Zaarettido Wogaa 32:24 - Wolaytta Bible

²⁴ Eti namisan, xuuggiya mishuwaaninne iita harggiyan wurana. Eta bolli meto gattiya bazzo do7atanne eta dukkiya allaga shooshshata eta bolli yeddana.

Zaarettido Wogaa 32:24 ပူးပေါင်းရင်းမြစ်များ

Doomettaabaa 3:14

GODAI Xoossai hegaappe guyyiyan shooshshaa, “Neeni hagaa oottido gishshau, mehe ubbaanne do7a ubbaa garssan ne xalaalai qanggettidaagaa! Neeni ne uluwan biittaara gooshettana; ne de7o laitta ubbankka baanaa laaccana.

Doomettaabaa 49:15

I ba shemppiyoosai lo77o gidiyoogaanne ba biittai ufaissiyaagaa gidiyoogaa be7iyo wode, caanaa tookkanau ba hashiyaa ziqqi oottidi, ailletettaa ooso oottana.

Iyyooba Maxaafaa 20:16

Iita asi mittiyoobai au yiishsha gidana; shooshshaa yiishshaa mala gididi, a worana.

Mazamure Maxaafaa 120:4

Tooranchchatu zubbiyan qaran i inttena caddana; xiixinttaa bonqquwan i inttena xuuggana.

Isiyaasa 65:25

Wanggireelloinne dorssaa marai issippe heemettana; gaammoikka booraadan, utulaa maana. Qassi shooshshaayyo buhee quma gidana. He wodetun ta geeshsha dere ubban, eti qohokkonanne bashshokkona. Taani GODAI hagaa odais” yaagees.

Ermmaasa 14:18

Taani dembbaa biikko, bisuwan siifettidaageeta be7ais. Katamaa gelikko, qassi koshan gilqqidaageeta be7ais. Hananabaa yootiyaageetinne qeeseti, “Nuuni paci bainnan oottoos” goosona; shin eti bantta oottiyoobaa erokkona' yaaga” yaagiis.

Ermmaasa 15:3

GODAI hagaadan yaagees; “Taani oiddu qommo bashshaa eta bolli ehaana; hegeetinne, eta woranau bisuwaa, eta ahaa goochchanau kanata, eta ashuwaa miidi xaissanau saluwaa kafotanne sa7aa do7ata.

Ermmaasa 16:4

Eti hanttaara harggiyan haiqqana; etayyo yeekettenna, woikko eti moogettokkona; eta ahai biittaa bollan pito mala gidana. Eti bisuwaaninne koshan wurana; eta ashoi saluwaa kafotuyyoonne sa7aa do7atuyyo quma gidana” yaagiis.

Ermmaasa 8:17

GODAI hagaadan yaagees; “Be7ite, taani shooshshata intte giddo yeddana. Murunniyaageetu daadumatai teqqanau danddayenna hasota intte giddo yeddana; yeddin eti inttena dukkana” yaagees.

Ermmaasa Zilaassaa 5:10

Koshai suullido gaasuwan harggin, nu gogai tamaa coociyaadan michchees.

Hizqqeela 14:15

“Woi taani eta biittaa bollan bazzo do7ata yeddin, he do7ati an de7iya asaa xaissin, he do7atu gaasuwan ooninne giddoora kanttennaadan, he biittai baisa gidikko,

Hizqqeela 14:21

Ubbaa Haariya GODAI hagaadan yaagees; “Taani asaanne mehiyaa woranau Yerusalaame bolli ta oiddu hanttaara pirddata, bisuwaa, koshaa, bazzo do7aanne boshaa yeddiyo wode, i ai keena aaro iitabaa gidanddeeshsha!

Hizqqeela 5:17

Taani koshaanne bazzo do7aa intte bolli yeddin, eti intte naata xaissana. Taani boshaa, suuttaa gussiyoogaanne olaa intte bolli ehaana. Taani GODAI hagaa odaas” yaagees.

Wogaabaa 26:22

Taani intte bolli bazzo do7ata yeddana; eti intte naata bonqqana; intte meheta xaissana; intte qoodaakka guuttana; hegaa gaasuwan intte hemettiyo ogee bazzo gidana.

Amoxa 9:3

Eti Qarmmeloosa Deriyaa xeeran qosettikkokka, taani eta koyada hegaappe kessana. Abbaa ciimmaa giddo gelidi, ta sinttaappe geemmikkokka, taani miimminttiyaa azazin, i eta dukkana.

Mikiyaasa 7:17

Eti shooshshaadan, biittaa laaccana; sa7aara tiran gooshettiya meretatudan kokkoriiddi, bantta qatuwaappe kiyana. Kiyidi gita dagaman GODAAKKO, nu Xoossaakko, simmana; eti GODAASSI yayyiiddi de7ana.

Imbbaaqooma 3:5

GODAI boshaa baappe sinttau kiittees; haiquwaakka ba geeduwaa kaalettees.

Zaarettido Wogaa 28:22

GODAI nena gilqqatettan, mishuwaaninne masunttan, xuuggiya awaaninne koshan, carkkuwaaninne dumma dumma kattaa harggiyan neeni xayana gakkanaashin shocana.

Zaarettido Wogaa 28:48

Hegaa gishshau, nena namisan, saamuwan, kalluwaaninne metuwan ubbabaa xayada, GODAI ne bolli yeddiyo ne morkketuyyo haarettana; GODAI nena xaissana gakkanaashin, ne morggiyan birata qambbaraa waaxana.

Zaarettido Wogaa 28:53

“Ne morkketi katamaa dooddidi nena un77ettiyo wode, miyoobaa xayada, GODAI ne Xoossai neeyyo immido, ne uluwaa aife gidiya, ne attuma naatunne ne macca naatu ashuwaa neeni maana.