidaageeti dogettennaadan, eta hassayissiya maxaafai a sinttan xaafettiis.

Maatiyoosa 12:35

Lo77o asi ba lo77o minjjaappe lo77obaa kessees; qassi iita asi ba iita minjjaappe iitabaa kessees.

Luqaasa 6:45

Lo77o asi ba wozana giddon de7iya lo77o minjjaappe lo77obaa kessees; qassi iita asi ba iita minjjaappe iitabaa kessees; aissi giikko, asa dooni a wozanan kumidabaappe haasayees.

Efisoona 4:29

Intte haasayai siyiyaageeta go77ana mala, koshshiyoogaadan minttettiya lo77o qaalai intte doonaappe kiyoppe attin, iita qaalai mulekka kiyoppo.

Efisoona 6:4

Aawatoo, intte intte naata Godaa seeraaninne zoriyan dichchiteppe attin, eta hanqqetissoppite.

Zaarettido Wogaa 11:19

Hageeta intte naatakka tamaarissite. Intte son de7iyo wode, ogiyan hemettiyo wode, zin77iyo wodenne denddiyo wodekka, etayyo yootite.

Zaarettido Wogaa 6:2

Intte laittai adussa gidana mala, intte, intte naatinne intte naatu naatikka taani hachchi inttena azaziyo GODAA awaajuwaanne higgiyaa naagiyoogan intte laittan ubban GODAASSI, intte Xoossaassi yayyite.

Qolasiyaasa 4:6

Intte asa ubbau waati zaaranau bessiyaakko erana mala, intte haasayai ubba wode, siyanau kehiyaagaanne ufaissiyaagaa gidanau bessees.

Koiro PHeexiroosa 3:15

SHin Kiristtoosa intte wozanan bonchchitenne a intte Goda oottite. Xoossai intteyyo immana giido inttenan de7iyaagau gaaso oichchiya ooyyoonne zaaro immanau ubba wode giigi uttite; shin hegaa ashkketettaaninne yashshatettan oottite.

Uruti Maxaafaa 2:12

Neeni hanidoogaa kushiyaa GODAI neeyyo zaaro. Neeni a qefiyaa garssan attanau yiido GODAI, Israa7eela Xoossai neeyyo kumettabaa immo” yaagiis.

Uruti Maxaafaa 2:4

He wodenkka Boo7eezi Beetaliheeme katamaappe gakki wodhdhiis; gakkidi kattaa cakkiya asaa, “GODAI intteyyo wolqqaa immo” yaagiis. Etikka zaaridi, “Nenakka GODAI anjjo” yaagidosona.

Uruti Maxaafaa 4:11

Yaagin pengge gutaran de7iya cimatinne asai ubbai, “Ee, hagau nuuni markka! GODAI hanno ne soo yiya maccaasiyo, Israa7eela asaayyo maizza aayeta gidida Raaheelidaaninne Liyidan ootto. Neenikka Efiraatan dure gida; ne sunttai Beetaliheemen eretto.