Zaarettido Wogaa 32:4 - Wolaytta Bible

⁴ I nu zaallaattenne, a oosuwan wotoi baa; a oge ubbaikka suure. Nu Xoossai ammanettiyaagaanne iitatettai bainnaagaa; i tumanchchanne suure.

Zaarettido Wogaa 32:4 ပူးပေါင်းရင်းမြစ်များ

Doomettaabaa 1:31

Xoossai ba medhdhido ubbabaakka xeelliis; xeellidi daro lo77o gididoogaa be7iis. Sa7ai qammiisinne wonttiis; hegeenne usuppuntto gallassa.

Doomettaabaa 18:25

Hegee neeppe haakko; xillota iitatuura woriyoogeenne xillotanne iitata issi aifiyan xeelliyoogee neeppe haakko. Ha sa7aa ubbaa pirddiyaagee xillo pirddenneeyye?” yaagiis.

Sameela Maxaafaa Naa77anttuwaa 22:47

“GODAI de7ees! Xoossai, ta wogga zaallai galatetto. Xoossai, tana ashshiya zaallai, xoqqu xoqqu go.

Sameela Maxaafaa Naa77anttuwaa 23:3

Israa7eela Xoossai haasayiis; Israa7eela Zaallai tana hagaadan yaagiis; 'Xillotettan deriyaa haariya kawoi, Xoossaassi yayyiiddi kawotiya kawoi

Hanidabaa Odiya Naa77antto Maxaafaa 19:7

Ha77ikka intte GODAAYYO yayyite; intte oottiyooban inttena erite. Aissi giikko, GODAA nu Xoossaa matan naaqoi, asa sinttaa xeellidi maaddiyoogeenne mattaayiyaa miyoogee baawa” yaagiis.

Nahimiyaa Maxaafaa 9:8

I neeyyo ammanettiya asa gidiyoogaa be7ada, Kanaanetu, Hiitetu, Amooretu, Parzzetu, Yaabuusatunne Gerggeesetu biittaa a zaretussi laata biittaa oottada immanau ayyo maachchaa geladasa. Neeni xillo gidiyo gishshau, ne giido qaalaakka poladasa.

Iyyooba Maxaafaa 34:10

“Hegaa gishshau, inttenoo, akeekanchcha asatoo, taani yootiyoogaa ane siyite! Ubbaa Danddayiya Xoossai iitabaa mulekka oottenna.

Iyyooba Maxaafaa 35:14

“Iyyoobaa, neeni, 'Taani Xoossaa be7anau danddayikke; ta mootoi a sinttan de7ees; taani a naagais' yaagaasa. Yaatin, neeyyo i zaaruwaa immanau, ne gaasoi ai keena guuxxanddeeshsha!

Iyyooba Maxaafaa 36:23

'Hagaa ootta' giidi Xoossaa azaziya asi, woikko, 'Neeni iita ooso oottadasa' yaaganau danddayiya asi baawa.

Iyyooba Maxaafaa 8:3

Ubbaa Danddayiya Xoossai pirddaanne xillobaa geellayii?

Mazamure Maxaafaa 100:5

Aissi giikko, GODAI keha. Aggenna a siiqoi merinaassa; i yeletaappe yeletaa gakkanaassi ammanettiyaagaa.

Mazamure Maxaafaa 138:8

GODAI taassi giidi qoppidoogaa polana; abeet GODAU, aggenna ne siiqoi merinaagaa. Ne kushe oosuwaa yegga aggoppa.

Mazamure Maxaafaa 145:17

GODAI ba ogiyan ubban xillo; i ba ooso ubban qarettiyaagaa.

Mazamure Maxaafaa 146:6

Xoossai saluwaanne sa7aa, gita abbaanne a giddon de7iyaabaa ubbaa medhdhidaagaa; i merinaukka ammanettiyaagaa.

Mazamure Maxaafaa 18:2

GODAI tau wogga zaallaa; taani olaappe naagettiyo miixaa; i tana ashshiyaagaa. Ta Xoossai taani akko baqatiyo ta wogga zaallaa. I ta gonddalliyaa. I tana ashshiya wolqqaamaa; i taani qosetta attiyo soho.

Mazamure Maxaafaa 18:46

GODAI de7ees! Xoossai, ta wogga zaallai galatetto! Tana ashshiya Xoossai xoqqu xoqqu go!

Mazamure Maxaafaa 19:7

GODAA higgee suure; shemppuwaa zaarees. GODAI yootiyoogee ammanettiyaagaa; akeekai paccidoogeetussi eratettaa immees.

Mazamure Maxaafaa 31:5

Abeet GODAU, tumaa Xoossau, taani ta shemppuwaa ne kushiyan wottais; neeni tana wozana.

Mazamure Maxaafaa 33:4

GODAA qaalai suure; i oottiyo ooso ubbai ammanettiyaagaa.

Mazamure Maxaafaa 78:35

Eti Xoossai etau wogga zaallaa gididoogaanne Ubbaappe Xoqqiya Xoossai eta wozidaagaa gididoogaa hassayidosona.

