Zaarettido Wogaa 32:42 - Wolaytta Bible

⁴² Ta wonddafeti eta suuttan mattottana; ta bisoikka eta ashuwaa maana. Tana ixxiya ubbaakka maarikke. Harai atto masunxxidaageetikka omoodettidaageetikka haiqqana” yaagana' yaagiis.

Zaarettido Wogaa 32:42 ပူးပေါင်းရင်းမြစ်များ

Sameela Maxaafaa Naa77anttuwaa 1:22

Goora7ettidaageetu suuttaappenne wolqqaamatu ashuwaappe Yonaataana wonddafee guyye gibeenna. Qassi Saa7oola bisoikka kallennan simmibeenna.

Iyyooba Maxaafaa 13:24

“Neeni aibissi ne som77uwaa taappe genttai? Qassi tana aibissi ne morkkedan qoodai?

Mazamure Maxaafaa 45:5

Ne zubbeti qara; eti ne morkketu wozana aifiyaa caddona. Kawotettati ne gediyan kunddona.

Mazamure Maxaafaa 45:6

Abeet Xoossau, ne kawotaa araatai meri merinau de7ees; ne kawotaa xam77aikka suuretettaa xam77aa.

Mazamure Maxaafaa 68:23

Hegeenne, neeni ne morkketu suuttaa giddoora colbbaya yedhdhaidda hemettanaassanne ne kanatikka morkkiyaa suuttaappe bantta gishshaa inxxarssan laaccanaassa” yaagiis.

Isiyaasa 34:5

Ta bisoi salotu giddon alana gakkanaashin uyiis. Be7ite, i Eedooma bolli, taani qanggido asaa bolli pirddanau wodhdhees.

Ermmaasa 12:12

Bazzuwan de7iya aibinne bainna xoqqa deretu ubbaa kanttidi, bonqqiyaageeti yiidosona; aissi giikko, GODAA bisoi biittaa ha gaxaappe hini gaxaa gakkanaassi miis. Hegaa gishshau, ooninne saro attanau danddayenna.

Ermmaasa 16:10

“Neeni ha qaalaa ubbaa ha asaayyo odiyo wode, eti nena, 'GODAI aissi hagaa mala gita iitabaa nu bolli awaajjidee? Nuuni ai mooridoo? GODAAYYO, nu Xoossaayyo, nuuni oottido nagari aibee?' yaagana.

Ermmaasa 30:14

Intte siiqoti ubbati inttena dogidosona; eti inttebaa wudokkona. Taani inttena morkkedan shocaas; meqetti bainna asi qaxxayiyoogaadan qaxxayaas. Aissi giikko, intte mooroi dalggiis; intte nagaraikka dariis.

Ermmaasa 46:10

He gallassai Godai, Ubbaappe Wolqqaama GODAA gallassa, GODAI ba morkketu bollan haluwaa kiyiyo gallassa. A bisoi kallana gakkanaashin, eta maana; alana gakkanaashinkka eta suuttaa uyana. Aissi giikko, Godai, Ubbaappe Wolqqaama GODAI huuphessa bagga biittan, Efiraaxiisa SHaafaa matan eta yarshsho oottidi ekkana.

Ermmaasa 46:14

“Hagaa Gibxxen yoota; qassi Gibxxe katamatun Migidoolan, Memppisaaninne Xaafinaasan awaajja. 'Olai intte yuushuwan de7iya asaa ubbaa wurssiiddi de7iyo gishshau, denddi eqqidi giigettite!' yaaga.

Ermmaasa Zilaassaa 2:5

Godai morkkedan hanidi, Israa7eela xaissiis. I kawo keettatanne qatota ubbaa qoliis. Yihudaa asaa bollan kayyuwaanne yeehuwaa gujjiis.

Zaarettido Wogaa 32:23

“'Taani etau metuwaa metuwaa bolli doorana; ta wonddafiyan eta dukkana.