Zaarettido Wogaa 4:23 - Wolaytta Bible

²³ Hegaa gishshau, GODAI intte Xoossai inttenaara maacettido maachchaa dogoppite. Qassi GODAI intte Xoossai inttena oottoppite giido ai meran masettida misiliyaa gidikkonne intteyyo eeqa oottennaadan naagettite.

Zaarettido Wogaa 4:23 ပူးပေါင်းရင်းမြစ်များ

Kawotu Maxaafaa Naa77anttuwaa 17:38

Taani inttenaara maacettido maachchaa dogoppite; hara xoossatuyyookka goinnoppite.

Hanidabaa Odiya Koiro Maxaafaa 16:15

I ba maachchaa merinaassi, ba azazido qaalaa sha7u yeletaa gakkanaassi naagees.

Kessaabaa 23:13

“Taani inttena giidobaa ubbaa minttidi oottite; hara xoossatu sunttaa xeesoppite; intte inxxarssaappe hegee siyettoppo.

Isiyaasa 24:5

Biittai banan de7iya asaappe denddidaagan tuniis. Aissi giikko, eti higgiyaa kanttidosona; wogaa menttidosona; merinaa maachchaakka kolidosona.

Ermmaasa 31:22

Inttenoo, ammanoi bainna Israa7eelatoo, aude gakkanaashin toilattuuteetii? GODAI sa7aa bollan issi oorattabaa medhdhana; hegeenne, maccaasi attumaasaassi eqettidi, saro ashshiyoogaa mala oorattabaa” yaagees.

Hizqqeela 16:59

“'Ubbaa Haariya GODAI hagaadan yaagees; “Neeni maachchaa kanttido gishshaunne caaquwaa kolido gishshau, neeni oottido oosuwaadan, taani neeyyo oottana.

Hizqqeela 8:10

Yaagin taani giddo gelada xeelliyo wode, godaa bollan yuuyyi aadhdhidi biittaara gooshettiya meretatu misilee, geeshsha gidenna do7atu misileenne Israa7eela asaa eeqatu ubbaa misilee kumidaagaa be7aas.

Milkkiyaasa 4:4

“Israa7eela asai ubbai oottanaadan, Siinaa Deriyaa bollan taani ta ashkkaraa Muuse baggaara azazido azazuwaanne higgiyaa hassayite.

Qoodaabaa 15:39

He macaraa intte be7iyo wode ubban ta azazota hassayidi polite; yaatikko, intte intte aifiyaanne intte wozanaa amuwaa kaallidi, taappe wora simmekketa.

Maatiyoosa 24:4

Yesuusi zaaridi, eta hagaadan yaagiis; “Inttena ooninne balettenna mala naagettite.

Luqaasa 12:15

Qassi eta, “Asassi daro miishshai de7ikkokka, a shemppoi he duretettan de7enna gishshau naagettite; duretetta amo ubbaappekka inttena naagite” yaagiis.

Luqaasa 21:8

Yesuusi, “Baloppite; naagettite; aissi giikko, daro asati ta sunttan, ‘Taani Kiristtoosa; wodee matattiis’ yaagiiddi, yaana. Eta kaallidi booppite.

Zaarettido Wogaa 16:22

Intte GODAI intte Xoossai ixxiyo goinniyo shuchchaa intteyyo essoppite.

Zaarettido Wogaa 27:15

“'GODAA sinttan tuna gididabaa, kushe hiillanchchi massidi kessido mittaa gidin, woikko birataa tigidi medhdhido eeqaa gidin, ayyo geeman goinniya asi qanggettidaagaa gido' yaagin, asai ubbai, 'Amin77i!' yaago.

Zaarettido Wogaa 27:9

Muusee qassikka Leewa gidiya qeesetuura issippe gididi, Israa7eela asa ubbau hagaadan yaagiis; “Inttenoo Israa7eela asau, co77u giidi ezggite! Hekko hachchi intte GODAA intte Xoossaa asa gidideta.

Zaarettido Wogaa 29:25

“Asai zaaridi, 'Eti GODAI, eta aawatu Xoossai, eta Gibxxeppe kessiyo wode, etaara gelido maachchaa qaalaa menttido gishshaassa.

Zaarettido Wogaa 31:20

Eta maizza aawatuyyo gelido qaalaadan, maattainne eessai goggiyo biittaa taani eta gelissidoogaappe guyyiyaaninne eti mi kallidi, wozanaa muumidoogaappe guyyiyan, hara xoossatuyyo goinnidi, tana karana; ta maachchaakka kanttana.

Zaarettido Wogaa 4:25

“Intte naatanne, naatu naata yelidi he biittan adussa wodiyaa de7iyo wode, ai meran gidikkonne masettida misiliyau goinnidi tunikko, qassi GODAA intte Xoossaa hanqqetissanau a sinttan iitabaa oottikko,

Zaarettido Wogaa 4:9

“Simmi intte de7iyo laitta ubban ha intte be7idobaa ubbaa dogennaadaaninne intte huuphiyaappe xaissennaadan naagettite; intte naatanne intte naatu naata tamaarissite.

Zaarettido Wogaa 5:2

GODAI nu Xoossai Siinaa Deriyaa bollan nunaara maachchaa maacettiis.

Zaarettido Wogaa 6:12

inttena Gibxxeppe, ailletettaa biittaappe kessida GODAA dogennaadan naagettite.

Ibraawe 3:12

Ta ishatoo, de7o Xoossaappe inttena shaakkiya iita ammanenna wozani inttenan oonaaninne de7enna mala naagettite.

Yaasu Maxaafaa 23:11

GODAA intte Xoossaa ubbaton siiqanaagaa dogoppite.

Yaasu Maxaafaa 23:16

GODAI intte Xoossai inttenaara maacettido maachchaa intte kanttikko, biidi hara xoossatussi oottikkonne goinnikko, GODAA hanqqoi intte bolli eexxi kiyana; i intteyyo immido lo77o biittaappekka intte eesuwan xayana” yaagiis.