Zaarettido Wogaa 6:12 - Wolaytta Bible

¹² inttena Gibxxeppe, ailletettaa biittaappe kessida GODAA dogennaadan naagettite.

Zaarettido Wogaa 6:12 ပူးပေါင်းရင်းမြစ်များ

Kawotu Maxaafaa Naa77anttuwaa 17:36

SHin Gibxxeppe inttena ba gita wolqqaaninne ba yeddido kushiyan kessida GODAAYYO oottite; ayyo gulbbatite; ayyo yarshshuwaa yarshshite.

Kawotu Maxaafaa Naa77anttuwaa 17:38

Taani inttenaara maacettido maachchaa dogoppite; hara xoossatuyyookka goinnoppite.

Iyyooba Maxaafaa 8:13

Xoossaa dogiya asaa ubbaa wurssettai hegaa mala; Xoossai bainna uraa hidootaikka xayana.

Mazamure Maxaafaa 103:2

Tanooshsho, GODAA galata! I neeyyo oottido kehatettaa ubbaa dogoppa.

Mazamure Maxaafaa 44:17

Nuuni nena dogibeennabaa gidikkokka, woikko ne maachchaa kanttibeennabaa gidikkokka, hagee ubbai nu bollan haniis.

Mazamure Maxaafaa 59:11

Ta asati balirggenna mala, neeni eta woroppa. Abeet Godau, nu gonddalliyau, ne wolqqan eta toilayada ongga.

Mazamure Maxaafaa 78:7

Yaatin, he naati Xoossan ufaissaa oottanaassa; i oottidobaakka balennan agganaassanne a azazuwaa naaganaassa.

Kessaabaa 13:14

Sinttaara yaana wodiyan ne na7ai nena, 'Hagee aibee?' yaagidi oichchikko, neeni a, 'GODAI nuna wolqqaama kushiyan Gibxxeppe, ailletettaa biittaappe kessiis;

Kessaabaa 13:3

Hegaappe guyyiyan Muusee asaa, “Gibxxeppe, ailletettaa biittaappe intte kiyido gallassaa, ha gallassaa hassayite; aissi giikko, GODAI ba wolqqaama kushiyan inttena kessiis; hegaa gishshau, irshshoi gelidobaa aibanne mooppite.

Kessaabaa 6:6

“Hegaa gishshau, neeni Israa7eelata, 'Taani GODAA; taani inttena Gibxxetu naaquwaappe kessana; taani inttena eta ailletettaappekka goqa kessana; qassi taani inttena ta gita wolqqaaninne hanttaara pirddan wozana.

Leemiso Maxaafaa 30:9

Hinna xayikko, dure gidada, “GODAI oonee?” gaada nena kaddana; woikko manqqo gidada, wuuqqana; yaatada ta Xoossaa sunttaa cayissana.

Isiyaasa 17:10

Aissi giikko, intte inttena Ashshiyaagaa, Xoossaa dogideta; intte baqati attiyo wogga Zaallaakka hassayibeekketa. Hegaa gishshau, neeni lo77o mittata tokkikkokka, kare biittaappe yiida lo77o ataakilttiyaa tokkikkokka,

Isiyaasa 51:13

Intte salota miccidanne sa7aa baasuwaakka baasida GODAA, inttenakka medhdhida Xoossaa dogidetii? Eti inttena xaissanau giigissido, inttena huqqunniya asatu hanqquwaa gaasuwan gallassa kumetta yayyideta. SHin inttena huqqunniyaageetu hanqqoi awan de7ii?

Ermmaasa 34:13

GODAI Israa7eela Xoossai hagaadan yaagees; “Taani intte maizza aawata Gibxxeppe, ailletettaa biittaappe kessido wode, etaara maachchaa maacetta uttaas.

Hoose7a 2:13

A tana dogada, ba laggettota kaallaidda, gutuchchatuuninne alleeqotun bau alleeqettaidda, Ba7aala giyo eeqaayyo ixaanaa cuwayido baala gallassatu gishshau, taani o qaxxayana. Taani GODAI hagaa odaas.

Qoodaabaa 15:39

He macaraa intte be7iyo wode ubban ta azazota hassayidi polite; yaatikko, intte intte aifiyaanne intte wozanaa amuwaa kaallidi, taappe wora simmekketa.

Zaarettido Wogaa 32:18

Eti de7uwaa immida Zaallaa qoppibookkona; qassi yeli dichchida Xoossaa dogidosona.

Zaarettido Wogaa 4:23

Hegaa gishshau, GODAI intte Xoossai inttenaara maacettido maachchaa dogoppite. Qassi GODAI intte Xoossai inttena oottoppite giido ai meran masettida misiliyaa gidikkonne intteyyo eeqa oottennaadan naagettite.

Zaarettido Wogaa 4:9

“Simmi intte de7iyo laitta ubban ha intte be7idobaa ubbaa dogennaadaaninne intte huuphiyaappe xaissennaadan naagettite; intte naatanne intte naatu naata tamaarissite.

Zaarettido Wogaa 8:10

Neeni hegan maada kallana; yaatada, i neeyyo immido lo77o biittaa gishshau, GODAA ne Xoossaa galatana.

Qolasiyaasa 2:8

Kiristtoosappe gidenna timirttiyan, ha sa7aa haariya ayyaanatu timirttiyaaninne, asappe yiida eratettan, qassi mela cimuwan inttena ooninne omooddenna mala naagettite.

Daannatu Maxaafaa 2:12

Gibxxe biittaappe eta kessida GODAA, bantta maizza aawatu Xoossaa aggi bayidosona; bantta yuushuwan de7iya asatu eeqatukko simmidi, etassi goinnidosona; hegan GODAA hanqqetissidosona.