Zaarettido Wogaa 6:6 - Wolaytta Bible

⁶ Hachchi taani nena azaziyo ha azazota ne wozanan wotta.

Zaarettido Wogaa 6:6 ပူးပေါင်းရင်းမြစ်များ

Doomettaabaa 18:19

Aissi giikko, xillotettaanne pirddaa oottidi, GODAA ogiyaa naaganaadan ba naatanne baappe guyyiyan, ba so asaa i zorana mala, taani a dooraas; hegeenne GODAI Abrahaamayyo immana giidoogaa ubbaa polanaassa” yaagiis.

Sameela Maxaafaa Naa77anttuwaa 22:23

Taani a higgiyaa ubbaa naagaas; a wogaa poliyoogaa aggabeikke.

Mazamure Maxaafaa 119:11

Taani nena naaqqennaadan ne qaalaa ta wozanan wottaas.

Mazamure Maxaafaa 119:13

Ne doonaappe kiyida pirddaa taani ta inxxarssan yootais.

Mazamure Maxaafaa 119:30

Taani tumaa ogiyaa dooraas; ne pirddaa ezggaas.

Mazamure Maxaafaa 119:98

Ne azazoti ubba wodekka tanaara de7iyo gishshau, eti tana ta morkketuppe aadhdhida eranchcha kessoosona.

Mazamure Maxaafaa 37:31

A Xoossaa higgee a wozanan de7ees; a tohoikka appe harchchenna.

Mazamure Maxaafaa 40:8

Abeet ta Xoossau, taani neeni koyiyoogaa oottanau dosais; ne higgee ta wozanaa giddon de7ees” yaagaas.

Leemiso Maxaafaa 3:5

Ne polo wozanan GODAA ammanetta; ne akeekan zemppoppa.

Leemiso Maxaafaa 7:3

Hassayissiyaabaadan eta ne biradhdhetun qachcha; ne wozanankka xaafa.

Isiyaasa 51:7

“Inttenoo xillotettaa eriyaageetoo, ta higgeekka intte wozanan de7iyoogeetoo, siyite. Asaa boriyau yayyoppite; eta cashshaukka dagammoppite.

Ermmaasa 31:33

SHin taani GODAI he gallassatuppe guyyiyan Israa7eela asaara maacettana maachchai hagaa: taani ta higgiyaa eta giddon wottana; qassi eta wozanankka xaafana. Taani eta Xoossaa gidana; qassi etikka ta asa gidana.

Luqaasa 2:51

Etaara duge Naazireete biis. Yaani etassi azazettees. Mairaama ha ubba yohuwaa ba wozanan wottausu.

Luqaasa 8:15

SHin aradda biittan wodhdhidaageeti hegeeti lo77o wozanaappenne tumu wozanaappe qaalaa siyidi naagidaageeta; eti danddayaara naagidi aifoosona.

Naa77antto Qoronttoosa 3:3

Ha dabddaabbiyaa Kiristtoosi ba huuphen xaafidi, nu bolli kiittidoogee tuma; ha dabddaabbee de7o Xoossaa Geeshsha Ayyaanan asa wozanan xaafettidoogaappe attin, shuchcha bolli qalamen xaafettibeenna.

Zaarettido Wogaa 11:18

“Simmi, ha azazota taageeta, intte wozanaaninne intte qofan wottite. Malaatadan eta intte kushiyan qachchite; qassi malaatadan intte som77uwankka wottite.

Zaarettido Wogaa 11:20

Intte penggiyaa qosilettatu bollaaninne intte dirssaa penggiyaa bollan intte eta xaafite.

Zaarettido Wogaa 32:46

eta hagaadan yaagiis; “Ha higgiyaa qaala ubbaa eti naaganaadaaninne oottanaadan intte naata azazana mala, hachchi ta intteyyo markkattiyo qaala ubbaa intte wozanan wottite.

Qolasiyaasa 3:16

Kiristtoosa qaalai intte wozanan kumidi de7o; intteyyo de7iya aadhdhida eratetta ubban issoi issuwaa tamaarissitenne zorite; intte wozanan Xoossaa galatiiddi, xalotiyaanne mazamuriyaa, Xoossaa sunttaa xoqqu oottiya yettaa yexxite.