Zaarettido Wogaa 32:8 - Wolaytta Bible

⁸ Ubbaappe Wolqqaamai kawotettatuyyo eti de7iyoosaa laatissido wode, asaa naata eta zariyan zariyan shaakkido wode, Israa7eela asaa qoodaadan, eta zawaa essiis.

Zaarettido Wogaa 32:8 ပူးပေါင်းရင်းမြစ်များ

Doomettaabaa 10:15

Kanaanee ba baira na7aa Sidoonanne Heeta yeliis; qassi Kanaanee Yaabuusata, Amooreta, Gerggeeseta, Hiiweta, Arqqeta, Siinata, Ariwaadeta, Xamaaretanne Hamaatata yeliis. Hegaappe guyyiyan, Kanaane zareti laalettin,

Doomettaabaa 10:25

Eboorau naa77u attuma naati yelettidosona. Issuwaa sunttai Peeleega; aissi giikko, sa7an de7iya asai a wodiyan shaahettiis; a ishaa sunttai Yoqixaana.

Doomettaabaa 10:5

Hageetuppe abbaa doonan de7iya asai ubbai ba biittan biittan, ba qaalan qaalan, ba yaran yaraaninne, ba kawotettan kawotettan shaahettidosona.

Hanidabaa Odiya Koiro Maxaafaa 16:18

Hagaadan yaagiis; “Neeyyo Kanaane biittaa immana; i ne zerettatuyyo laata gidana” yaagiis.

Iyyooba Maxaafaa 15:19

Ha biittai eta xalaalaassi imettiis; hara biittaa asaa timirttee eta giddon walahettibeenna.

Mazamure Maxaafaa 115:16

Bolla xoqqa saloi Xoossaabaa; shin sa7aa i asaassi immiis.

Mazamure Maxaafaa 50:14

Hegaa gishshau, Xoossaassi neeni immiyo yarshshoi galata gido; Ubbaappe Xoqqiya Xoossaassi ne shiiquwaa gatta.

Mazamure Maxaafaa 7:17

GODAA xillotettaa gishshataayyo taani GODAA galatana; qassi Ubbaappe Xoqqiya GODAA sunttaayyo taani galataa yexxana.

Mazamure Maxaafaa 74:17

Biittaayyo zawaa wottidaagee balgguwaanne boniyaa oottidaagee nena.

Mazamure Maxaafaa 82:6

Taani inttena, 'Intte xoossata; intte ubbaikka Ubbaappe Xoqqiya Xoossaa naata.

Mazamure Maxaafaa 91:1

Ubbaappe Xoqqiya Xoossan naagettidi de7iyaanne Ubbaappe Wolqqaama Xoossaa kuwaa giddon aqiya asi GODAASSI yaagana, “Neeni taayyo qatonne baqata attiyo soho; neeni taani ammanettiyo ta Xoossaa” yaagana.

Mazamure Maxaafaa 92:8

SHin abeet GODAU, neeni merinaayyo ubbaappe xoqqa.

Isiyaasa 14:14

SHaarati de7iyo xoqqaappekka bollau pude aadhdhana; taani tana Ubbaappe Xoqqiya Xoossaa mala oottana' yaagadasa.

Daaneela 4:17

Ubbaappe Xoqqiya Xoossai asaa naatu kawotetta ubbaa haariyoogaa, kawotettaa i ba koyiyo uraassi immiyoogaanne harai atto, asa ubbaappe karettidaageetakka i sunttiyoogaa paxa de7iya asai ubbai erana mala, qasho qofaa kiitanchchati awaajjidosona. Pirddaakka geeshshati odidosona” yaagiis.

Daaneela 5:18

“Kawuwau, Ubbaappe Xoqqiya Xoossai ne aawaa Naabukadanaxoorassi kawotaa, gitatettaa, bonchchuwaanne anggaa immiis.

Mikiyaasa 2:5

Hegaa gishshau, gadiyaa saaman shaakkiyo wode, GODAA yaa7aa giddon ne saamaa kessiya issi asinne de7enna.

Qoodaabaa 23:9

Taani xoqqa zaallaa huuphiyan eqqada eta xeellais; keran eqqada taani eta be7ais. Eti banttarkka de7iya asa; eti banttana kawotettatuppe issuwaadan qoodokkona.

Qoodaabaa 24:16

Xoossai giyoobaa siyiyaagaanne Ubbaappe Xoqqiya Xoossaappe gidida eratettai de7iyoogaa hiraagai, lichchi giidi gufannin, a aifee dooyettidoogaanne Ubbaa Danddayiya Xoossaa ajjuutaa be7iyaagaa hiraagai hagaa.

Yesuusi Kiittidoogeetu Oosuwaa 17:26

Xoossai asa zare ubbaa issi uraappe medhdhidi, biitta ubban wottiis; i ba huuphen eti de7ana wodiyaanne sohuwaa kase zawayiis.

Yesuusi Kiittidoogeetu Oosuwaa 7:48

“SHin hananabaa yootiyaagee, ‘Godai, “Saloi ta kawotaa araataa; sa7aikka ta tohoi yedhdhiyoosaa. Yaatin, taayyo ai mala keetta keexxuuteetii? Woi taani shemppanasai awaanee? Ha ubbabaa ta kushiyan oottabeikkinaa?” yaagees’ giidoogaadan, Ubbaappe Bolla Xoossai asi keexxido keettan de7enna.

Zaarettido Wogaa 33:28

Hegaa gishshau, Israa7eela asai, saluwaa irai bukkiyoosan, qumainne woiniyaa eessai kumido biittan, bochchiyaabi bainnan sarotettan de7ana.