Zaarettido Wogaa 32:6 - Wolaytta Bible

⁶ Inttenoo eeyyanne akeeki bainna asau, intte GODAAYYO immiyo zaaroi hagee? I inttena medhdhida intte Aawaa gidennee? I inttena medhdhidi, mintti essiis.

Zaarettido Wogaa 32:6 ပူးပေါင်းရင်းမြစ်များ

Sameela Maxaafaa Naa77anttuwaa 7:24

Neeni ne asaa Israa7eela merinau nebaa oottadasa. Abeet GODAU, neenikka eta Xoossaa gidadasa.

Iyyooba Maxaafaa 10:8

“Tana ne kushee giigissidi medhdhiis; shin ha77i he kushee simmidi, tana xaissees.

Mazamure Maxaafaa 100:3

GODAI Xoossaa gidiyoogaa erite; nuna medhdhidaagee a; nuuni aageeta. Nuuni a asatanne a qooruwan de7iya dorssata.

Mazamure Maxaafaa 116:12

I taassi kehido kehatettaa gishshaa taani GODAASSI ai qanxxanau danddayiyaanaa?

Mazamure Maxaafaa 149:2

Israa7eela asati banttana medhdhidaagan ufaittona. Xiyoone asati bantta kawuwan keehippe ufaittona.

Mazamure Maxaafaa 74:18

SHin abeet GODAU, ne morkketi nena waati qilliiccidaakko, qassi eeyya asati ne sunttaa waati cayidaakko hassaya.

Mazamure Maxaafaa 74:2

Neeni beni doorido asaa, neeni neeyyo buzo oottada wozido zareta hassaya. Neeni de7ido Xiyoone Deriyaa qoppa.

Mazamure Maxaafaa 95:6

Haayite; hokkidi ane ayyo goinnoos; nuna medhdhida GODAA sinttan gulbbatoos.

Kessaabaa 15:16

Dagamainne yashshai eta oiqqiis. Abeet GODAU, eti ne wolqqaa gitatettaa be7idi, ne asai aadhdhana gakkanaassi, neeni wozido asai aadhdhana gakkanaassi, shuchchadan tolettidi eqqidosona.

Kessaabaa 4:22

He wode taani GODAI giyoobaa kawuwaassi hagaadan yaagada oda; '“Israa7eeli ta baira na7aa.

Isiyaasa 1:2

Salotun de7iyaageetoo, siyite; sa7an de7iyaageetoo, ezggite; aissi giikko, GODAI hagaadan yaagiis; “Taani naata dichcha gattaas; shin eti taayyo makkalidosona.

Isiyaasa 27:11

Mittaa tasheti meliyo wode meqerettoosona; maccaasaikka yiidi, eta eettanau efees. Ha asai akeeki bainna asa gidiyo gishshau, eta Medhdhidaagee etau qarettennanne maarenna.

Isiyaasa 43:1

SHin nenoo Yaaqoobaa, nenoo Israa7eelaa, nena medhdhida GODAI hagaadan yaagees; “Taani nena wozido gishshau yayyoppa. Taani nena ne sunttan xeesaas; neeni taagaa.

Isiyaasa 63:16

Abrahaami nuna erana xayikkokka, Yaaqoobi nuna akeekennan xayikkokka, abeet GODAU, neeni nu aawaa. Beni wodiyaasappekka doommidi, ne sunttai nuna woziyaagaa.

Isiyaasa 64:8

Gidikkonne, abeet GODAU, neeni nu aawaa; nuuni urqqa; neeni urqqaa medhdhidaagaa; nuuni ubbaikka ne kushiyan merettida.

Ermmaasa 4:22

GODAI hagaadan yaagees; “Ta asai eeyya; eti tana erokkona. Eti qofi bainna naata; etayyo akeeki baawa. Eti iitabaa oottanau eranchcha; shin lo77obaa oottanau erokkona” yaagees.

Ermmaasa 5:21

'Inttenoo, aifee de7ishin xeellennaageetoo, haittai de7ishin siyennaageetoo, eeyyanne damma asatoo, hagaa siyite!