Mazamure Maxaafaa 9:16

GODAI ba xillo pirddan baayyo erettiis; iita asi ba kushiyan oottido oosuwaa piriyan ohettiis.

Mazamure Maxaafaa 90:16

Nuuyyo ne ashkkaratuyyo ne oosoi qoncco; ne bonchcho wolqqai nu naatuyyo beetto.

Mazamure Maxaafaa 92:15

Hegeenne, GODAI suure gidiyoogaa bessees; i taayyo wogga zaallaa; iitatetti an baawa.

Mazamure Maxaafaa 97:2

SHaarainne sakkana xumai a yuuyi aadhdhiis. Xillotettainne tumatettai a kawotaa araataassi baaso.

Mazamure Maxaafaa 98:3

I Israa7eela so asaa siiqiyoogaanne etau ammanettiyoogaa hassayiis. Sa7aa gaxaa gakkanaassi de7iya asai ubbai nu Xoossaa xoonuwaa be7iis.

Mazamure Maxaafaa 99:4

Neeni, wolqqaama kawoi, likke pirddaa dosaasa. Neeni Israa7eela biittan suuretettaa minttadasa. Xillotettaanne likke pirddaa essadasa.

Kessaabaa 34:6

GODAI Muuse sinttaara hagaadan yaagidi awaajjiiddi kanttiis; “Taani GODAA; taani GODAA; qaretainne maarotai kumido Xoossaa, danddayanchchaa, aggenna siiqoi daridoogaanne daro ammanettiyaagaa.

Eranchchaa Maxaafaa 3:14

Xoossai oottidobai ubbai merinau de7iyaabaa gidiyoogaa taani eraas; i oottidobaa bollan gujjanau woikko appe haa guuttanau danddayettenna. Xoossai hegaa oottidoogee, asai baayyo yayyidi bonchchanaassa.

Isiyaasa 17:10

Aissi giikko, intte inttena Ashshiyaagaa, Xoossaa dogideta; intte baqati attiyo wogga Zaallaakka hassayibeekketa. Hegaa gishshau, neeni lo77o mittata tokkikkokka, kare biittaappe yiida lo77o ataakilttiyaa tokkikkokka,

Isiyaasa 25:1

Abeet GODAU, neeni ta Xoossaa. Taani nena xoqqu xoqqu oottana; ne sunttaakka galatana. Aissi giikko, neeni polo ammanettiyoogan beniisappe halchchettidi de7iya maalaalissiya oosota oottadasa.

Isiyaasa 26:4

GODAN merinau ammanetta; aissi giikko, GODAI Xoossai merinaa Zaallaa.

Isiyaasa 28:16

Hegaa gishshau, Ubbaa Haariya GODAI hagaadan yaagees; “Be7ite, taani Xiyoonen baasuwaassi shuchchaa, paacettida shuchchaa, godaa xaphuwaa minttiya, al77o shuchchaa wottaas; aani ammaniya ooninne yeellatenna.

Isiyaasa 30:18

SHin GODAI intteyyo kehanau naagees; i intteyyo qarettiyoogaa bessanau denddees. Aissi giikko, GODAI xillo pirddiya Xoossaa; a naagiyaageeti ubbati anjjettidaageeta.

Isiyaasa 32:2

Asai huuphiyan huuphiyan carkkuwaappe geemmiyo soho, gotiyaappe baqatiyo soho gidana; mela sohuwan goggiya haattanne booddila biittan de7iya gita zaallaa kuwaa mala gidana.

Ermmaasa 10:10

SHin GODAI tumu Xoossaa; i de7o Xoossaanne merinaa Kawuwaa. A hanqquwan biittai qaaxxees; kawotettatikka a yiilluwaa danddayokkona.

Ermmaasa 9:24

SHin ceeqqiya urai ooninne tana eriyoogaaninne akeekiyoogan ceeqqo. Aggenna siiquwaa, suure pirddaanne xillotettaa sa7aa bollan oottiya GODAA, tana eriyoogan ceeqqo. Aissi giikko, taani hageetan ufaittais. Taani GODAI hagaa odaas” yaagees.

Daaneela 4:34

“He laappun laittai wurido wode, taani Naabukadanaxoori xoqqu gaada saluwaa xeellaas; ta wozanai kahaikka simmiis. Simmin Ubbaappe Xoqqiya Xoossaa galataas; merinau de7iyaagaakka bonchchaasinne sabbaas. “A maatai merinaa maataa; a kawotettaikka yeletaappe yeletaa gakkanaashiina.

Daaneela 4:37

“Ha77i simmi taani Naabukadanaxoori saluwaa Kawuwaa galatais; a xoqqu xoqqu oottaisinne bonchchais. Aissi giikko, i oottiyoobai ubbai likke; a ogeti ubbaikka xillo; qassi otoruwan biyaageeta i kaushshanau danddayees” yaagidi xaafiis.

Imbbaaqooma 1:12

Abeet GODAU, ta Xoossau, ta Geeshshau, neeni merinaappe doommada de7iya Xoossaa gidikkii? Neeni nu Zaalla gidiyo gishshau, nuuni haiqqokko. Abeet GODAU, Kaladaaweti nuna pirddanaadan, neeni eta denttadasa; denttada wolqqaakka etau immadasa.

