Zaarettido Wogaa 4:6 - Wolaytta Bible

⁶ Intte eta naagitenne oottite; hegaa intte oottikko, intte ai keena aadhdhida eranchchakkonne hara asai inttena be7ana. Eti ha awaajuwaabaa siyiyo wode, 'Tumukka ha gita kawotettai aadhdhida eranchchanne akeekanchcha kawotetta' yaagana.

Zaarettido Wogaa 4:6 ပူးပေါင်းရင်းမြစ်များ

Kawotu Maxaafaa Koiruwaa 4:34

A aadhdhida eratettaa siyida biittan sa7an de7iya kawoti ubbai kiittin, kawotetta ubbaappe asai Solomona aadhdhida eraa siyanau yiis.

Iyyooba Maxaafaa 28:28

Hegaappe guyyiyan, Xoossai asaassi odiiddi, 'Xoossaassi yayyiyoogee aadhdhida eratetta; iitaappe haakkiyoogeekka akeeka' yaagees” yaagiis.

Mazamure Maxaafaa 111:10

Eratettau koiroi GODAAYYO yayyiyoogaa; a wogaa oottiyaageetuyyo lo77o akeekai de7ees. GODAI merinau galatetto!

Mazamure Maxaafaa 19:7

GODAA higgee suure; shemppuwaa zaarees. GODAI yootiyoogee ammanettiyaagaa; akeekai paccidoogeetussi eratettaa immees.

Mazamure Maxaafaa 19:8

GODAA wogai likke; wozanaa ufaissees. GODAA azazoi geeshsha; wozanaa poo7issees.

Leemiso Maxaafaa 1:4

hiillaa erennaageeta erissiyaageeta, wodallatussi eratettaanne adussa qofaa immiyaageeta.

Leemiso Maxaafaa 1:5

Aadhdhida eranchchati ha leemisota siyidi, eraa gujjoosona; akeekanchcha asatikka lo77o zoriyaa ekkoosona.

Leemiso Maxaafaa 1:7

Aadhdhida eratettaassi doomettai GODAASSI yayyiyoogaa; shin eeyyati aadhdhida eratettaanne seeraa karoosona.

Leemiso Maxaafaa 14:34

Xillotettai issi kawotettaa asaa xoqqu xoqqu oottees; shin nagarai ai asanne kaushshees.

Leemiso Maxaafaa 14:8

Cincca asi ba oottiyoogaa eriyo gishshau, aadhdhida eranchcha gidees; shin eeyya asi ainne erennankka eriyaabaa milatiyo gishshau eeyya gidees.

Isiyaasa 42:21

GODAI ba xillotettaa gishshau, ba higgiyaa gitayanaunne bonchchanau dosiis.

Ermmaasa 8:9

Aadhdhida eranchchati yeellatana; eti kauyyananne oiqettana. Eti GODAA qaalaa olirggin, etayyo aiba eratetti de7ii?

Hizqqeela 5:5

Ubbaa Haariya GODAI hagaadan yaagees; “Hagee Yerusalaame katamaa; taani biittata a yuushuwan wottada, kawotettatu ubbaayyo giddo gul77an a wottaas.

Daaneela 1:20

Kawoi eta oichchido ai aadhdhida eratettanne akeeka oishan, a kawotettan de7iya shareechchotuppenne murunniyaageetu ubbaappe eti tammu kushe aadhdhidi beettidosona.

Daaneela 4:9

“ 'Aadhdhida eranchchatu halaqau Bilxxaasooraa, geeshsha xoossatu ayyaanai nenan de7iyoogaanne ai xuurinne neeppe geemmennaagaa taani erais. Taani aimottido aimoi hagaa; ane taayyo a birshshettaa oda.

Hoose7a 8:12

Taani etau ta higgiyan darobaa xaafaas; shin eti he higgiyaa allagabaadan xeellidosona.

Milkkiyaasa 3:12

Intte biittai de7anau ufaissiya biitta gidiyo gishshau, kawotettati ubbai inttena, 'Anjjettidaageeta' yaagana” yaagees.

Zaarettido Wogaa 29:9

“Intte oiqqobainne yedhdhobai intteyyo anjjettana mala, ha maachchaa qaalata ammanettidi polite.

Zaarettido Wogaa 32:46

eta hagaadan yaagiis; “Ha higgiyaa qaala ubbaa eti naaganaadaaninne oottanaadan intte naata azazana mala, hachchi ta intteyyo markkattiyo qaala ubbaa intte wozanan wottite.

Zaarettido Wogaa 32:47

Ha qaalai intteyyo de7oppe attin, coo mela qaala gidenna. Ha qaalaa naagikko, intte Yorddaanoosa pinnidi laattana biittankka adussa laittaa de7ana” yaagiis.

Naa77antto Ximootiyoosa 3:15

Neeni guutta naatettaasappe doommada Kiristtoos Yesuusa ammanada, atotettai beettiyo aadhdhida eratettaa immanau danddayiya geeshsha maxaafata eradasa.

Yaaqooba 3:13

Intte giddon aadhdhida eranchchinne akeekanchchi oonee? Ba lo77o de7uwan oosettida ba oosuwaa ashkketettaaninne aadhdhida eratettan besso.