Hoose7a 13:13

Maareti oiqqido maccaasiyaa tuggatiyoogaa mala tuggai a bolli yaana. SHin i eri bainna na7a; aissi giikko, i yelettiyo wodee gakkin, ba aayee uluwaappe wodhdhennan ixxiya na7a mala.

Milkkiyaasa 1:6

Ubbaappe Wolqqaama GODAI hagaadan yaagees; “Inttenoo, ta sunttaa kaushshiya qeesetoo, na7ai ba aawaa, ashkkaraikka ba godaa bonchchees. Yaatin, taani intteyyo aawaa gidikko, intte tana bonchchiyo bonchchoi anee? Qassi taani intteyyo goda gidikko, intte taassi yayyiyo yashshai anee? “Intte ta sunttaa kaushshideta; yaatidi qassi, 'Nuuni ne sunttaa waatidi kaushshidoo?' yaageeta.

Yohaannisa 8:41

Intte intte aawai oottidoogaa ootteeta” yaagiis. Eti zaaridi, “Nuuni shaaramuxan yelettibookko; nuuyyo issi Aawai, Xoossaa xalaalai de7ees” yaagidosona.

Yesuusi Kiittidoogeetu Oosuwaa 20:28

“Yesuusi ba suuttan wozido Xoossaa woosa keettaa naagite; qassi Geeshsha Ayyaanai inttena halaqa oottidi sunttido wude ubbaakka intte huuphiyaakka naagite.

Roome 8:15

Aissi giikko, nuuni nu qaalaa xoqqu oottidi, “Abbaa! Ta Aawau” yaagidi xeesiyo nuna Xoossaa naata kessiya Geeshsha Ayyaanaa Xoossaappe ekkidoogaappe attin, naa77anttuwaa yayyanau aille kessiya ayyaanaa ekkibookko.

Koiro Qoronttoosa 6:20

Aissi giikko, Xoossai inttena waagan shammiis. Hegaa gishshau, intte bollan a bonchchite.

Galaatiyaa 3:26

Intte ubbai ammanuwaa baggaara Kiristtoos Yesuusan Xoossaa naata.

Galaatiyaa 4:6

Xoossai intte a naata gidiyo gishshau, “Abbaa, ta Aawau” giidi waassiya ba Na7aa Ayyaanaa, nu wozanaa giddo kiittiis.

Zaarettido Wogaa 1:31

Qassi bazzuwan, intte ha sohuwaa gakkanaashin yiido oge ubban, asi ba na7aa tookkiyoogaadan, GODAI intte Xoossai inttena tookkidoogaa be7ideta' yaagaas.

Zaarettido Wogaa 14:1

“Intte GODAA intte Xoossaa naata; intte haiqqida asau inttena gom77oroppitenne sintta bagga huuphiyaa meedoppite.

Zaarettido Wogaa 32:15

“Yaanidi Israa7eeli orddiis; makkaliis; mii miidi, boborcciis. Bana medhdhida Xoossaa aggiis; ba Atotettaa Zaallaa bollankka qilliicciis.

Zaarettido Wogaa 32:18

Eti de7uwaa immida Zaallaa qoppibookkona; qassi yeli dichchida Xoossaa dogidosona.

Zaarettido Wogaa 32:28

“Israa7eela asai zoreti bainna dere; akeeki etau baawa.

Naa77antto PHeexiroosa 2:1

SHin hananabaa yootiya worddoti asaa giddon kase de7iyoogaadan, intte giddonkka wordduwaa tamaarissiyaageeti de7ana. Eti banttana wozida, Ubbaa Haariya Godaa kaddidi, bashshiya worddo timirttiyaa ehaana; qassi eti akeekenna bashshaa bantta bolli ehaana.

Koiro Yohaannisa 3:1

Nuuni Xoossaa naata geetettidi xeesettana mala, Xoossai nuna ai keenaa siiqidaakkonne be7ite. Nuuni tumukka a naata. Ha sa7ai Xoossaa erenna gishshau, nunakka erenna.