Zaarettido Wogaa 4:45 - Wolaytta Bible

^45-46 Ha wogaa, awaajuwaanne higgiyaa eti Gibxxeppe kiyidi, Beeti-Pa7oora katamaa sinttan de7iya, Yorddaanoosappe arshsho baggaara de7iya wombban de7ishin, etau immiis. He sohoi Haseboonan uttidi Amoore haariya Kawuwaa Sihoona biittaa giddoona. Muuseenne Israa7eela asai Gibxxeppe kiyido wode, Sihoona olidi xoonidosona.

Zaarettido Wogaa 4:45 ပူးပေါင်းရင်းမြစ်များ

Kawotu Maxaafaa Koiruwaa 2:3

GODAI ne Xoossai azazidobaa naaga; a ogetun hemetta; Muuse Higgiyan xaafettidoogaadan a awaajuwaa, a azazuwaa, a higgiyaanne a wogaa naaga. Yaatikko, neeni oottiyoobai ubbainne neeni biyo soho ubbai neeyyo injjetana.

Mazamure Maxaafaa 119:111

Neeni yootidobai merinau tabaa; ee, i ta wozanaayyo ufaissa.

Mazamure Maxaafaa 119:14

Duretettan ufaittiyoogaappe, taani neeni yootidoban aatta ufaittais.

Mazamure Maxaafaa 119:2

I yootidoogaa oottiyaageetinne bantta kumetta wozanaappe a koyiyaageeti anjjettidaageeta.

Mazamure Maxaafaa 119:22

Taani neeni yootidoogaa oottido gishshau, eta cashshaanne eta karettaa ta bollaappe digga.

Mazamure Maxaafaa 119:24

Neeni yootidoogee tana ufaissees; i tana zorees.

Mazamure Maxaafaa 119:5

Ne awaajjuwaassi azazettiyoogan ta ogee minnanaadan amottais.

Mazamure Maxaafaa 119:7

Ne xillo pirddaa tamaaraidda, taani nena suure wozanaappe galatana.

Zaarettido Wogaa 4:1

Hegaappe guyyiyan, Muusee asaa hagaadan yaagiis; “Ha77ikka Israa7eela asau, intte de7uwan de7anaadaaninne GODAI, intte maizza aawatu Xoossai, intteyyo immiyo biittaa intte laattanaadan, taani inttena tamaarissiyo awaajuwaanne higgiyaa siyitenne oottite.

Zaarettido Wogaa 4:44

Muusee Israa7eela asaayyo immido GODAA higgee hagaa.

Zaarettido Wogaa 6:17

GODAI intte Xoossai inttena azazido a azazota, a wogatanne a awaajota minttidi naagite.

Zaarettido Wogaa 6:20

“Sinttappe intte naati, 'GODAI nu Xoossai inttena azazido ha wogaa, awaajuwaanne higgiyaa birshshettai aibee?' yaagidi inttena oichchiyo wode,