Imbbaaqooma 1:13

Ne aifeti daro geeshsha gidiyo gishshau, iitabaa xeellanau dosokkona; iitabai oosettiyo wode be7aidda co77u gaanau danddayakka. Yaatin, ha makkalanchchata aibissi co77u gaada xeellai? Nagaranchchati banttappe xilliya asata mittiyo wode aibissi co77u gai?

Sofonaasa 3:5

SHin a giddon de7iya GODAI xillo; i balabaa oottenna; wonttin wonttinkka i ba xillo pirddaa pirddees; ai wonttankka aggi erenna. Gidikkonne, yan de7iya makkalanchchai ainne yeella erenna.

Maatiyoosa 5:48

Hegaa gishshau, saluwan de7iya intte Aawai bali bainnaagaa gidiyoogaadan, inttekka bali bainnaageeta gidite.

Yohaannisa 1:14

Qaalai asa gididi, nu giddon de7iis. Nuuni a bonchchuwaa aaro kehatettainne tumatettai kumidoogaa be7ida. Aawaayyo issi Na7aa xalaala gidida i ekkido bonchchoi hagaa.

Yohaannisa 1:17

Aissi giikko, Xoossai higgiyaa Muuse baggaara immiis; shin aaro kehatettainne tumatettai Yesuus Kiristtoosa baggaara yiis.

Yohaannisa 14:6

Yesuusi zaaridi, “Ogee, tumainne de7oi tana; ta baggaarappe attin, ooninne ta Aawaakko baanau danddayenna.

Yohaannisa 5:22

Asai ubbai Aawaa bonchchiyoogaadan, Na7aakka bonchchana mala, Aawai pirdda ubbaa Na7au immidoogaappe attin, i oonanne pirddenna; Na7aa bonchchenna uri, Na7aa kiittida Aawaakka bonchchenna.

Roome 1:32

Eti hageetu malaa oottiyaageetuyyo haiqoi bessees giya Xoossaa higgiyaa eriiddi, hageeta oottoosona; hegaa xalaala gidennan hageeta oottiyaageetakka oottite goosona.

Roome 2:2

Nuuni hagaa mala oosuwaa oottiyaageetu bolli Xoossai xillo pirddaa pirddiyoogaa eroos.

Roome 2:5

SHin intteyyo siyenna wozanainne nagaraappe simmenna wozanai de7ees; hegaa gishshau, Xoossaa hanqqoinne xillo pirddai qoncciyo gallassi, neeni ne bolli hanqquwaa kaseegaappe darissaasa.

Roome 3:5

SHin nu mooro oosoi Xoossaa xillo oosuwaa erissiyaakko, nuuni woiganee? Nu bolli hanqquwaa ehiya Xoossai mooranchchee? Taani asi giyoogaadan gais.

Koiro Qoronttoosa 10:4

Qassi ubbaikka he issi ayyaana ushshaa uyidosona. Aissi giikko, eti banttana kaalliya ayyaana shuchchaappe uyidosona; he shuchchai Kiristtoosa.

Zaarettido Wogaa 10:18

I aawu bainna naatussinne am77etussi eta pirddaa kessees; betiyaakka siiqidi, qumaanne maayuwaa ayyo immees.

Zaarettido Wogaa 32:15

“Yaanidi Israa7eeli orddiis; makkaliis; mii miidi, boborcciis. Bana medhdhida Xoossaa aggiis; ba Atotettaa Zaallaa bollankka qilliicciis.

Zaarettido Wogaa 32:18

Eti de7uwaa immida Zaallaa qoppibookkona; qassi yeli dichchida Xoossaa dogidosona.

Zaarettido Wogaa 7:9

Hegaa gishshau, GODAI intte Xoossai Xoossaa gidiyoogaa erite. I bana siiqiyaageetuyyoonne ba azazuwaa naagiyaageetuyyo sha7u yeletaa gakkanaashin, ba aggenna siiquwaa maachchaa naagiya, ammanettiya Xoossaa.

Yaaqooba 1:17

Lo77o imo ubbainne kumetta woito ubbai saluwaappe yees. Saluwaa poo7uwaa medhdhida Xoossaappe yees; Xoossai ba huuphen dummatennanne woi mirqqidi xumissenna.

Yaaqooba 4:12

Higgiyaa immiyaageenne pirddiyaagee Xoossaa xalaala; i ashshanaunne xaissanau danddayees; shin ne shooruwaa bolli pirddiyaagee neeni oonee?

Koiro PHeexiroosa 2:6

Aissi giikko, Xoossaa maxaafai, “Be7ite, taani Xiyoone giyo kataman keettaa godaa xaphuwaa minttiya, doorettida, al77o shuchchaa wottais; aani ammaniya ooninne yeellatenna” yaagees.

Sameela Maxaafaa Koiruwaa 2:2

GODAA mala geeshshi issoinne baawa; a mali issoinne baawa. Nu Xoossaappe attin, hara attiyo wogga Zaalli baawa.